ସଚିନ୍ ଦେଲେ ଷ୍ଟୋକ୍ସଙ୍କୁ ପୁରସ୍କାର ! ରୋମାଞ୍ଚଭରା ଫାଇନାଲରେ ବୀରତ୍ୱପୂର୍ଣ୍ଣ ବ୍ୟାଟିଂ ପାଇଁ ‘ପ୍ଲେୟାର ଅଫ୍ ଦି ଫାଇନାଲ’ ବିବେଚିତ ହେଲେ ବେନ୍ ଷ୍ଟୋକ୍ସ ।
କନକ ବ୍ୟୁରୋ : ଲର୍ଡସରେ ଲେଖା ହୋଇଛି ବିଶ୍ବକପର ନୂଆ ଇତିହାସ । ଅଭୂତପୂର୍ବ ଉତ୍କଣ୍ଠା, ଅବିଶ୍ବସନୀୟ ରୋମାଞ୍ଚ ଓ ନାଟକୀୟ ଉତଥାନ-ପତନ ଭିତରେ ଏକ ସଂଘର୍ଷପୂର୍ଣ୍ଣ ଫାଇନାଲ୍ ମ୍ୟାଚରେ ନ୍ୟୁଜିଲାଣ୍ଡକୁ ହରାଇ ଇଂଲଣ୍ଡ ହୋଇଛି ବିଶ୍ବବିଜେତା । ବିଶ୍ବକପ୍ ଆରମ୍ଭ ହେବାର ୪୪ ବର୍ଷ ପରେ ନିଜ ଘରୋଇ ମାଟିରେ ହିଁ ଇଂଲଣ୍ଡର ଭାଗ୍ୟ ଫିଟିଛି ଏବଂ ବିଶ୍ବକପ୍ ଇତିହାସରେ ପ୍ରଥମ ଥର ପାଇଁ ଡବଲ୍ ‘ଟାଇ’ ପରେ ହୋଇଛି ମ୍ୟାଚର ଫଇସଲା । ଆଉ ହୃତସ୍ପନ୍ଦନ ବନ୍ଦ ହେଲା ଭଳି ଫାଇନାଲ୍ ଲଢ଼େଇ ପାଇଁ ବିଶ୍ବକପର ଚଳିତ ସଂସ୍କରଣ ମଧ୍ୟ ସବୁଦିନ ପାଇଁ ସ୍ମରଣୀୟ ହୋଇ ଯାଇଛି । ତୀବ୍ର ସଂଘର୍ଷ ସହ ସୁପରଓଭର ଏବଂ ଯୁଗଳ ‘ଟାଇ’ ପାଇଁ ବିଶ୍ବକପ୍ ଇତିହାସରେ ଯୋଡ଼ି ହୋଇଛି ନୂଆ ଓ ସୁନେଲି ଫର୍ଦ ।
Kanak News is now on WhatsApp
Join and get latest news updates delivered to you via WhatsApp
ତେବେ ଫାଇନାଲ ମ୍ୟାଚରେ ବୀରତ୍ବପୂର୍ଣ୍ଣ ବ୍ୟାଟିଂ କରି ଇଂଲଣ୍ଡର ତାରକା ଅଲରାଉଣ୍ଡର ବେନ୍ ଷ୍ଟୋକ୍ସ ‘ପ୍ଲେୟର୍ ଅଫ୍ ଦି ଫାଇନାଲ’ ବିବେଚିତ ହୋଇଛନ୍ତି । ତେବେ ପୁରସ୍କାର ବିତରଣ ସମୟରେ ସଚିନ ତେନ୍ଦୁଲକର ଷ୍ଟୋକ୍ସଙ୍କୁ ଏହି ପୁରସ୍କାର ଦେଇଥିଲେ । ଅନ୍ୟପକ୍ଷରେ ନ୍ୟୁଜିଲାଣ୍ଡର ଅଧିନାୟକ କେନ୍ ୱିଲିୟମସନ୍ ‘ପ୍ଲେୟର ଅଫ୍ ଦି ଟୁର୍ଣ୍ଣାମେଣ୍ଟ’ ହୋଇଛନ୍ତି ।