ଅସହାୟର ସାଥି ସବ୍ୟସାଚୀ । ଆଲବମ୍ ଓ ଯାତ୍ରା ନାୟିକା ରିଙ୍କିଙ୍କ ସଂଘର୍ଷର କାହାଣୀ ଗଣମାଧ୍ୟମରେ ପ୍ରକାଶ ପାଇବା ପରେ ସହାୟତାର ହାତ ବଢାଇଲେ ଓଲିଉଡ୍ ଷ୍ଟାର ସବ୍ୟସାଚୀ
କନକ ବ୍ୟୁରୋ : ଅସୁବିଧାର ଥିବା ବ୍ୟକ୍ତିଙ୍କ ସାଥି ସାଜିଛନ୍ତି ସବ୍ୟସାଚୀ । କରୋନା କାଳରେ ସେ କେବଳ ରିଲ ନୁହେଁ ରିଅଲ୍ରେ ବି ହିରୋ ବୋଲି ପ୍ରମାଣିତ ହୋଇ ସାରିଛି । ପ୍ରବାସରେ ଥିବା ଓଡିଆଙ୍କୁ ଫେରାଇ ଆଣିବା କାମ ହେଉ କି ଅସୁବିଧାରେ ଥିବା ଓଡିଆଙ୍କ ପାଇଁ ସେ ସବୁ ବେଳେ ପ୍ରସ୍ତୁତ ହୋଇ ରହିଥାନ୍ତି । ତେବେ ନିଜ କ୍ୟାରିଅର ଆରମ୍ଭର ନାୟିକା ସାଜିଥିବା ସାଥି କଳାକାର ପାଇଁ ଆଜି ସେ ଦେବଦୂତ ସାଜିଚନ୍ତି । ଆଲବମ୍ ଓ ଯାତ୍ରା ଜଗତର ନାୟିକା ରିଙ୍କି ଏକଦା ତାଙ୍କ ଆଲବମରେ ନାୟିକା ଥିଲେ । କିନ୍ତୁ ଏବେ ସେ ଅସୁବିଧାରେ ରହିଛନ୍ତି । ଫଳ ଓ ପରିବା ବିକ୍ରି କରି ପରିବାରର ରୋଗଗ୍ରସ୍ତ ମାଆ ଓ ପଙ୍ଗୁ ହୋଇଥିବା ବାପାଙ୍କ ଖର୍ଚ୍ଚ ଉଠାଇବାକୁ ଉଦ୍ୟମ କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ଖବର ଗଣମାଧ୍ୟମରେ ପ୍ରକାଶ ପାଇବା ପରେ ସବ୍ୟସାଚୀ ରିଙ୍କି ସହ ଯୋଗାଯୋଗ କରି ସହାୟତାର ହାତ ବଢାଇଛନ୍ତି । ଏପରିକି ଭିଡିଓ କଲ୍ ଜରିଆରେ ପରିବାରର ସମସ୍ତଙ୍କ ସହ କଥା ହେବା ସହ ରିଙ୍କିଙ୍କୁ ଧୈର୍ଯ୍ୟର ସହ ଲଢେଇ କରିବାକୁ ପରାମର୍ଶ ଦେବା ସହ ତାଙ୍କ ସହ ନିଜେ ଅଛନ୍ତି ବୋଲି କହିଛନ୍ତି । ତାଙ୍କ ଭିଡିଓ କଲରେ ପରସ୍ପର କେତେ ଭାବୁକ ହୋଇ ପଡୁଥିଲେ ତାହା ସ୍ପଷ୍ଟ ବାରି ହୋଇ ପଡୁଥିଲା ।