ନୂଆବର୍ଷରେ ନୂଆ ମଙ୍ଗୁଆଳ ପାଇଲା ରାଜ୍ୟ ବିଜେପି । ସହମତିରେ ସଭାପତି ହେଲେ ସମୀର ମହାନ୍ତି । ୨୦୧୬ରୁ ତୁଲାଇ ଆସୁଥିଲେ ଉପ ସଭାପତି ଦାୟିତ୍ୱ
କନକ ବ୍ୟୁରୋ: ସମୀର ମହାନ୍ତି ହେଲେ ରାଜ୍ୟ ବିଜେପି ସଭାପତି । ସହମତି ଭିତ୍ତିରେ ସମୀର ହେଲେ ରାଜ୍ୟ ବିଜେପିର ମୁଖିଆ । ୨୦୧୬ରୁ ରାଜ୍ୟ ବିଜେପିର ଉପ ସଭାପତି ପଦରେ ଥାଇ ବିଭିନ୍ନ ଦାୟିତ୍ୱ ତୁଲାଇ ଆସୁଥିଲେ ସମୀର ।
Kanak News is now on WhatsApp
Join and get latest news updates delivered to you via WhatsApp
୧୯୭୭ରେ ଏବିଭିପିରୁ ନିଜ ରାଜନୈତିକ ଜୀବନ ଆରମ୍ଭ କରିଥିବା ସମୀର ୧୯୮୪ର ବିଜେପି ଯୁବମୋର୍ଚ୍ଚାର ସାଧାରଣ ସଂପାଦକ ହୋଇଥିଲେ । ତେବେ ୧୯୮୫ରେ ସରକାରୀ ଚାକିରିରେ ଯୋଗଦାନ କରି ବିଡିଏର ଉପ ସୂଚନା ଅଧିକାରୀ ଭାବେ ଦାୟିତ୍ୱ ତୁଲାଇଥିଲେ ।
ମାତ୍ର ୧୯୯୫ରେ ଚାକିରି ଛାଡି ବିଜେପି ଭୁବନେଶ୍ୱର ଜିଲ୍ଲା ଉପସଭାପତି ଦାୟିତ୍ୱ ତୁଲାଇଥିଲେ ସମୀର । ୨୦୦୦ରେ ରାଜ୍ୟ ବିଜେପିର ସଂପାଦକ ହୋଇଥିଲେ ମଧ୍ୟ ୨୦୦୯ରେ ଏକାମ୍ର ଭୁବନେଶ୍ୱର ଆସନରୁ ବିଜେପିର ବିଧାୟକ ପ୍ରାର୍ଥୀ ଭାବରେ ନିର୍ବାଚନ ଲଢିଥିଲେ ।
ତେବେ ନୂଆବର୍ଷରେ କିଏ ହେବ ରାଜ୍ୟ ବିଜେପିର ନୂଆ ମଙ୍ଗୁଆଳ । ନୂଆବର୍ଷରେ ବିଜେପି ନୂଆ ମୁଖିଆ ଦେଖିବ ବୋଲି ଗତ କିଛି ଦିନ ହେବ ଜୋରଦାର ଚର୍ଚ୍ଚା ଲାଗିରହିଥିଲା । ତେବେ ରେସରେ ସାଧାରଣ ସମ୍ପାଦକ ପୃଥ୍ୱୀରାଜ ହରିଚନ୍ଦନଙ୍କ ନାମ ପ୍ରଥମେ ଥିବା ବେଳେ ସହମତି ଭିତ୍ତିରେ ସମୀରଙ୍କ ନାଁରେ ମୋହର ମରାଯାଇଛି । ତେବେ ଆସନ୍ତାକାଲି ସଭାପତି ପାଇଁ ପରୀକ୍ଷା ହେବାକୁ ଥିବା ବେଳେ ଆଜି ସହମତିରେ ସମୀରଙ୍କୁ ମୁଖିଆ ମୁକୁଟ ପିନ୍ଧାଇଛନ୍ତି ବିଜେପି କର୍ମୀ ।