ରାଜସ୍ଥାନରେ ରାଜନୈତିକ ସଂକଟ ଜାରି । ଟଳିଲା ସଚିନ ପାଇଲଟଙ୍କ ପ୍ରେସମିଟ୍ । କହିଲେ, ବିଜେପିରେ ଦେବେନି ଯୋଗ
ସେପଟେ ସିଏଲପି ବୈଠକରେ ସାମିଲ ହୋଇନଥିବାରୁ କଂଗ୍ରେସ ଦେଲା କାରଣ ଦର୍ଶାଅ ନୋଟିସ
କନକ ବ୍ୟୁରୋ: ରୋଚକ ସ୍ଥିତିରେ ରାଜସ୍ଥାନ ରାଜନୀତି । ବିଦ୍ରୋହୀ କଂଗ୍ରେସ ନେତା ସଚିନ୍ ପାଇଲଟ ଏବଂ ତାଙ୍କ ସମର୍ଥିତ ବିଧାୟକଙ୍କୁ ଦଳ ପକ୍ଷରୁ ନୋଟିସ୍ ହୋଇଛି । ଦୁଇ ଦିନ ଧରି ବିଧାୟକ ଦଳ ବୈଠକରେ ସାମିଲ ନହେବାକୁ ନେଇ ଦଳ ତରଫରୁ କରାଯାଇଛି ନୋଟିସ୍ । ବିଧାୟକ ଗଜେନ୍ଦ୍ର ସିଂ ଶେଖାୱତଙ୍କ ଘର କାନ୍ଥରେ ବିଧାନସଭା ସଚିବଙ୍କ ନୋଟିସ୍ ମରାଯାଇଥିବା ଦେଖିବାକୁ ମିଳିଛି । ଆସନ୍ତା ୩ ଦିନ ମଧ୍ୟରେ ସିଏଲପି ବୈଠକରେ ଯୋଗ ଦେଇନଥିବା ବିଧାୟକ ବାଚସ୍ପତିଙ୍କ ନିକଟରେ ନିଜର ଲିଖିତ ଉତର ରଖିବେ । ସିଏଲପି ବୈଠକରେ ସଚିନ ପାଇଲଟଙ୍କୁ ମିଶାଇ ମୋଟ୍ ୧୯ ଜଣ ବିଧାୟକ ଅନୁପସ୍ଥିତ ରହିଥିଲେ ।
Kanak News is now on WhatsApp
Join and get latest news updates delivered to you via WhatsApp
ତେବେ ଏମାନଙ୍କର ଉତର ସନ୍ତୋଷ ଜନକ ରହିଲେ ସମସ୍ତଙ୍କୁ ଦଳ ବରଖାସ୍ତ କରିପାରେ ବୋଲି ଦଳୀୟ ସୂତ୍ରରୁ ସୂଚନା ମିଳିଛି । ଗତକାଲି କଂଗ୍ରେସ ହାଇକମାଣ୍ଡ କଡା କାର୍ଯ୍ୟାନୁଷ୍ଠାନ ନେବାକୁ ଯାଇ ରାଜସ୍ଥାନ ପିସିସି ସଭାପତି ଏବଂ ଉପମୁଖ୍ୟମନ୍ତ୍ରୀ ପଦରୁ ସଚିନ ପାଇଲଟଙ୍କୁ ବିଦା କରିଛନ୍ତି । ଏହାରି ମଧ୍ୟରେ ସଚିନ ପାଇଲଟ ମଧ୍ୟ ସ୍ପଷ୍ଟ କରିଛନ୍ତି ସେ କଂଗ୍ରେସ ଛାଡି ବିଜେପିକୁ ଯାଉନାହାନ୍ତି । ଆଜି ଅପରାହ୍ନରେ ଦିଲ୍ଲୀରେ ହେବାକୁ ଥିବା ସଚିନ ପାଇଲଟଙ୍କ ସାଂବାଦିକ ସମ୍ମିଳନୀ ମଧ୍ୟ ବାତିଲ କରିଛନ୍ତି । ସେପଟେ ଦଳର ନେତା ଦାବି କରିଛନ୍ତି ରାଜସ୍ଥାନ ସରକାର ଏବେ ବି ବହୁମତରେ ରହିଛି ।
ତେବେ ପଦଯିବା ପରେ ସଚିନ ପାଇଲଟ ଆଜି ପରବର୍ତୀ ରଣନୀତିର ଖୁଲାସା କରିବେ । ଏବେ ନଜର ପକାନ୍ତୁ କଣ ରହିଛି ପାଇଲଟଙ୍କ ପାଖରେ ବିକଳ୍ପ-
୧- ପ୍ରଥମ ବିକଳ୍ପ ହେଲା କଂଗ୍ରେସରେ ରହି ନିଜର ପ୍ରେସରଗ୍ରୁପ କରିବେ ଓ ଯୁବନେତାଙ୍କୁ ନେଇ ଦଳରେ ନିଜର ସମ୍ମାନ ପାଇଁ ଳଢେଇ କରିବା । ଦଳର ଯୁବନେତା ଜିତିନ ପ୍ରସାଦ, ପ୍ରିୟା ଦତ୍ତ,ଦୀପେନ୍ଦ୍ର ହୁଡ୍ଡା ଓ ମିଲିନ୍ଦ ଦେୱଡାଙ୍କ ଭଳି ନେତା ପାଇଲଟଙ୍କୁ ଦଳରେ ରଖିବା ପାଇଁ ହାଇକମାଣ୍ଡଙ୍କ ଉପରେ ଚାପ ସୃଷ୍ଟି କରୁଛନ୍ତି
୨- କଂଗ୍ରେସରେ ରହିବେ ଓ ନିଜର ସମର୍ଥକ ବିଧାୟକଙ୍କ ସଂଖ୍ୟା ବଢାଇବା ପାଇଁ ଉଦ୍ୟମ କରିପାରନ୍ତି । ଯେଭଳି ଏହି ସଂଖ୍ୟା ୩୦ ଉପରେ ହୋଇପାରିବ । ରାଜସ୍ଥାନରେ ୩୦ରୁ ଅଧିକ ଆସନରେ ପାଇଲଟଙ୍କ ପ୍ରଭାବ ରହିଛିା ଗୁର୍ଜର ବହୁଳ ଆସନରେ ସେ ନିଜ ପ୍ରାର୍ଥୀଙ୍କୁ ଜିତିବାରେ ସକ୍ଷମ ବି ଅଟନ୍ତି ।
୩- କଂଗ୍ରେସରୁ ଅଲଗା ହୋଇ ନିଜର ଅଲଗା ଦଳ କରିପାରନ୍ତି ଓ କଂଗ୍ରେସକୁ ବଡ ଚ୍ୟାଲେଞ୍ଜ ଦେଇପାରନ୍ତି । ରାଜସ୍ଥାନରେ ବିଜେପିର ବିକଳ୍ପ ହେବାକୁ ଉଦ୍ୟମ କରିପାରନ୍ତି ।
୪- ବିଜେପିରେ ମିଶିପାରନ୍ତି । ନିଜର ସମର୍ଥକଙ୍କ ପାଇଁ ମୂଲଚାଲ କରିପାରନ୍ତି । କିନ୍ତୁ ଏଥିରେ ମୁଖ୍ୟ ସମସ୍ୟା ହେଲା, ସଚିନ ପାଇଲଟଙ୍କ ଅଧିକାଂଶ ସମର୍ଥକ ବିଜେପିରେ ମିଶିବାକୁ ଚାହୁଁନାହାନ୍ତି ।
୫- ଗେହଲଟ ସରକାରକୁ ଭାଙ୍ଗିବା ପାଇଁ ସମର୍ଥକ ଯୋଗାଡ କରିବା ଓ ଅପମାନର ବଦଲା ନେବା । ଏହାପରେ ବିଧାୟକ ପଦରୁ ଇସ୍ତଫା ଦେଇ ପୁଣି ନିର୍ବାଚନ ଲଢିପାରନ୍ତି ।