ଦିନ ୧୧ରୁ ବନ୍ଦ ରହିଛି ସନାତନଙ୍କ ଜବରଦଖଲ ଉଚ୍ଛେଦ :ଆଜି ଏସି ଗୁହାଳ ଭାଙ୍ଗିବନି ପ୍ରଶାସନ
ଦ୍ୱୀତିୟ ଦିନରେ ଚମ୍ପୁଆ ବିଧାୟକ ସନାତନ ମହାକୁଡଙ୍କ ଜବରଦଖଲ ଉଚ୍ଛେଦ କରାଯାଉଛି । ତେବେ ଦିନ ୧୧ରୁ ଉଚ୍ଚେଦ କାମ ବନ୍ଦ ରହିଛି । ପୁଣି ଅପରାହ୍ନରୁ ଆରମ୍ଭ ହେବ ପାଚେରୀ ଭଙ୍ଗା କାମ । ଗତକାଲି ସନାତନଙ୍କ ବେଆଇନ ନିର୍ମାଣ ଭଙ୍ଗା ଆରମ୍ଭ କରିଥିଲା ଜିଲ୍ଲା ପ୍ରଶାସନ । ସନା ସାମ୍ରାଜ୍ୟରେ ଚାଲିଥିଲା ବୁଲଡୋଜର । ପାହାଡ ପରି ପାଚେରିକୁ ଭିଙ୍ଗି ମାଟିରେ ମିଶାଇ ଦିଆଯାଇଛି । ୫ ଏକରରୁ ଅଧିକ ସରକାରୀ ଜମିରେ ବିଧାୟକ ସନାତନ ମହାକୁଡ କରିଥିବା ବେଆଇନ ନିର୍ମାଣକୁ ହାଇକୋର୍ଟଙ୍କ ନିଦେ୍ର୍ଦଶରେ ଭାଙ୍ଗିବା ଆରମ୍ଭ ହୋଇଛି । ଜବରଦଖଲ ଜମିକୁ ନିଜ ଅକ୍ତିଆରକୁ ନେବା ପାଇଁ ପୋଲିସ ବଳ ଓ ସରକାରୀ କଳ ପ୍ରକ୍ରିୟା ଜାରି ରଖିଛନ୍ତି । ୧୯୮୦ ମସିହାରୁ ଖଣିଜ ସଂପଦରେ ଭରପୁର ସର୍ବସାଧାରଣ ସଂପତିକୁ କବଜା କରିଛନ୍ତି କେନ୍ଦୁଝରର ଏହି ବିତଶାଳୀ ବିଧାୟକ । ପରେ ଏହାକୁ ଜଗତଜନନୀ ଟ୍ରଷ୍ଟ ନାଁରେ କରାଇ ଏକ ମନ୍ଦିର ମଧ୍ୟ ତୋଳିଛନ୍ତି । ତେବେ ସନାତନଙ୍କ ବିଶାଳ ଅଟ୍ଟାଳିକା ଭାଙ୍ଗିବ କି ପ୍ରଶାସନ, ତା ଉପରେ ସମସ୍ତଙ୍କ ନଜର ରହିଛି । ଏହାକୁ ନ ଭାଙ୍ଗିବାକୁ କୋର୍ଟଙ୍କ ନିଦେ୍ର୍ଦଶ ଥିବା ଦାବି କରୁଛନ୍ତି ବିଧାୟକ ସନାତନ ମହାକୁଡ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଗତକାଲି ଦିନତମାମ ଚର୍ଚ୍ଚାରେ ଥିବା ବିଧାୟକ ସନାତନ ମହାକୁଡଙ୍କ ଏସି ଗୁହାଳ ରେ ଆଜି ଚାଲିବ ନାହିଁ ପ୍ରଶାସନର ବୁଲଡୋଜର । କାରଣ ସନାତନଙ୍କ ଅନୁରୋଧକ୍ରମେ ଏହାକୁ ଭାଙ୍ଗିବା ପାଇଁ ୫ ଦିନ ସମୟ ଦେଇଛି ପ୍ରଶାସନ । ଏଠାରେ ରହୁଥିବା ଗୃହପାଳିତ ପଶୁଙ୍କୁ ଅନ୍ୟତ୍ର ସ୍ଥାନାନ୍ତର କରିବା ପରେ ଗୁହାଳ ଭଙ୍ଗାଯିବ ବୋଲି ଜଣାପିଡିଛି ।