ରାଉରକେଲା ମାତିଛନ୍ତି ବାଲି ମାଫିଆ । ପ୍ରାୟ ୪୪ ବାଲି ଘାଟରୁ ବେଆଇନ୍ ଭାବେ ବଲି ଚୋରି କରି ମାଲାମାଲ ମାଫିଆ ଓ ଅସାଧୁ କର୍ମଚାରୀ
କନକ ବ୍ୟୁରୋ : ବଡିଭୋରୁ ବିଳମ୍ବିତ ସନ୍ଧ୍ୟା ପର୍ୟ୍ୟନ୍ତ ମେସିନ ସାହାଯ୍ୟରେ ନଇ ମଝିରୁ ବାଲି ବୁହା ଚାଲିଛି । ଗୋଟିଏ କି’ ଦୁଇଟି ସ୍ଥାନରେ ନୁହେଁ, ରାଉରକେଲା ସମେତ ଆଖପାଖ ଅଞ୍ଚଳରେ ଥିବା ସମସ୍ତ ବାଲିଘାଟ ମଧ୍ୟରୁ ୫୦ପ୍ରତିଶତ ବାଲିଘାଟରେ ସମାନ ସ୍ଥିତି। ବିଶ୍ରା, ରାଉରକେଲା, କୁଆଁରମୁଣ୍ଡା, ଲାଠିକଟା ଓ ବିରମିତ୍ରପୁର ତହସିଲ ଅଧୀନରେ ରହିଛି ମୋଟ ୪୪ ଟି ବାଲିଘାଟ। ସେଥିମଧ୍ୟରୁ ଅର୍ଦ୍ଧାଧିକ ବାଲିଘାଟରେ ଚାଲିଛି ମାଫିଆ ରାଜ।
Kanak News is now on WhatsApp
Join and get latest news updates delivered to you via WhatsApp
ରାଉରକେଲା ସହର ଉପକଣ୍ଠ ଝିରପାଣି ସ୍ଥିତ କୋଏଲ ବ୍ରିଜ ତଳୁ ବର୍ଷ ବର୍ଷ ଧରି ବେଆଇନ୍ ଭାବେ ବାଲି ବୁହା ହେଉଛି । ବାଲି ଉଠାଣ ନେଇ ଥିବା ସୁବି ନୀୟମକୁ ଫୁ କରିଦିଆଯାଇଛି । ଦୈନିକ କେତେ ବାଲି ଉଠୁଛି? କିଏ ଉଠାଉଛି? କେତେ ପରିମାଣର ବାଲି ଉଠାଇବା ପାଇଁ ଟିପି ଦିଆଯାଇଛି ? ପ୍ରକୃତ ନିଲାମୀ ଘାଟରୁ ବାଲି ଉଠୁଛି କି ନାହିଁ? ଏସବୁର ତଦାରଖ ପାଇଁ ବାଲି ଘାଟରେ କାହାରି ଦେଖାନାହିଁ । ଅଧିକାରୀଙ୍କ ଦେଖା ମିଳୁନଥିବା ବେଳେ ଦଲାଲ ମନ ଇଛା ବାଲି ଉଠାଇ ମାଲାମାଲ ହେଉଛନ୍ତି ।
ରାଉରକେଲା, କୁଆଁରମୁଣ୍ଡା, ଲାଠିକଟା ଓ ବିରମିତ୍ରପୁର ତହସିଲ ଅଧିନରେ ମୋଟ ୪୪ଟି ବାଲିଘାଟ ରହିଛି । ଘାଟ କେଉଁଠି ନିଲାମ ହୋଇନି, ତ କେଉଁଠି ପରିବେଶ ମଂଜୁରୀ ନଥିବାରୁ ଅନୁମତି ପ୍ରଦାନ କରାଯାଇ ନାହିଁ । ଏହା ସତ୍ୱେ ଦିନ ରାତି ବାଲି ବୁହା ଚାଲିଛି । ସରକାର କୋଟି କୋଟି ଟଙ୍କାର ରାଜସ୍ୱ ହରାଉଥିବା ବେଳେ ମାଲାମାଲ ହେଉଛନ୍ତି ବାଲି ମାଫିଆ ଓ କିଛି ଅସାଧୁ କର୍ମଚାରୀ । ତେବେ ଏନେଇ ବାରମ୍ବାର ଅଭିଯୋଗ ହେଲେ ବି କୌଣସି ଆଖିଦୃଶିଆ ପଦକ୍ଷେପ ଗ୍ରହଣ କରାଯାଉନାହିଁ ।
ତେବେ ନିୟମିତ ଚଢାଉ ଚାଲିଛି ଓ ଜରିମାନା ଆଦାୟ କରାଯାଉଥିବା ତହସିଲଦାର ପ୍ରକାଶ କରିଛନ୍ତି । ତେବେ ଏଠି ପ୍ରଶ୍ନ ଉଠୁଛି, ଯଦି ନୀତି ନିୟମ ଆଧାରରେ ବାଲିଘାଟରୁ ବାଲି ଉଠୁଛି, ତେବେ ଫାଇନ କଣ ପାଇଁ ?