କନକ ବ୍ୟୁରୋ : କମ୍ପିଲା କଳିଙ୍ଗ, କମ୍ପିଲା କଟକ ! ଟ୍ୱିନ୍ ସିଟିରେ ଜମିଲା ଷ୍ଟାରଙ୍କ ଭିଡ । ହକି ବିଶ୍ୱକପର ଉଦଘାଟନୀ ସମାରୋହ ଉଭୟ ଭୁବନେଶ୍ୱର ଏବଂ କଟକରେ ରଙ୍ଗାରଙ୍ଗ କାର୍ଯ୍ୟକ୍ରମ ସହ ଶେଷ ହୋଇଛି । ବିଶେଷ କରି ଦୁଇ ମୁଖ୍ୟ ଆକର୍ଷଣ ସଲମାନ ଖାନ ଏବଂ ଶାହରୁଖ ଖାନଙ୍କୁ ଦେଖିବାକୁ ଟ୍ୱିନ୍ ସିଟିରେ ଜମିଥିଲା ପ୍ରବଳ ଭିଡ । ଗତ ୨୭ ତାରିଖରେ କଳିଙ୍ଗ ଷ୍ଟାଡିୟମରେ ଶାହରୁଖ ଖାନଙ୍କ ଜଲୱା ଦେଖିବାକୁ ମିଳିଥିବା ବେଳେ ଗତକାଲି କଟକ ବାରବାଟୀ ଷ୍ଟାଡିୟମରେ ଦର୍ଶକଙ୍କ ମନ କିଣି ନେଇଛନ୍ତି ସଲମାନ ଖାନ ।
Kanak News is now on WhatsApp
Join and get latest news updates delivered to you via WhatsApp
ସବୁଠାରୁ ବଡ କଥା ହେଉଛି, ସଲମାନ ଏବଂ ଶାହରୁଖ ଉଭୟ ଓଡିଶା ଆସି ଓଡିଆ ଭାଷାରେ ରାଜ୍ୟବାସୀଙ୍କୁ ସମ୍ବୋଧିତ କରିଛନ୍ତି । ହକି ବିଶ୍ୱକପ ସେଲିବ୍ରେସନରେ ଯୋଗ ଦେଇ ଏହି ଦୁଇ ଷ୍ଟାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ପ୍ରଂଶସାରେ ପୋତି ଦେଇଛନ୍ତି । ତେବେ ଗତକାଲି ସୁପରଷ୍ଟାର ସଲମାନ ଖାନ୍ ଓଡିଆରେ ଆରମ୍ଭ କରିଥିଲେ ନିଜର ଅଭିଭାଷଣ । ଓଡିଆରେ ଦର୍ଶକଙ୍କୁ କେମିତି ଅଛ ବୋଲି କହିବା କ୍ଷଣି ତାଳି ମାଡରେ ଫାଟି ପଡିଥିଲା ପୂରା ଷ୍ଟାଡିୟମ । ଏପରିକି ବାଲିଯାତ୍ରା କେମିତି ଚାଲିଛି ବୋଲି କହିବା ସହ ମୁଁ ତୁମକୁ ବହୁତ ଭଲପାଏ ବୋଲି କହିଥିଲେ । ଆଉ ଏହାପରେ ନବୀନଙ୍କ ହାତ ଧରି ଷ୍ଟେଜ ଉପରକୁ ଆଣିଥିଲେ ସଲମାନ ।
ସେହିପରି ଗତ ୨୭ ତାରିଖରେ ରାଜଧାନୀର କଳିଙ୍ଗ ଷ୍ଟାଡିୟମରେ ଆୟୋଜିତ ହୋଇଥିବା ହକି ବିଶ୍ୱକପର ଉଦଘାଟନୀ ସମାରୋହରେ ଯୋଗ ଦେଇ ଫିଲ୍ମି ଅନ୍ଦାଜରେ ଏଣ୍ଟ୍ରି ମାରିଥିଲେ ଶାହରୁଖ ଖାନ୍ । ଚକ୍ ଦେ ଇଣ୍ଡିଆର ସଂଳାପ କହି ଖେଳାଳିଙ୍କୁ ଉତ୍ସାହିତ କରିଥିଲେ ଶାହରୁଖ । ତାଙ୍କୁ ଆମନ୍ତ୍ରଣ କରିଥିବାରୁ ଓଡ଼ିଶାକୁ ଓ ମୁଖ୍ୟମନ୍ତ୍ରୀଙ୍କୁ ସେ ଓଡ଼ିଆରେ ଧନ୍ୟବାଦ ଜଣାଇଛନ୍ତି । ତେବେ ଦେଶକୁ ଓଡ଼ିଶା ସବୁଠାରୁ ହକି ଖେଳାଳି ଦେଇଛି ବୋଲି କହଛନ୍ତି କିଙ୍ଗ୍ ଖାନ୍ । ଏତେ ବର୍ଷ ପରେ ବିଶ୍ୱକପ୍ ଆୟୋଜିତ ହୋଇଥିବାରୁ ସମସ୍ତଙ୍କୁ କୃତଜ୍ଞତା ଜଣାଇଥିଲେ ।