ରାଜଧାନୀକୁ ସଫା ରଖୁଥିବା ସଫେଇ କର୍ମଚାରୀଙ୍କ ଦୁଃଖ: ନିୟମିତ ଦରମା ଦେଉନି ଠିକା ସଂସ୍ଥା; ରାଜଭବନ ନିକଟରେ ଧାରଣା
କରୋନା ସମୟରେ ମାସ୍କ କିମ୍ବା ଗ୍ଲୋବସ୍ ଦେଇନଥିବା ଅଭିଯୋଗ
କନକ ବ୍ୟୁରୋ: ରାଜଧାନୀରେ ଧାରଣାରେ ସଫେଇ କର୍ମଚାରୀ । ରାଜଭବନ ନିକଟରେ ସମସ୍ତେ ବସିଛନ୍ତି ଧାରଣାରେ । ଗୋଟିଏ ଦାବି ଆମକୁ ମିଳୁ ଦରମା ଆଉ କରୋନାରୁ ସୁରକ୍ଷା ପାଇଁ ସୁରକ୍ଷା କିଟ୍ । ଧାରଣାରେ ବସିଛନ୍ତି ପ୍ରାୟ ୬୦ରୁ ଅଧିକ ମହିଳା ଓ ପୁରୁଷ ସଫେଇ କର୍ମଚାରୀ । ବିଏମସିର ସଫେଇ କାମକୁ ଠିକାରେ ନେଇଥିବା ଠିକାସଂସ୍ଥା, ଏହି ସଫେଇ କର୍ମଚାରୀଙ୍କୁ କରୋନା କାଳରେ ଦରମା ଦେଉନଥିବା ସେମାନେ ଅଭିଯୋଗ ଆଣିଛନ୍ତି । ଦିନରାତି ଏକ୍ କରି ରାଜଧାନୀକୁ ସଫା ରଖୁଥିବା ଦିନ ମଜୁରିଆଙ୍କୁ ଠିକାସଂସ୍ଥାର ଏପରି ବ୍ୟବହାର ସେମାନଙ୍କ ପାଇଁ କଷ୍ଟଦାୟକ ବୋଲି ସେମାନେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଭୁବନେଶ୍ୱର ବିଏମସି ଅନ୍ତର୍ଗତ ୪୬ ନଂବର ୱାର୍ଡର ୬୦ରୁ ଅଧିକ ସଫେଇ କର୍ମଚାରୀଙ୍କୁ ଦରମା ମିଳିନଥିବା ଅଭିଯୋଗ ହୋଇଛି । କରୋନା ସମୟରେ ମାସ୍କ କିଂବା ଗ୍ଲୋବସ ମଧ୍ୟ ଠିକା ସଂସ୍ଥା ଦେଉନି । ଏପରି ଅବ୍ୟବସ୍ଥା ନେଇ ସେମାନେ ବିଏମସି ଠାରୁ ଠିକା ନେଇଥିବା ଠିକା ସଂସ୍ଥା , ଜାଗୃତିକୁ ଜଣାଇଛନ୍ତି । ହେଲେ କିଛି ଫଳ ହୋଇନଥିବା ଅଭିଯୋଗ କରିଛନ୍ତି । ପ୍ରତିବାଦରେ ଆଜି ସେମାନେ ରାଜଭବନ ନିକଟରେ ଧାରଣାରେ ବସିଛନ୍ତି ।