ବଦଳିଲା ସଚିବାଳୟ ମାର୍ଗର ନାମ । ଏଜି ଛକରୁ ଆଚାର୍ଯ୍ୟ ବିହାର ଛକ ରାସ୍ତାକୁ ଲୋକସେବା ମାର୍ଗ ନାମରେ ନାମିତ କଲେ ରାଜ୍ୟ ସରକାର ।
କନକ ବ୍ୟୁରୋ : ବଦଳିଲା ସଚିବାଳୟ ମାର୍ଗର ନାମ । ସଚିବାଳୟ ମାର୍ଗକୁ ଲୋକସେବା ମାର୍ଗ ଭାବେ ନାମିତ କଲେ ରାଜ୍ୟ ସରକାର । ଏନେଇ ସାଧାରଣ ପ୍ରଶାସନ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ଏଜି ଛକରୁ ଆଚାର୍ଯ୍ୟ ବିହାର ଛକ ପର୍ଯ୍ୟନ୍ତ ରାସ୍ତାର ନାମ ପୂର୍ବରୁ ସଚିବାଳୟ ମାର୍ଗ ଥିବା ବେଳେ ଏବେ ଏହା ଲୋକସେବା ମାର୍ଗ ନାମରେ ନାମିତ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଏହି ରାସ୍ତା ଲୋକସେବା ଭବନ (ପୂର୍ବରୁ ସଚିବାଳୟ)କୁ ସଂଯୋଗ କରୁଥିବାରୁ ଏହା ସଚିବାଳୟ ମାର୍ଗ ନାମରେ ନାମିତ ହୋଇଥିଲା । ତେବେ ଗତ କିଛି ଦିନ ପୂର୍ବେ ସଚିବାଳୟର ନାମ ପରିବର୍ତ୍ତନ କରି ଲୋକସେବା ଭବନ କରିଥିଲେ ରାଜ୍ୟ ସରକାର । ଆଉ ଏହାପରେ ସଚିବାଳୟ ମାର୍ଗର ନାମ ପରିବର୍ତ୍ତନ କରି ଲୋକସେବା ମାର୍ଗ କରିଛନ୍ତି ରାଜ୍ୟ ସରକାର ।