କନକ ବ୍ୟୁରୋ : ଦେଶର ସବୁଠାରୁ ବଡ ରାଜ୍ୟ କୁହାଯାଉଥିବା ଉତ୍ତରପ୍ରଦେଶରେ ଆସନ୍ତାବର୍ଷ ବିଧାନସଭା ନିର୍ବାଚନ ହେବାକୁ ଯାଉଛି । ହେଲେ ଏବେଠାରୁ ନେତା ମାନଙ୍କ ଭିତରେ ଆରୋପ ଓ ପ୍ରତ୍ୟାରୋପ ଆରମ୍ଭ ହୋଇଛି । ଏହି କ୍ରମରେ ୟୁପିର ପୂର୍ବତନ ମୁଖ୍ୟମନ୍ତ୍ରୀ ତଥା ସମାଜବାଦୀ ପାର୍ଟିର ଅଧ୍ୟକ୍ଷ ଅଖିଳେଶ ଯାଦବ ଏକ ବଡ ବୟାନ ଦେଇଛନ୍ତି । ସେ କହିଛନ୍ତି କି ଆସନ୍ତା ବିଧାନସଭା ନିର୍ବାଚନରେ ଦଳ ଛୋଟ ଛୋଟ ରାଜନୈତିକ ଦଳମାନଙ୍କ ସହ ମେଣ୍ଟ କରିବ । କେବଳ ସେତିକି ନୁହେଁ ସେ ବିଜେପିକୁ ଟାର୍ଗେଟ କରି କହିଛନ୍ତି ଯେ ବିଜେପି ମୁଖ୍ୟ ସମସ୍ୟା ଉପରେ ଆଲୋଚନା କରୁନାହିଁ । ଦେଶରେ ବେରୋଜଗାରୀ ଓ ଦରବୃଦ୍ଧି ପ୍ରସଙ୍ଗ ଆସିଲେ ବିଜେପି ପଛଘୁଞ୍ଚା ଦେଉଛି ।
Kanak News is now on WhatsApp
Join and get latest news updates delivered to you via WhatsApp
Samajwadi Party to come up with alliance small political parties. BJP don’t want to hold debate on real matters like unemployment, inflation: Samajwadi Party chief & former chief minister of Uttar Pradesh, Akhilesh Yadav on 2022 Assembly polls pic.twitter.com/1eV0LggU6a
— ANI UP (@ANINewsUP) July 1, 2021
କହିରଖୁ କି ୟୁପିରେ ବିଧାନସଭା ନିର୍ବାଚନକୁ ଆଉ ୧ ବର୍ଷରୁ କମ ସମୟ ରହିଛି । ହେଲେ ବିଧାନସଭା ନିର୍ବାଚନ ପୂର୍ବରୁ ହୋଇଥିବା ତ୍ରୀସ୍ତରୀୟ ପଞ୍ଚାୟତ ନିର୍ବାଚନରେ ସମାଜବାଦୀ ପାର୍ଟି ଭଲ ପ୍ରଦର୍ଶନ କରିଥିଲା । ଏଭଳି ପ୍ରଦର୍ଶନ ପରେ ଅଖିଳେଶ ଯାଦବ ଉତ୍ସାହିତ ଥିବା ଦେଖିବାକୁ ମିଳିଛି ।
ବୁଧବାର ଦିନ ଅଖିଳେଶ ଯାଦବ ଏକ ଟ୍ୱିଟ୍ ମାଧ୍ୟମରେ ବିଧାନସଭା ନିର୍ବାଚନକୁ ନେଇ ନୀତି ସ୍ପଷ୍ଟ କରିଛନ୍ତି । ସେ ଏବେକାର ସରକାର ଉପରେ ପ୍ରଶ୍ନ ଉଠାଇ କହିଥିଲେ କି ଆଜିର ହିଂସା ଉଦ୍ରେକକାରୀ, ରୂଢୀବାଦି ନକରାତ୍ମକ ରାଜନୀତି କରୁଥିବା କ୍ଷମତାଧାରୀଙ୍କ ବିରୋଧରେ ମହିଳା ଓ ଯୁବକଙ୍କ ମଧ୍ୟରେ ନୂଆ ରାଜନୀତି ଜନ୍ମ ନେଉଛି । ଏହାସହ ଆସନ୍ତା ବର୍ଷ ୟୁପିରେ ନିର୍ବାଚନ ନୁହେଁ ଲୋକତାନ୍ତ୍ରିକ କ୍ରାନ୍ତି ହେବ ବୋଲି ସେ କହିଥିଲେ ।