କଟନିଛଟନିକୁ ନେଇ ଛିଣ୍ଡୁନି ମିଲର-ଚାଷୀଙ୍କ ବିବାଦ: ମଣ୍ଡିରେ ପଡିଛି ହଜାର ହଜାର ବସ୍ତା ଧାନ
ସମ୍ବଲପୁର ଜମନକିରା ବ୍ଲକରୁ ଆସିଲା ଚିତ୍ର । ଚିନ୍ତାରେ ଚାଷୀ
କନକ ବ୍ୟୁରୋ: ମଣ୍ଡିରେ ପଡ଼ି ରହିଛି ହଜାର ହଜାର ବସ୍ତା ଧାନ । ମିଲର ଆସୁନଥିବା ବେଳେ କଟନି ଛଟନିକୁ ନେଇ ମିଲର ଏବଂ ଚାଷୀଙ୍କ ଭିତରେ ଛିଡ଼ୁନି ବିବାଦ । ଯାହା ପାଇଁ ୯୮ଶହ ୭୦ ପ୍ୟାକେଟ ଧାନ ଉଠି ନପାରି ପଡ଼ି ରହିଛି । ସମ୍ବଲପୁର ଜମନକିରା ବ୍ଲକର ସୁବର୍ଣ୍ଣପାଲି ମଣ୍ଡି ଓ ଡ଼ିମିରମୁଣ୍ଡା ସମେତ ଅନେକ ମଣ୍ଡିରେ ପଡ଼ି ରହିଛି ଧାନ ।
Kanak News is now on WhatsApp
Join and get latest news updates delivered to you via WhatsApp
ସୁବର୍ଣ୍ଣପାଲି ରେ ଏକ ମହିଳା ସଂୟଂ ସହାୟକ ଗୋଷ୍ଠି ଧାନ ସଂଗ୍ରହ କରୁଥିବା ବେଳେ ମଣ୍ଡିକୁ ମିଲର ଆସୁନି । ଏଭଳି ଦୁର୍ଦଶା ଭିତରେ ସୁବର୍ଣ୍ଣପାଲି ମଣ୍ଡି ୫୭ ଜଣ ଚାଷୀଙ୍କ ୫ ହଜାର ପ୍ୟାକେଟ ଓ ଡିମିରମୁଣ୍ଡାରେ ୧୦୬ ଜଣ ଚାଷୀଙ୍କ ୯୮ଶହ ୭୦ ପ୍ୟାକେଟ ଧାନ ଉଠି ନପାରି ପଡିରହିଛି । ତେବେ ମଣ୍ଡି ଖୋଲିବା ଆରମ୍ଭରୁ ଜଦି ଏଭଳି ସମସ୍ୟା ଲାଗିରହେ ଆଗକୁ ଚାଷି ହଇରାଣରେ ପଡିବା ଆଶଙ୍କା କରାଯାଉଛି ।