ଜୀବନଯୁଦ୍ଧରେ ହାରିଗଲେ ସାଲେପରୁର କୁନି ଝିଅ । ଚିକିତ୍ସାଧିନ ଅବସ୍ଥାରେ ଆଖି ବୁଜିଲେ ୬ବର୍ଷର ନାବାଳିକା
କନକ ବ୍ୟୁରୋ: ୮ ଦିନ ତଳେ ସାଲେପୁରରେ ଦୁଷ୍କର୍ମ ଉଦ୍ୟମର ଶୀକାର ହୋଇ କ୍ଷତାକ୍ତ ଅବସ୍ଥାରେ ହସ୍ପିଟାଲରେ ପହଂଚିଥିବା ୬ ବର୍ଷର କୁନି ଝିଅ ଶେଷରେ ଜୀବନଯୁଦ୍ଧରେ ହାରିଯାଇଛି । ଦୁଷ୍କର୍ମ ହୋଇଛି କି ନାହିଁ ସେନେଇ ସରକାରୀ ରିପୋର୍ଟ ଆସିବା ପୂର୍ବରୁ ଆଖି ବୁଜି ଦେଇଛି କୁନି ଝିଅ । ଅତି ଜଘନ୍ୟ ଭାବରେ ଦୁଷ୍କର୍ମ ଉଦ୍ୟମ କରି କ୍ଷତାକ୍ତ କରିଦେଇଥିଲେ ଦୁବୃର୍ତ୍ତ ।
Kanak News is now on WhatsApp
Join and get latest news updates delivered to you via WhatsApp
ଗତ ଅପ୍ରେଲ ୨୧ ତାରିଖରେ ଏହି କାହାଣୀର ଏଭଳି ଦୁଃଖଦ ଅନ୍ତ ଘଟିବ ତାହା ବୋଧେ କେହି ଭାବି ନଥିଲେ । ୬ ବର୍ଷର ଏହି କୁନି ଝିଅକୁ ପରିବାର ଲୋକେ ହସ୍ପିଟାଲକୁ ଆଣିଥିଲେ ଅତି ଗୁରୁତର ଅବସ୍ଥାରେ । ଦେହସାରା ଖଣ୍ଡିଆ ଖାବରା ହୋଇ ରକ୍ତ ଝରୁଥିଲା, ମୁହଁକୁ ବାରମ୍ବାର ମୁଥ ମରାଯାଇଥିବାରୁ ସିଝି ଯାଇଥିଲା, ବେକକୁ ଜୋରରେ ଚିପି ଧରିବା ଫଳରେ ଭାଙ୍ଗିଯାଇଥିଲା ବେକହାଡ । ଏଭଳି ଦରମରା ଅବସ୍ଥାରେ ହସ୍ପିଟାଲକୁ ଧରି ଧାଇଁଥିଲେ ପରିବାର ଓ ପାଖ ପଡୋଶୀ । ଶେଷରେ ଜୀବନ ଯୁଦ୍ଧରେ ହାରିଗଲା ଏହି କୁନିଝିଅ ।
ତେବେ କଟକ ଏସସିବି ମେଡିକାଲ କଲେଜ ଆଇସିୟୁରେ ଭର୍ତ୍ତି ଶିଶୁଟିକୁ ଚିକିତ୍ସା କରୁଥିଲେ ଏକ ୧୩ ଜଣିଆ ସ୍ୱତନ୍ତ୍ର ଡାକ୍ତରୀ ଦଳ । କିନ୍ତୁ ତାର ଶରୀରକୁ ଏତେ ସାଂଘାତିକ ଭାବରେ ଆକ୍ରମଣ କରାଯାଇଥିଲା ଯେ ବଡ଼ ଡ଼ାକ୍ତରଖାନାର ଚିକିତ୍ସା ବି କୁନି ଝିଅଟିକୁ ଆଉ ସ୍ୱାଭାବିକ ଅବସ୍ଥାକୁ ଆଣି ପାରିନଥିଲା । ଦୁଷ୍କର୍ମ ହୋଇଛି କି ନାହିଁ ତାର ରିପୋର୍ଟ ଆସିବା ପୂର୍ବରୁ ଆଖି ବୁଜି ଦେଲା ସାଲେପୁରର ଏହି କୁନି ଝିଅ ।