ଟାର୍ଗେଟରେ ‘ଟାଇଗର୍’ । ସିଦ୍ଧୁ ମୁସେୱାଲାଙ୍କ ପରି ସଲମାନଙ୍କୁ ହତ୍ୟା କରିବା ପାଇଁ ରଚାଯାଇଥିଲା ଷଡଯନ୍ତ୍ର
କନକ ବ୍ୟୁରୋ : ଟାର୍ଗେଟରେ ଟାଇଗର୍ । ବଲିଉଡ୍ ଷ୍ଟାର୍ ସଲମାନ୍ ଖାନଙ୍କୁ ହତ୍ୟା କରାଯିବା ନେଇ ବାରମ୍ବାର ଧମକ ମିଳିଛି । ଏହାରି ଭିତରେ ଏପ୍ରିଲ ୧୪ରେ ସଲମାନଙ୍କ ଘର ବାହାରେ ହୋଇଥିବା ଫାଏରିଂ ସମସ୍ତଙ୍କୁ ଚମକାଇଦେଇଛି । ଏହି ମାମଲାରେ ପୋଲିସ ଲରେନ୍ସ ବିଷ୍ଣୋଇ ଗ୍ୟାଙ୍ଗର ୫ଜଣଙ୍କୁ ଗିରଫ କରି ଚାର୍ଜସିଟ୍ ଫାଇଲ୍ କରିଛି । ଆଉ ତଦନ୍ତରୁ ଜଣାପଡିଛି, ସିଦ୍ଧୁ ମୁସେୱାଲାଙ୍କ ଭଳି ସଲମାନଙ୍କୁ ବି ହତ୍ୟା କରିବା ପାଇଁ ଷଡଯନ୍ତ୍ର ରଚାଯାଇଥିଲା ।
ସଲମାନଙ୍କ ହତ୍ୟା ପାଇଁ ୨୫ଲକ୍ଷର ସୁପାରୀ
Kanak News is now on WhatsApp
Join and get latest news updates delivered to you via WhatsApp
ପୁଲିସ ଫାଇଲ କରିଥିବା ଚାର୍ଜସିଟ୍ ଅନୁସାରେ, ସଲମାନ ଖାନକୁ ମାରିବା ପାଇଁ ଲରେନ୍ସ ବିଷ୍ଣୋଇ ଗ୍ୟାଙ୍ଗ୍ ୨୫ ଲକ୍ଷ ଟଙ୍କାର ସୁପାରୀ ଦେଇଥିଲା । ପାକିସ୍ତାନର ଅତ୍ୟାଧୁନିକ ହତିଆର୍ ଏକେ ୪୭, ଏକେ ୯୨, ଏବଂ ଏମ୍ ୧୬ ସମେତ ତୁର୍କୀ ନିର୍ମୀତ ଜିଗାନା ପିସ୍ତଲ ବି କିଣିବାର ପ୍ରସ୍ତୁତି କରୁଥିଲେ । ଜିଗାନା ସେହି ପିସ୍ତଲ ଯେଉଁଥିରେ ସିଂଗର ସିଦ୍ଧୁ ମୁସେୱାଲାଙ୍କ ହତ୍ୟା କରାଯାଇଥିଲା । ଆଉ ଏହି ହତିଆରକୁ ବ୍ୟବହାର କରି ସଲମାନଙ୍କୁ ହତ୍ୟା କରିବା ପାଇଁ ଷଡଯନ୍ତ୍ର ରଚାଯାଇଥିଲା । ପୋଲିସ ଚାର୍ଜସିଟ ଅନୁସାରେ, ସଲମାନଙ୍କୁ ମାରିବା ପାଇଁ ଅଗଷ୍ଟ ୨୦୨୩ରୁ ଏପ୍ରିଲ ୨୦୨୪ ମଧ୍ୟରେ ଷଡଯନ୍ତ୍ର ରଚାଯାଇଥିଲା । ୬୦ରୁ ୭୦ ଲୋକ ସଲମାନଙ୍କ ପ୍ରତିଟି ଗତିବିଧି ଉପରେ ନଜର ରଖିଥିଲେ । ସବୁଠୁ ବଡ କଥା ହେଲା, ସଲମାନଙ୍କ ଉପରେ ନଜର ରଖିବା ପାଇଁ ୧୮ବର୍ଷରୁ କମ୍ ବୟଷ୍କ ଯୁବକଙ୍କୁ ଏଥିରେ ସାମିଲ କରାଯାଇଥିଲା ।