ପୁଣି ଜଣେ ବେସାହାରାଙ୍କ ସାହାରା ସାଜିଲେ ସବ୍ୟସାଚୀ: ତାଲାବନ୍ଦ ଯୋଗୁଁ ପିଲାଛୁଆଙ୍କ କଥା ଚିନ୍ତା କରି ମାନସିକ ଭାରସାମ୍ୟ ହରାଇଥିବା ବଲାଙ୍ଗୀର ବ୍ୟକ୍ତିଙ୍କୁ ବଢ଼ାଇଲେ ସହାୟତାର ହାତ
କହିଲେ, ହାଡୁର କରିବେ ଚିକିତ୍ସା, ବୁଝିବେ ପିଲାଙ୍କ ପାଠପଢ଼ା
କନକ ବ୍ୟୁରୋ: ପେଟପାଟଣା ପାଇଁ ପିଲାଛୁଆ ଛାଡି ସୁଦୂର ଗୁଜୁରାଟ ଚାଲିଯାଇଥିଲେ । ହେଲେ ମହାମାରୀ କରୋନା ଯୋଗୁଁ କମ୍ପାନୀ ବନ୍ଦ ହୋଇଗଲା, ଆଉ ତା ସହ ହାତକୁ ଆସୁଥିବା ଟଙ୍କା ବି ବନ୍ଦ ହୋଇଗଲା । ତାଲାବନ୍ଦ ଯୋଗୁଁ ଘରକୁ ଫେରି ପାରିଲେ ନା’ ଘରକୁ ଟଙ୍କା ଫେରାଇ ପାରିଲେ । ଆଉ ଘରେ ଥିବା ପିଲାଛୁଆଁଙ୍କ କଥା ଭାବି ଭାବି ମାନସିକ ଭାରସାମ୍ୟ ହରାଇ ଦେଲେ । ପାଗଳ ଭଳି ଗୋଟିଏ ଜାଗାରୁ ଆଉ ଗୋଟିଏ ଜାଗାରୁ ଘୁରି ବୁଲିଲେ । ଏଭଳି ସ୍ଥିତିରେ ତାଙ୍କ ସାଥୀରେ ଥିବା କିଛି ସମ୍ପର୍କୀୟ ଏବଂ ସାଥୀମାନେ ତାଙ୍କୁ ଘର ଭିତରେ ତାଲା ବନ୍ଦ କରିଛନ୍ତି । ଆଉ ଏଭଳି ସ୍ଥିତିରେ ସେ ଠିକ୍ ସେ ଖାଉଛନ୍ତି ନା କଣ କରିବେ ଚିନ୍ତା କରିପାରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆଉ ଏଭଳି ସ୍ଥିତରେ ସୁଦୂର ଗୁଜୁରାଟର ମୁରବି ସହରର ଏକ ପରିତକ୍ୟ ଘରେ ପଡ଼ି ରହିଛନ୍ତି ବଲାଙ୍ଗୀର ଜିଲ୍ଲା ସଇଁତଳା ବ୍ଲକ୍ର ଗୁଡ଼ାବାହାଲ ଅଂଚଳ ହାଡୁ କୁମାର । ସାଥିରେ ଅଛନ୍ତି ତାଙ୍କ ସମ୍ପର୍କୀୟ ଭଣଜା ନିଳକଣ୍ଠ ମହାନନ୍ଦ । ନିଳକଣ୍ଠ କ’ଣ କରିବେ କିଛି ଭାବି ପାରୁନଥିବା ବେଳେ ସହାୟତାର ହାତ ବଢ଼ାଇଛନ୍ତି ରିୟଲ୍ ହିରୋ ସବ୍ୟସାଚୀ । ନିଳକଣ୍ଠଙ୍କ ସହ ଭିଡିଓ କଲ୍ ଯୋଗେ କଥା ବାର୍ତା କରି ହାଡୁଙ୍କୁ ଓଡ଼ିଶା ଫେରାଇ ଆଣିବାକୁ ଅଂଟା ଭିଡିଛନ୍ତି । କେବଳ ସେତିକି ନୁହେଁ ହାଡୁଙ୍କ ଚିକିତ୍ସା ପାଇଁ ରାଂଚି ନେଇଯିବା ପାଇଁ ବ୍ୟବସ୍ଥା କରିଛନ୍ତି । ଆଉ ହାଡୁଙ୍କ ପିଲାଙ୍କ ପାଠପଢ଼ା ଦାୟିତ୍ୱ ନେବା ପାଇଁ ପ୍ରତିଶ୍ରୁତି ଦେଇଛନ୍ତି ।