ଇଣ୍ଡିଆନ ପବ୍ଲିକ୍ ସ୍କୁଲରେ ସମ୍ବଲପୁରୀ ଦିନ୍ ପାଳିତ ।

କନକ ବ୍ୟୁରୋ: ସମ୍ବଲପୁରୀ ଦିବସ ଇଣ୍ଡିଆନ ପବ୍ଲିକ୍ ସ୍କୁଲରେ ବହୁତ ଆନନ୍ଦରେ ପାଳନ କରାଯାଇଥିଲା । ଅଗଷ୍ଟ ୧ରେ ଗୁରୁ ସତ୍ୟନାରାୟଣ ବହିଦାରଙ୍କ ଜନ୍ମଦିନ ଉପଲକ୍ଷେ ପାଳନ କରାଯାଉଥିବା ବେଳେ ଏହି ଦିନ ସମ୍ବଲପୁରବାସୀଙ୍କ ପାଇଁ ଏକ ଗୁରୁତ୍ୱପୂର୍ଣ୍ଣ ଦିନ ଭାବରେ ପାଳନ କରାଯାଇଥାଏ । ବିଶେଷ କରି ପଶ୍ଚିମ ଓଡିଶାରେ ଏହା ପ୍ରତିଷ୍ଠିତ ହୋଇଥିଲା ଏବଂ ଏଠାରେ ଲୋକମାନେ ଏହାକୁ ପାଳନ କରିଥିଲେ । ଏହି ପରିପ୍ରେକ୍ଷୀରେ, ଆଜି ଏହି ଦିନ ବିଦ୍ୟାଳୟର ପରିସରରେ ଆନନ୍ଦ ଏବଂ ଉତ୍ସାହ ସହିତ ପାଳନ କରାଯାଇଥିଲା । ସ୍କୁଲ ଅଧ୍ୟକ୍ଷ ସଚିନ ପାଠକଙ୍କ ଦ୍ୱାରା ଏହି କାର୍ଯ୍ୟକ୍ରମ ଉଦ୍ଘାଟିତ ହୋଇଥିଲା । ଏହି ଅବସରରେ ଛାତ୍ରଛାତ୍ରୀ ମାନଙ୍କ ଦ୍ୱାରା ସମ୍ବଲପୁରୀ ଗୀତ ଏବଂ ନୃତ୍ୟ ସମ୍ବନ୍ଧୀୟ ଅନେକ କାର୍ଯ୍ୟକ୍ରମ ଉପସ୍ଥାପିତ ହୋଇଥିଲା । ନବମ ଶ୍ରେଣୀର ଛାତ୍ରଛାତ୍ରୀ ମାନେ ବିଦ୍ୟାଳୟର ସଂଗୀତ ଶିକ୍ଷକ ଗିରିଜା ଶଙ୍କର ମିଶ୍ରଙ୍କ ଦ୍ୱାରା ରଚିତ ଗୀତଗୁଡ଼ିକ ପରିବେଷଣ କରି ସମସ୍ତଙ୍କୁ ଆକର୍ଷିତ କରିଥିଲେ । ନୃତ୍ୟ ଶିକ୍ଷକ ଅଜୟ ଜାଲଙ୍କ କୋରିଓଗ୍ରାଫିରେ ଅଷ୍ଟମ ଏବଂ ଷଷ୍ଠ ଶ୍ରେଣୀର ଛାତ୍ରଛାତ୍ରୀ ମାନେ ସେମାନଙ୍କର ସମ୍ବଲପୁରୀ ନୃତ୍ୟ ଉପସ୍ଥାପନା ସହିତ ଉପସ୍ଥିତ ଥିବା ସମସ୍ତ ଶିକ୍ଷକ ଓ ଛାତ୍ରଛାତ୍ରୀଙ୍କୁ ଉତ୍ସାହିତ କରି ଏହି ଦିନକୁ ସ୍ମରଣୀୟ କରିଥିଲେ । ଏହି ଅବସରରେ ସ୍କୁଲ ଅଧ୍ୟକ୍ଷ ସଚିନ ପାଠକ କହିଛନ୍ତି ।

ପାଶ୍ଚାତ୍ୟ ସଂସ୍କୃତିର ଅନୁକରଣ କରିବା ପରିବର୍ତ୍ତେ ଆମର ନିଜ ସଂସ୍କୃତି ଗ୍ରହଣ କରିବା ଉଚିତ୍ । ଏହି କାର୍ଯ୍ୟକ୍ରମକୁ କୋଡ଼ିନେଟର ରଶ୍ମୀରେଖା ପଣ୍ଡା ପରିଚାଳନା କରିଥିଲେ । ଏହି ଅବସରରେ ବିଦ୍ୟାଳୟର ମୁଖ୍ୟ ପରିଚାଳକ କେଶବ ଡାଲମିଆ ଏବଂ ସୁମନ ଡାଲମୀଆ ଶିକ୍ଷକ , ଶିକ୍ଷୟତ୍ରୀ ଓ ଛାତ୍ରଛାତ୍ରୀ ମାନଙ୍କୁ ହାର୍ଦ୍ଦିକ ଅଭିନନ୍ଦନ ଜଣାଇଛନ୍ତି । ଏହି ଅବସରରେ ସ୍କୁଲ ଉପାଧ୍ୟକ୍ଷ ପୂଜା ସିଂ, ବରିଷ୍ଠ ଶିକ୍ଷକ ବିକ୍ରମ ଷଡ଼ଙ୍ଗୀ, ହେମନ୍ତ କୁମାର ଯାଦବ, ବିଜୟ କୁମାର ପ୍ରଧାନ ମିଥିଲେସ ଝା ଏବଂ ସମସ୍ତ ଶିକ୍ଷକ ଶିକ୍ଷୟତ୍ରୀ ଓ ଛାତ୍ରଛାତ୍ରୀ ଉପସ୍ଥିତ ଥିଲେ ।