କଥା ଦେଇ କଥା ରଖିଲେ ଅଭିନେତା ସଲମାନ୍ ଖାନ୍ । ୨୫ ହଜାର ଚଳଚିତ୍ର କାର୍ଯ୍ୟକର୍ତ୍ତାଙ୍କ ବ୍ୟାଙ୍କ ଆକାଉଣ୍ଟକୁ ଆସିବା ଆରମ୍ଭ କଲା ସହାୟତା ରାଶି
କନକ ବ୍ୟୁରୋ : ଅଭିନେତା ସଲମାନ ଖାନଙ୍କ ତରଫରୁ ଦିଆଯାଇଥିବା ଆର୍ଥିକ ସହାୟତା ଏବେ ଚଳଚିତ୍ର କର୍ମଚାରୀଙ୍କ ବ୍ୟାଙ୍କ ଖାତାକୁ ଆସିବା ଆରମ୍ଭ କରିଛି । ଏନେଇ ଏଫଡବ୍ଲ୍ୟୁଆଇସିଇ ର ପ୍ରେସିଡେଣ୍ଟ ବି.ଏନ ତିୱାରୀ ସୂଚନା ଦେଇଛନ୍ତି । ସୂଚନା ଥାଉକି କରୋନା ମହାମାରୀ ସମୟରେ ସବୁ ବର୍ଗର ଲୋକେ ଆର୍ଥିକ ମାନ୍ଦାବସ୍ଥା ଦେଇ ଗତି କରୁଛନ୍ତି । ଏଥିରୁ ବି ବାଦ ପଡିନାହାନ୍ତି ଚଳଚିତ୍ର ସହ ସଂପୃକ୍ତ କର୍ମଚାରୀ ମାନେ । ଏହାକୁ ନଜରରେ ରଖି ଚଳଚିତ୍ର ଅଭିନେତା ସଲମାନ ଖାନ୍ ଦେଶର ୨୫ ହଜାର ଚଳଚିତ୍ର କର୍ମଚାରୀଙ୍କୁ ୧୫ ଶହ ଟଙ୍କା ଲେଖାଏଁ ସହାୟତା ଦେବାକୁ ଘୋଷଣା କରିଥିଲେ । ଏହି ଅର୍ଥ ଏବେ ଧିରେ ଧିରେ ସିନେମା ସହିତ ଜଡିତ ଥିବା ଲୋକଙ୍କ ଖାତାକୁ ଟ୍ରାନ୍ସଫର ହେଉଛି ବୋଲି ସେ କହିଛନ୍ତି । ଏହାସହ ବି.ଏନ ତିୱାରୀ କହିଛନ୍ତି କି ଅନ୍ୟ ୩ ଜଣ ଲୋକଙ୍କ ସହାୟତାରେ ଏବେ ସିନେମା ସହିତ ଜଡିତ ଥିବା ୫୦ ହଜାର ଲୋକଙ୍କୁ ମାଗଣାରେ ଟିକା ଦିଆଯିବ ।
Kanak News is now on WhatsApp
Join and get latest news updates delivered to you via WhatsApp
ଏକ ସାକ୍ଷାତକାରରେ ବି.ଏନ୍ ତିୱାରୀ କହିଛନ୍ତି କି ସିନେମା ଜଗତ ସହିତ ଜଡିତ ଲୋକ, ଯେଉଁମାନେ କି ଦୈନିକ ରୋଜଗାର ଉପରେ ନିର୍ଭର କରନ୍ତି ସେଭଳି ଲୋକଙ୍କ ପାଇଁ ସଲମାନ ସବୁବେଳେ କିଛି ନା କିଛି ସହାୟତା ଯୋଗାଇ ଦେଇଥାନ୍ତି । ଏବେ ଯେଉଁ ସହାୟତା ଦେଇଛନ୍ତି ତାହା ବ୍ୟତୀତ ଆଗାମୀ ଦିନରେ ବି ଅଧିକ ସହାୟତା ଯୋଗାଦେବାକୁ ସଲମାନ କହିଥିବା କଥା ବିଏନ ତିୱାରୀ କହିଛନ୍ତି ।
ଅନ୍ୟପଟେ ଚଳିତ ମାସ ୧୦ ତାରିଖରୁ ୫୦ ହଜାର ସିନେ କର୍ମଚାରୀଙ୍କୁ ମାଗଣାରେ ଟିକା ଦିଆଯିବ । ଏନେଇ ୟସରାଜ୍ ଫିଲ୍ମସ୍, ପ୍ରଯୋଜକ ସଂଘ ଓ ପ୍ରଯୋଜକ ଆନନ୍ଦ ଶର୍ମା ସହାୟତା ଯୋଗାଇ ଦେଉଛନ୍ତି ବୋଲି ବିଏନ ତିୱାରୀ କହିଛନ୍ତି ।
କେବଳ ଏତିକି ନୁହେଁ ଫେଡେରେସନ ଅଫ୍ ୱେଷ୍ଟର୍ନ ଇଣ୍ଡିଆନ ସିନେ ଏମ୍ପେ୍ଲାଇଜି ଦ୍ୱାରା ନେଟଫ୍ଲିକ୍ସକୁ କର୍ମଚାରୀ ମାନଙ୍କର ଚିଠା ଦିଆଯାଇଥିଲା । ଏହି ଚିଠା ପାଇବା ପରେ ନେଟଫ୍ଲିକ୍ସ ସାଢେ ୭ ହଜାର ସିନେ କର୍ମଚାରୀଙ୍କୁ ୫ ହଜାର ଟଙ୍କା ଲେଖାଏଁ ସହାୟତା ଯୋଗାଇ ଦେବ ବୋଲି ଘୋଷଣା କରିଛି ।