କନକ ବ୍ୟୁରୋ : ଆସୁଛି ଦୀପାବଳି । ଦୀପ ଆଲୁଅରେ ଆଲୋକିତ ହେବ ପରିବେଶ । ଏଥିପାଇଁ ଦୀପ ତିଆରିରେ ଲାଗିପଡ଼ିଛନ୍ତି କାରିଗର । ସବୁଠି ମାଟିରେ ତିଆରି ହେଉଥିବା ବେଳେ ସମ୍ବଲପୁରରେ ଦେଶୀ ଗାଈ ଗୋବରରେ ପ୍ରସ୍ତୁତ ହେଉଛି ଦୀପ । ଏହା ପରିବେଶ ଅନୁକୂଳ ହୋଇଥିବାରୁ ଦୀପାବଳି ପାଇଁ ଏହାର ଚାହିଦା ବଢୁଛି । ଆଉ ଏହି ଗୋବର ଦୀପକୁ ତିଆରି କରୁଛନ୍ତି ଚାରିପାଲିର ୧୫ଟି ପରିବାର ।
Kanak News is now on WhatsApp
Join and get latest news updates delivered to you via WhatsApp
ୟୁଟ୍ୟୁବ ଦେଲା ରୋଜଗାର । ମାଟି ନୁହେଁ ଗୋବରରେ ତିଆରି କରୁଛନ୍ତି ଦୀପ । ଖାଲି ସେତିକି ନୁହେଁ ୧୫ଟି ପରିବାରକୁ ରୋଜଗାର ଦେଉଛନ୍ତି ଯୁବକ । ଗୋବରକୁ ଗୁଣ୍ଡ କରି ଏଥିରେ ପ୍ରିମିଶ ପାଉଡ଼ର ମିଶାଇ ରଙ୍ଗ ବେରଙ୍ଗର ଦୀପ ତିଆରି ହେଉଛି । ଅଢେଇ କେଜି ଖତରେ ୧ କେଜି ପ୍ରିମିଶ ପାଉଡର ମିଶାଯାଏ । ଏଥିରେ ପ୍ରାୟ ୫୫୦ଟି ଦୀପ ତିଆରି ହୁଏ । ସବୁଠାରୁ ବଡ଼ କଥା ହେଉଛି ୟୁଟ୍ୟୁବରୁ ଦୀପ ତିଆରି ଶିଖିଛନ୍ତି କାରିଗର କୈଳାସ ମହାକୁର । ନିଜେ ଗୋବର ଦୀପ ତିଆରି ଶିଖିବା ସହ ଅନ୍ୟଙ୍କୁ ଶିଖାଇଛନ୍ତି ।