କଥା ଦେଇ କଥା ରଖିଲେ ଅଭିନେତା । ୬ ହଜାର ଦୀପ କିଣି ବିଦୁ ମାଉସୀଙ୍କ ମୁହଁରେ ହସ ଫୁଟାଇଲେ ଓଲିଉଡ୍ ଅଭିନେତା ସବ୍ୟସାଚୀ ମିଶ୍ର
କନକ ବ୍ୟୁରୋ: କଥା ଦେଇ କଥା ରଖିଲେ ଓଲିଉଡ୍ ଅଭିନେତା ସବ୍ୟସାଚୀ ମିଶ୍ର । ବରାଦ ମୁତାବକ ବିଦୁଲତାଙ୍କଠାରୁ ୬ ହଜାର ଦୀପ କିଣି ତାଙ୍କ ମୁହଁରେ ହସ ଫୁଟାଇଛନ୍ତି ସବ୍ୟ । ଭୁବନେଶ୍ୱର ଉପକଣ୍ଠ ବାଳକାଟିର ବିଦୁଲତାଙ୍କ ସ୍ୱାମୀ ମାଲୁ ମୁଦୁଲି କେନାଲରେ ବୁଡି ପ୍ରାଣ ହରାଇବା ପରେ ବେସାହାରା ହୋଇଯାଇଥିଲା ତାଙ୍କ ପରିବାର । ପାଗଳ ପ୍ରାୟ ହୋଇଯାଇଥିବା ବିଦୁ ମାଉସୀଙ୍କ ଅବସ୍ଥା ଶୁଣିବା ପରେ ଅଭିନେତା ସବ୍ୟସାଚୀ ମିଶ୍ର ଆରମ୍ଭ କରିଥିଲେ ଅଭିଯାନ ।
Kanak News is now on WhatsApp
Join and get latest news updates delivered to you via WhatsApp
କିଛି ଅର୍ଥ ଦାନ ଦେଇ ବଦାନ୍ୟତା ଦେଖାଇବା ଅପେକ୍ଷା ତାଙ୍କ ପାରିବାରିକ ବେଉସାକୁ ଆଗକୁ ବଢ଼ାଇବାକୁ ପ୍ରତିଶ୍ରୁତି ଦେଇ କହିଥିଲେ, ଏବେଠାରୁ ଦୀପ ଗଢ଼ିବା ଆରମ୍ଭ କର । ଦୀପାବଳି ପୂର୍ବରୁ ସବୁ ଦୀପ ସେ କଣିନେବେ । ଆଉ ଦେଇଥିବା କଥା ଅନୁସାରେ ବିଦୁ ମାଉସୀ ତିଆରି କରିଥିବା ୬ହଜାର ଦୀପକୁ ସବ୍ୟସାଚୀ କିଣି ନେଇଥିଲେ । ତାପରେ ସେହିସବୁ ଦୀପକୁ ରାଜ୍ୟର ପ୍ରମୁଖ ଦେବ ପୀଠକୁ ପଠାଇଥିଲେ । ଆଗକୁ ମଧ୍ୟ ବିଦୁ ମାଉସୀଙ୍କ ହାତ ଗଢ଼ା ମାଟି ପାତ୍ର ଓ ଅନ୍ୟାନ୍ୟ ସାମଗ୍ରୀର ମାର୍କେଟିଂ କରାଇବେ ବୋଲି ସେ ପ୍ରତିଶ୍ରୁତି ଦେଇଛନ୍ତି ।