ୟୁକ୍ରେନ ଉପରେ ଋଷ ସେନାର ଡ୍ରୋନ୍ ଆକ୍ରମଣ। ନଷ୍ଟ ହେଲା ଅନେକ ଘର, ଶହେରୁ ଅଧିକ ସହରରେ ବିଦ୍ୟୁତ ସେବା ବନ୍ଦ। 

କନକ ବ୍ୟୁରୋ: ଋଷ ଏବଂ ୟୁକ୍ରେନ ମଧ୍ୟରେ ପୁଣି ଯୁଦ୍ଧ ସ୍ଥିତି ସଙ୍ଗୀନ ହେବାରେ ଲାଗିଛି । କ୍ରିମିଆ ବ୍ରିଜରେ ବିସ୍ଫୋରଣ ପରେ ଋଷ ଅଧିକ ଆକ୍ରମଣାତ୍ମକ ହୋଇଉଠିଛି । ଋଷର ସୈନିକ ୟୁକ୍ରେନ ଉପରେ ଗୋଟିଏ ପରେ ଗୋଟିଏ ଆକ୍ରମଣ କରିଚାଲିଛନ୍ତି । ସୋମବାର ପୁଣି ଆକ୍ରମଣର ଖବର ଆସି ପହଞ୍ଚିଛି । ୟୁକ୍ରେନର ପ୍ରଧାନମନ୍ତ୍ରୀ ଦାବି କରିଛନ୍ତି ଋଷ ସୈନ୍ୟ ୩ ରାଜ୍ୟରେ ଡ୍ରୋନରେ ଆକ୍ରମଣ କରିଛନ୍ତି । ଏଥିରେ ଅନେକ ସ୍ଥାନ ନଷ୍ଟ ହୋଇଛି । ଏହି ଆକ୍ରମଣ କାରଣରୁ ଶହେରୁ ଅଧିକ ସହରରେ ବିଦ୍ୟୁତ ସେବା ବନ୍ଦ ହୋଇଯାଇଛି ।

ସୋମବାର ଋଷ ୟୁକ୍ରେନର ରାଜଧାନୀ କିଭରେ ଡ୍ରୋନରେ ଆକ୍ରମଣ କରିଥିଲା । ଏହି ଆକ୍ରମଣ ସେହିସମୟରେ ହୋଇଥିଲା ଯେତେବେଳେ ଲୋକେ ଘରୁ ବାହରକୁ ବାହାରୁଥିଲେ । ଏହି ଆକ୍ରମଣ ଜନଗହଳିପୂର୍ଣ୍ଣ ସ୍ଥାନରେ ହୋଇଥିଲା । କେବଳ ଏତିକି ନୁହେଁ ଅନେକ ସହରରେ ସେନା ଗୁଳିମାଡ କରିଛି । ଏକ ସପ୍ତାହ ମଧ୍ୟରେ ୟୁକ୍ରେନ ଦ୍ୱିତୀୟ ଥର ପାଇଁ ୟୁକ୍ରେନ ଉପରେ ଆକ୍ରମଣ କରିଛି ।