କନକ ବ୍ୟୁରୋ: ୟୁକ୍ରେନ ବିବାଦକୁ ନେଇ ମୁହାଁମୁହିଁ ବିଶ୍ୱର ଦୁଇ ଶକ୍ତିଶାଳୀ ରାଷ୍ଟ୍ର ଆମେରିକା ଓ ଋଷ ସ୍ଥିତିରେ । ଦୁନିଆରେ ୩ୟ ବିଶ୍ୱଯୁଦ୍ଧ ମୁହାଁ ହେବାକୁ ଲାଗିଲାଣି ବେଲାରୁସରୁ ଆସିଥିବା ସାଟେଲାଇଟ ପିକଚରକୁ ଜଣାପଡୁଛି କି କୌଣସି ମୁହୁର୍ତରେ ଯେଉଁ ଭୟକୁ ନେଇ ଆଶଙ୍କା ଥିଲା ଅର୍ଥାତ ଯୁଦ୍ଧ ହୋଇପାରେ । କାରଣ ବେଲାରସ ପଟୁ ୟୁକ୍ରେନକୁ ଘେରିବା ପାଇଁ ଋଷ ଆରମ୍ଭ କରିଛି ନୂଆ ରଣନୀତି ।ସେପେଟ ଆମେରିକା ବି ନିଜ ସେନାକୁ ପୋଲାଣ୍ଡ ଓ ଅନ୍ୟାନ୍ୟ ସ୍ଥାନରେ ଠୁଳ କରୁଛି । ସ୍ଥିତିକୁ ଦେଖି ଲାଗୁଛି କି କୌଣସି ମୁହୁର୍ତରେ ହୋଇପାରେ ଯୁଦ୍ଧ ।
Kanak News is now on WhatsApp
Join and get latest news updates delivered to you via WhatsApp
ୟୁକ୍ରେନ ସଙ୍କଟକୁ ନେଇ ୟୁରୋପ ଛାତିରେ ଏବେ ବିଶ୍ୱର ଦୁଇ ଶକ୍ତିଶାଳୀ ରାଷ୍ଟ୍ର ପରସ୍ପର ବିରୋଧରେ ଛିଡା ହୋଇଛନ୍ତି । ୟୁକ୍ରେନରେ ଏହି ସମ୍ଭାବ୍ୟ ମହାଯୁଦ୍ଧର ଆଖଡା ହୋଇଥିବାବେଳେ ଆମେରିକା ଓ ଋଷ ଏବେ ନିଜର ଜୋରଦାର ପ୍ରସ୍ତୁତ ପଥରେ । ବେଲାରୁସରୁ ଆସିଥିବା ନୂଆ ସାଟେଲାଇଟ ପିକଚରରେ ଏହି ସଙ୍କେତ ଦେଉଛି କି ହୁଏତ ଖୁବ ଶିଘ୍ର ସାରା ବିଶ୍ୱ ଦେଖିପାରେ ମହାଯୁଦ୍ଧ । କାରଣ ୟୁକ୍ରେନକୁ ଘେରିବା ପାଇଁ ବେଲାରୁସ ପଟୁ ରଣନୀତୀ ଆରମ୍ଭ କରିଛି ଋଷ । ଏହି ସାଟେଲାଇଟ ପିକଚର ଅ।।ମେରିକୀୟ କମ୍ପାନୀ ମେକ୍ସାର ଜାରି କରିଛି । ଋଷ ୟୁକ୍ରେନ ସୀମାରେ ବିପୁଳମାତାର ସୈନ୍ୟ ଓ ହତିଆର ଠୁଳ କରିଥିବା କହିଛି ଆମେରିକା ଆମେରିକାର ଦାବି କି, ଫେବୃଆରୀ ୪ ତାରିଖରେ ଋଷ ନିଜର ଶକ୍ତିଶାଳୀ ହତିଆର ୟେଲସ୍କେ, ରେଚିଟ୍ସା ଓ ଲୁନିୟେଟସ ସୀମାରେ ମୃତୟନ କରିଛି । ୬ ତାରିଖରେ ଜାରି ହୋଇଥିବା ସାଟେଲାଇଟ ପିକଚରରେ ଏହାର ସ୍ପଷ୍ଟ ଚିତ୍ର ରହିଛି । ବରଫ ଭିତରେ ଋଷ ବହୁ ମାତ୍ରାର ହତିଆର ସହ ଯୁଦ୍ଧ ବିମାନ ମୃତୟନ କରିଛି । ବେଲାରୁସର ରିଚ୍ଟେସା ସହରରେ ସେନାର ଅସ୍ଥାୟୀ ଶିବିର ଦେଖିବାକୁ ମିଳିଛି । ସୀମା ବିବାଦ ଭିତରେ ପ୍ରଥମ ଥର ପାଇଁ କୌଣସି ଶିବିର ତିଆରି କରିଛି ଋଷ ।
ସାଟେଲାଇଟ ଫଟୋ ଅ।।ସିବା ପରେ ଏହି କଥାରେ ବି ଖୁଲ୍ଲାସା ହୋଇଛି…
-ଲୁନିୟେଟସରେ ଋଷ ୧୫ଟି ‘ଏସ୍ୟୁ ଆଟାକ ଏୟାରକ୍ରାପ’୍ଟ ଓ ‘ଏସ୍ ୪୦୦ ଏୟାର ଡିଫେନ୍ସ ସିଷ୍ଟମ’ ଋଷ ମୃତୟନ କରିସାରିଛି ।
-ପରମାଣୁ ଆକ୍ରମଣ କରିବାରେ ସକ୍ଷମ ‘ଏସ୍ଏସ୍-୨୬ ସ୍କେଣ୍ଡର ମିସାଇଲ’ ଓ ମଲଟିପୁଲ ରକେଟ ଲଂଚର ୟେଲସ୍କେରେ ରଖାଯାଇଛି ।
ଋଷର ଏଭଳି ଶକ୍ତିଶାଳୀ ହତିଆର ମୃତୟନ ଯୁଦ୍ଧର ଆଶଙ୍କାଙ୍କୁ ଅଧିକ ବୃଦ୍ଧି କରିଛି । ହତିଆର ମୃତୟନ ହୋଇଥିବା ସ୍ଥାନରୁ ୟୁକ୍ରେନ ମାତ୍ର ୫୦ କିଲୋମିଟର ଦୂରରେ ରହିଛି । ଆମେରିକା କହିଛି କି ଶୀତଳ ଯୁଦ୍ଧ ପରେ ଏହା ସବୁ ବଡ ସଂଖ୍ୟକ ହତିଆର ଓ ସେନା ମୃତୟନ କରିଛି ଋଷ । ଏଥିସହ ସୀମାରେ ଉତେଜନା ବୃଦ୍ଧି ପାଇଁ ଋଷକୁ ସିଧାସଳଖ ଦାୟୀ କରିବା ସହ ସର୍ତକ କରାଇଛି ବାଇଡେନ ସରକାର । ସେପଟେ ଋଷ କହିଛି ଏହା ଯୁଦ୍ଧ ପାଇଁ ନୁହେଁ ବଂର ୨୦୨୨ ମଧ୍ୟଭାଗରେ ହେବାକୁ ଥିବା ଯୁଦ୍ଧଭ୍ୟାସ ପାଇଁ ଠୁଳ କରାଯାଇଛି । ସୂଚନା ଅନୁସାରେ ବେଲାରୁସକୁ ଋଷ ନିଜର ଅତିରିକ୍ତ ୩୦ହଜାର ଅତିରିକ୍ତ ସେନା ପଠାଇଛି । ୟୁକ୍ରେନ ନିଜ ସୀମାରେ ୧ଲକ୍ଷ ସୈନିକଙ୍କୁ ମୃତୟନ କରିସାରିଲାଣି । ସେପଟେ ପୋଲାଣ୍ଡକୁ ୧୭ଶହ ଓ ରୋମାନିଆକୁ ୧ହଜାର ସେନାକୁ ସେନା ପଠାଇଛି ଆମେରିକା ।
ୟୁକ୍ରେନ ସୀମାରେ ଲାଗିକି ରହିଛି ବେଲାରୁସ ଓ ପୋଲାଣ୍ଡ । ଯେଉଁଠି ଋଷ ଓ ଆମେରିକା ନିଜ ନିଜର ସେନା ଠୁଳ କଲେଣି । ଗୋଟେ ପଟେ ଋଷ ସୀମାରେ ସେନା ଶକ୍ତି ବୃଦ୍ଧି କରୁଥିବାବେଳେ ସେପଟେ ନିଜ ସେନାକୁ ଆର୍ଲଟ ରଖିଛି ଆମେରିକା । ୟୁକ୍ରେନ ସଙ୍କଟକୁ ନେଇ ଋଷ ଆମେରିକା ମୁହାମୁହିଁ ପରିସ୍ଥିତିରେ । ଘଟଣାକ୍ରମରେ ଋଷ ଓ ଆମେରିକା ପରସ୍ପରକୁ ଯେତିକ ଦୋଷାରୋପ କରୁଛନ୍ତି ତାଠୁ ବେଶୀ ଧମକ ଦେଉଛନ୍ତି । ଏହି ଘଟଣାକ୍ରମରେ ଆମେରିକା ପୁଣି ଥରେ ଋଷକୁ ସର୍ତକବାଣୀ ଶୁଣାଇଛି । ଆମେରିକା ରାଷ୍ଟ୍ରପତିି ଜୋ ବାଇଡେନଙ୍କ ସୁରକ୍ଷା ପରାର୍ମଶଦାତା ଋଷକୁ ସର୍ତକବାଣୀ ଦେଇ କହିଛନ୍ତି—ଋଷ କୌଣସି ସମୟରେ ୟୁକ୍ରେନ ଉପରେ ହମଲା କରିପାରେ । ଯଦି ଯୁଦ୍ଧ ହୁଏ ତେବେ ଋଷକୁ ବଡ ପରିଣାମ ଭୋଗିବାକୁ ପଡିବ । ଏହି ବୟାନ ଋଷ ରାଷ୍ଟ୍ରପତି ଭାଦ୍ଲିମିର ପୁତିନଙ୍କ ଅଭିଯୋଗ ପରେ ଆସିଛି । ଫେବୃଆରୀ ୧ରେ ପୁତିନ କହିଥିଲେ କି ଆମେରିକା ଯୁଦ୍ଧ ପାଇଁ ଉସକାଉଛି । ପୂର୍ବ ୟୂରୋପରେ ସେନାଶକ୍ତି ବୃଦ୍ଧି କରି ସ୍ଥିତିକୁ ବିଗାଡୁଛି ।
ଋଷ ଓ ୟୁକ୍ରେନ୍ ସୀମାରୁ ଯେଭଳି ଦୃଶ୍ୟ ଆସୁଛି, ତାକୁ ଦେଖି ଲାଗୁଛି କୌଣସି ବି ମୁହୁର୍ତରେ ଦୁଇ ଦେଶ ମଧ୍ୟରେ ହୋଇପାରେ ଯୁଦ୍ଧ । ଆଉ ଯଦି ପ୍ରକୃତରେ ଯୁଦ୍ଧ ହୁଏ ତାହାଲେ ମହାବିନାଶକୁ ଏଡାଇବା ଅସମ୍ଭବ ।
ଋଷର ଦାବି କି ୟୁକ୍ରେନକୁ ନାଟୋରେ ସାମିଲ ନକରାଯାଉ ଓ ନାଟୋ ଋଷ ସୀମାରେ ହତିଆର ମୃତୟନ ନକରୁ । କାରଣ ନାଟୋ ଦେଶ ଓ ଆମେରିକାକୁ ଏହି ଅଂଚଳରେ ଦବଦାବ ଜାହିର ପାଇଁ ମୌକା ମିଳିବ । । ୟୁକ୍ରେନ ସଙ୍କଟରେ ପରସ୍ପରର ମୁହାଁମୁହିଁ ହୋଇଥିବା ଆମେରିକା ଓ ଋଷ ପାଖରେ ସୈନ୍ୟ ଶକ୍ତି ଯେତିିକି ରହିଛି ସେତିକି ବଡ ପ୍ରତିରକ୍ଷା ସାମ୍ରାଜ୍ୟ ବ ଅଛି । ୟୁକ୍ରେନ ପାଇଁ ପରିସ୍ଥିତିରେ ଆମେରିକା ଓ ଋଷ ଭିତରେ ଯଦି ଯୁଦ୍ଧ ହେଉଛି ତେବେ ତାର ଭାରି ପରିଣାମ ସାରା ପରିଣାମ ପୂରା ବିଶ୍ୱକୁ ଭୋଗିବାକୁ ପଡିପାରେ ବୋଲି ଆକଳନ କରାଯାଉଛି । ପୂର୍ବ ୟୁରୋପରେ ଦେଖାଦେଇଥିବା ଏହି ସଙ୍କଟ ସାରା ବିଶ୍ୱ ପାଇଁ ଆଣିପାରେ ମହାବିପତି ।