ଦଶହରାରେ ମାଆ ଦୁର୍ଗାଙ୍କ ଦଶମୀ ପୂଜା : ସମ୍ବଲପୁରରେ ବିଭିନ୍ନ ପୂଜା ମଣ୍ଡପରେ ସିନ୍ଦୁର ଖେଳର ପରମ୍ପରା
କନକ ବ୍ୟୁରୋ : ଦଶହରାରେ ମାଆ ଦୁର୍ଗାଙ୍କ ଦଶମୀ ପୂଜା ପାଇଁ ବିଭିନ୍ନ ସ୍ଥାନରେ ଭିନ୍ନ ଭିନ୍ନ ପରମ୍ପରା ଦେଖିବାକୁ ମିଳିଥାଏ । ସମ୍ବଲପୁରରେ ବିଭିନ୍ନ ପୂଜା ମଣ୍ଡପରେ ସିନ୍ଦୁର ଖେଳର ପରମ୍ପରା ରହିଛି । ବିଶେଷ କରି ଦଶହରାରେ ବଙ୍ଗାଳୀ ସଂପ୍ରଦାୟରେ ଦେଖିବାକୁ ମିଳିଥାଏ ଏହି ସିନ୍ଦୁର ଖେଳ । ଦଶହରାରେ ମାଆ ଦୁର୍ଗତିନାଶିନୀଙ୍କୁ ବିଦାୟ ଦେବା ପାଇଁ ସିନ୍ଦୁର ଲଗାଇ ଥାନ୍ତି ବଙ୍ଗାଳୀ ସଂପ୍ରଦାୟର ମହିଳାମାନେ । ସମ୍ବଲପୁର କାଳିବାଡି ମଣ୍ଡପରେ ବହୁ ସଂଖ୍ୟାରେ ମହିଳାମାନେ ଏକାଠି ହୋଇ ମାଆ ଦୁର୍ଗାଙ୍କୁ ସିନ୍ଦୁର ଲଗାଇଛନ୍ତି । ଏହା ସହ ପରସ୍ପରକୁ ସିନ୍ଦୁର ଲଗାଇ ମହିଳାମାନେ ଦଶହରାରେ ଖୁସି ମନାଉଥିବା ଦେଖିବାକୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ସପ୍ତମୀ, ଅଷ୍ଟମୀ, ନବମୀରେ ମାଆଙ୍କ ପୂଜା କରିବା ସହ ଦଶମୀରେ ମାଆ ଦଶଭୂଜାଙ୍କୁ ସିନ୍ଦୁର ଲଗାଇ ବିଦାୟ ଦେବାର ପରମ୍ପରା କାହିଁ କେତେ କାଳରୁ ଏଠାରେ ଚଳି ଆସୁଛି ।