ଆରବ ସାଗରରେ ସୃଷ୍ଟି ହୋଇଥିବା ସାମୁଦ୍ରିକ ଝଡ ‘ସାଗର’ ଅବପାତରେ ପରିଣତ ହେବା ପରେ ଲଘୁଚାପର ରୂପ ନେଇ ସୋମାଲିଆ ଦେଇ ଉପକୂଳକୁ ଅତିକ୍ରମ କରିବ । ସାମୁଦ୍ରିକ ଝଡ ଘଣ୍ଟା ପ୍ରତି ୮ କିଲୋମିଟର ବେଗରେ ଦକ୍ଷିଣ-ପଶ୍ଚିମ ଦିଗକୁ ଗତି କରୁଥିବା କହିଛି ଭାରତୀୟ ପାଣିପାଗ ବିଭାଗ । ଏହା ପଶ୍ଚିମ ଓ ଦକ୍ଷିଣ-ପଶ୍ଚିମ ଦିଗକୁ ଗତି କରି ଧିରେଧିରେ ଦୁର୍ବଳ ହୋଇଯିବାର ଯଥେଷ୍ଟ ସମ୍ଭାବନା ଥିବା ଭାରତୀୟ ପାଣିପାଗ ବିଭାଗ କହିବା ପରେ ଆଶ୍ୱସ୍ତି ମିଳିଛି । ହେଲେ ଏହାର ପ୍ରଭାବ ଭାରତରେ ଅନୁଭୂତ ହେବ ବୋଲି ଅନୁମାନ କରିଛି ଆଇଏମଡି ।
Kanak News is now on WhatsApp
Join and get latest news updates delivered to you via WhatsApp
ସାମୁଦ୍ରିକ ଝଡ ‘ସାଗର’ ପ୍ରଭାବରେ ତାମିଲନାଡୁ, କର୍ଣ୍ଣାଟକ, ଗୋଆ, ମହାରାଷ୍ଟ୍ର ସମେତ କେନ୍ଦ୍ରଶାସିତ ଅଂଚଳ ଲାକ୍ଷାଦ୍ୱୀପ ଉପରେ ଅନୁଭୂତ ହେବ ବୋଲି ପୂର୍ବରୁ ସତର୍କ ସୂଚନା ଜାରି କରିଥିଲା । ଏହାର ପ୍ରଭାବରେ ଭୀଷଣ ଘୁର୍ଣ୍ଣିଝଡ ସହ ପ୍ରବଳ ବେଗରେ ପବନ ବହିପାରେ । ତେବେ ରବିବାର ଆଇଏମଡି ଜାରି କରିଥିବା ସୂଚନା ଅନୁସାରେ ଜାମ୍ମୁ-କାଶ୍ମୀର, ହିମାଚଳ ପ୍ରଦେଶ, ହରିଆଣା, ଉତର ପ୍ରଦେଶ, ରାଜସ୍ଥାନ , ଦିଲ୍ଲୀ, ଏନସିଆର ସମେତ ଦେଶର ଉତର-ପଶ୍ଚିମ ଭାଗରେ ଥିବା କେତେକ ସ୍ଥାନରେ ମଧ୍ୟ ଏହାର ପ୍ରଭାବ ଅନୁଭୂତ ହେବ ।