ରେଳବାଇ ଚାକିରୀରେ ଯୋଗଦାନ କଲେ ବଜରଙ୍ଗ, ସାକ୍ଷୀ ଏବଂ ଭିନେଶ । ଆନ୍ଦୋଳନରୁ ପଛକୁ ହଟିବା ଖବର ଗୁଜବ କହିଲେ ତିନି ଖେଳାଳୀ

କନକ ବ୍ୟୁରୋ: କୁସ୍ତି ସଂଘର ଅଧ୍ୟକ୍ଷ ତଥା ବିଜେପି ସାଂସଦ ବ୍ରିଜଭୂଷଣ ଶରଣ ସିଂହଙ୍କ ବିରୋଧରେ ଲଗାତର ପ୍ରଦର୍ଶନ କରୁଥିବା ଖେଳାଳୀ ବଜରଙ୍ଗ ପୁନିଆ, ସାକ୍ଷୀ ମଲ୍ଲ୍‌ିକ, ଭିନେଶ ଫୋଗଟ ନିଜ ଚାକିରିରେ ଯୋଗଦାନ କରିଛନ୍ତି । ରେଳବାଇରେ ଚାକିରୀ କରୁଥିବା ସମସ୍ତ ୩ ଖେଳାଳୀ ଚାକିରୀରେ ଯୋଗଦାନ କରିଛନ୍ତି । ତେବେ ସାକ୍ଷୀ ଆନ୍ଦୋଳନରୁ ପଛକୁ ହଟିବା ଖବରକୁ ଗୁଜବ କହିଛନ୍ତି । ସାକ୍ଷୀ ମଲ୍ଲିକ କହିଛନ୍ତି, ସତ୍ୟାଗ୍ରହ ସହ ରେଳବାଇରେ ସେମାନଙ୍କ ଦାୟିତ୍ୱ ସମାନ ଭାବରେ ନିଭାଇବେ ।

ଶୁଣିବାକୁ ମିଳିଥିଲା ଯେ ସାକ୍ଷୀ ମଲ୍ଲିକ କୁସ୍ତି ଖେଳାଳୀଙ୍କ ଆନ୍ଦୋଳନରୁ ପଛକୁ ହଟିଯାଇଛନ୍ତି । ସାକ୍ଷୀ ମଲ୍ଲିକ ଏଭଳି ଖବରକୁ ଭିତ୍ତିହୀନ ଦର୍ଶାଇଛନ୍ତି । ସେ କହିଛନ୍ତି ନ୍ୟାୟର ଲଢେଇରେ ଆମେ ପଛକୁ ହଟିବୁ ନାହିଁ । ନ୍ୟାୟ ନମିଳିବା ଯାଏ ଆମେ ପଛକୁ ହଟିବୁ ନାହିଁ । ଏହା ପୂର୍ବରୁ ସାକ୍ଷୀଙ୍କ ସ୍ୱାମୀ ସତ୍ୟବ୍ରତ କାଦିଆନ ମଧ୍ୟ ଆନ୍ଦୋଳନରୁ ପଛକୁ ହଟିବାର ଖବର ସାମ୍ନାକୁ ଆସିଥିଲା ।