ସମ୍ବାଦ ଏକ୍ସଲେନ୍ସ ଆୱାର୍ଡ-୨୦୨୧: କାର୍ଯ୍ୟକ୍ରମର ଉଦଘାଟନ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
ଦେଶ-ବିଦେଶରେ ସୁନାମ ଅର୍ଜନ କରିଥିବା ଉଦ୍ୟୋଗୀଙ୍କୁ ଦିଆଯିବ ବ୍ରାଣ୍ଡସ୍ ଅଫ ଓଡିଶା ପ୍ରାଇଡ୍ ଅଫ ଇଣ୍ଡିଆ କର୍ପୋରେଟ୍ ଏକ୍ସଲେନ୍ସ ଆୱାର୍ଡ
କନକ ବ୍ୟୁରୋ: ସମ୍ବାଦ ଗ୍ରୁପର ବ୍ରାଣ୍ଡସ ଅଫ ଓଡିଶା ପ୍ରାଇଡ ଅଫ ଇଣ୍ଡିଆ କର୍ପୋରେଟ ଏକ୍ସିଲେନ୍ସି ଆୱାର୍ଡସ-୨୦୨୧ର ପୁରସ୍କାର ବିତରଣ ସମାରୋହ ଆଜି ଭୁବନେଶ୍ୱରରେ ଆୟୋଜିତ ହେଉଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାକୁ ଉଦଘାଟନ କରିବେ । ବିଜେତାମାନଙ୍କୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ପୁରସ୍କୁୃତ ଓ ସମ୍ମାନିତ କରିବେ । ଓଡିଶାରୁ ଜନ୍ମହୋଇ ଦେଶବିଦେଶରେ ସୁନାମ ଅର୍ଜନ କରିଥିବା ଉଦ୍ୟୋଗଗୁଡିକୁ ପୁରସ୍କୃତ କରିବା ପାଇଁ ବ୍ରାଣ୍ଡସ ଅଫ ଓଡିଶା ପ୍ରାଇଡ ଅଫ ଇଣ୍ଡିଆ କର୍ପୋରେଟ ଏକ୍ସିଲେନ୍ସି ଆୱାର୍ଡସର ପରିକଳ୍ପନା କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏହା ହେଉଛି ପୁରସ୍କାରର ଚତୁର୍ଥ ସଂସ୍କରଣ । ଏଥର ପାଂଚଟି ବର୍ଗରେ ପୁରସ୍କାର ଦିଆଯିବ । ଏହା ହେଉଛି କର୍ପୋରେଟ ସାମାଜିକ ଦାୟିତ୍ୱବୋଧ, ବୃହତ, ମଧ୍ୟମ, କ୍ଷୁଦ୍ର ଓ ଷ୍ଟାର୍ଟଅପ । ପ୍ରତିବର୍ଗରେ ପ୍ଲାଟିନମ, ଗୋଲ୍ଡ ଓ ସିଲଭର ଭଳି ୩ଟି ପୁରସ୍କାର ପାଇଁ ଉଦ୍ୟୋଗ ଜଗତରୁ ଆବେଦନ ଆହ୍ୱାନ କରାଯାଇଥିଲା । ଆବେଦନ କରିବା ଲାଗି କର୍ପୋରେଟ ଜଗତରେ ପ୍ରବଳ ଉତ୍ସାହ ଦେଖିବାକୁ ମିଳିଥିଲା । ଆସିଥିବା ଆବେଦନଗୁଡିକୁ ନିରପେକ୍ଷ ବିଚାରକ ମଣ୍ଡଳୀ ଅନୁଧ୍ୟାନ କରିବା ପରେ ବିଜେତା ଚୟନ କରାଯାଇଛି । ସେମାନଙ୍କୁ ଆଜି ପୁରସ୍କୃତ କରାଯିବ ।