ବାପା ଠେଲାବେପାରୀକୁ , ମା’ ପର ଘରେ ରୁଟି ବେଲି ପୁଅକୁ କରାଇଲେ ଆଇପିଏସ , ପ୍ରଥମ ପରୀକ୍ଷାରେ ୟୁପିଏସସି ପରୀକ୍ଷାରେ ସଫଳ ହେଲେ ଏହି ଯୁବ ଆଇପିଏସ
ନିଷ୍ଠା ଥିଲେ ପ୍ରତିଷ୍ଠା ଆପେ ଆପେ ଆସେ । ଏହାକୁ ସଫଳ କରି ଦେଖାଇଛନ୍ତି ଜଣେ ଆଇପିଏସ ଅଫିସର । ତାଙ୍କର ଏହି ଉଦ୍ୟମ ଓ ଚେଷ୍ଟା ତାଙ୍କୁ ଆଇପିଏସ କରିବାରେ ସାହାଯ୍ୟ କରିଛି । ଦେଶର ଯୁବ ଆଇପିଏସ ସାଫିନ ହସନଙ୍କ କ୍ଷେତ୍ରରେ ଏଭଳି ସ୍ଥିତି ଦେଖିବାକୁ ମିଳିଛି । ଯିଏକି ପ୍ରଥମ ଉଦ୍ୟମରେ ୟୁପିଏସସି ପରୀକ୍ଷାରେ ଉତ୍ତୀର୍ଣ୍ଣ ହୋଇ ଆଇପିଏସ ପାଇଛନ୍ତି । ସାଫିନଙ୍କ ଏହି ସଫଳତା ଏବେ ଅନ୍ୟମାନଙ୍କ ପାଇଁ ପ୍ରେରଣାଦାୟକ ପାଲଟିଛି । ହାସିନଙ୍କ ବାପା ଜଣେ ଇଲେକ୍ଟ୍ରିସିଆନ ସାଙ୍ଗକୁ ଠେଲା ଦୋକାନୀ। ଯାହା ଯେତିକି ରୋଜଗାର ହୁଏ ଘର ଚଳାଇବା କଷ୍ଟକର । ଏଥିପାଇଁ ସହଯୋଗର ହାତ ବଢ଼ାଇଥାନ୍ତି ସାଫିନଙ୍କ ମାଆ । ସେ ପ୍ରତିଦିନ ପର ଘରେ, ଭୋଜିରେ ରୁଟି ବେଲି ମାସକୁ ୭ ହଜାରରୁ ୯ ହଜାର ରୋଜଗାର କରିଥାନ୍ତି। ଆଉ ଏହି ପଇସାରେ ସାଫିନ ଆଜି ପାଠ ପଢ଼ି ନିଜ ପିଲା ଦିନର ସ୍ୱପ୍ନ ସାକାର କରିଛନ୍ତି । ଗୁଜରାଟର ସୁରତରେ ରହୁଥିବା ସାଫିନଙ୍କ ବାପା ମା ଏକ ହୀରା ୟୁନିଟରେ ଚାକିରୀ କରିଥିଲେ । ସେ ଆଇପିଏସ ହେବା ପରେ ଏକ ସାକ୍ଷାତକାରରେ ଏହି କଥା କହିଥିଲେ । 
Kanak News is now on WhatsApp
Join and get latest news updates delivered to you via WhatsApp
ପ୍ରାଥମିକ ସ୍କୁଲରେ ସେ ପାଠ ପଢ଼ୁଥିବା ବେଳେ ସ୍କୁଲକୁ ଆସିଥିବା ଜଣେ ଜିଲ୍ଲାପାଳଙ୍କୁ ଦେଖି ତାଙ୍କ ମନରେ ମଧ୍ୟ ଜିଲ୍ଲାପାଳ ହେବାର ସ୍ବପ୍ନ ଜାଗ୍ରତ ହୋଇଥିଲା । ନିଜ ପାରିବାରିକ ସଂଘର୍ଷ ବାବଦରେ ସାଫିନ କହନ୍ତି, ୨୦୦୦ ମସିହାରେ ତାଙ୍କ ବାପା ମାଆ ଚାକିରୀ ହରାଇଥିଲେ । ଏହି ସମୟରେ ତାଙ୍କ ଘର କାମ ମଧ୍ୟ ଚାଲିଥିଲା । ଏହାପରେ ଦିନରେ ତାଙ୍କ ବାପା ଓ ମାଆ ମୁଲ ଲାଗୁଥିଲେ । ରାତି ହେଲେ ଘରେ ଇଟା ଯୋଡି କାନ୍ଥ ତିଆରି କରୁଥିଲେ । ଘର ଚଳାଇବାକୁ ଯାଇ ତାଙ୍କ ବାପା ପ୍ରତିଦିନ ରାତିରେ ଠେଲା ଦୋକାନ ଦେଉଥିଲେ ନହେଲେ ଇଲେକ୍ଟ୍ରି କାମ କରୁଥିଲେ । ସେହିପରି ତାଙ୍କ ମା କେତେବେଳେ ପର ଘରେ ନହେଲେ ଭୋଜିରେ ରୁଟି ବେଲୁଥିଲେ ବୋଲି ସେ କହିଛନ୍ତି । ସେ ପଢ଼ିବେ ବୋଲି ତାଙ୍କ ବାପା ମାଆ ଯେଉଁ ପରିଶ୍ରମ କରୁଥିଲେ ତାହା ତାଙ୍କୁ ପ୍ରେରଣା ଯୋଗାଇଥିଲା ବୋଲି ସେ କହିଛନ୍ତି ।
ପାଠ ପଢ଼ିବା ସମୟରେ ତାଙ୍କର ଅନେକ ପ୍ରତିଯୋଗୀତା ପ୍ରତି ରୁଚି ଥିଲା । ସ୍କୁଲ ଛୁଟି ବେଳେ ପିଲାମାନଙ୍କୁ ପାଠ ପଢ଼ାଇ ହଷ୍ଟେଲ ଖର୍ଚ୍ଚ ବହନ କରୁଥିଲେ ସାଫିନ୍ । ୧୦ମ ଶ୍ରେଣୀରେ ୯୨ ପ୍ରତିଶତ ମାର୍କ ରଖିବା ପରେ ଯୁକ୍ତ ଦୁଇ ବିଜ୍ଞାନ ପଢିଥିଲେ । ହେଲେ ଆବଶ୍ୟକ ଟଙ୍କା ନ ଥିବାରୁ ସେହି ଟଙ୍କାରେ ତାଙ୍କ ଜିଲ୍ଲାରେ ସେ ଏକ ଘରୋଇ ସ୍କୁଲ ଖୋଲିଥିଲା । ଏହି ସ୍କୁଲରେ ପାଠ ପଢ଼ିବା ପାଇଁ ଆବଶ୍ୟକ ଟଙ୍କା ତାଙ୍କ ବାପା ଭରଣ କରିବା ମଧ୍ୟ ସମ୍ଭବ ନଥିଲା । ହେଲେ ସ୍କୁଲ କର୍ତ୍ତୃପକ୍ଷଙ୍କୁ ତାଙ୍କ ପାଠ ପଢ଼ିବା ଖର୍ଚ୍ଚରେ କୋହଳ କରି ଦେଇଥିଲେ । ସେହି ସମୟରେ ସେ ଇଂରାଜୀ ଭଲ ଭାବରେ ଶିଖିଥିଲେ ଏବଂ ପ୍ରଥମ କରି ପିଜା, ବର୍ଗର ଖାଇଥିଲେ ବୋଲି ସାଫିନ କହନ୍ତି ।