ଦିଲ୍ଲୀରେ ଋଷ ରାଷ୍ଟ୍ରପତି ଓ ଭାରତର ପ୍ରଧାନମନ୍ତ୍ରୀଙ୍କ ଭେଟ। ରକ୍ଷା, ବାଣିଜ୍ୟ ଓ ନିବେଶ ନେଇ ଆଲୋଚନା
କନକ ବ୍ୟୁରୋ : ଦିଲ୍ଲୀରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଋଷର ରାଷ୍ଟ୍ରପତି ଭ୍ଲାଦିମୀର ପୁତିନଙ୍କ ସାକ୍ଷାତ ହୋଇଛି । ଏହି ସାକ୍ଷାତ ନେଇ ପ୍ରଧାନମନ୍ତ୍ରୀ କହିଛନ୍ତି କି “କୋଭିଡ ସମୟରେ ଦେଖାଦେଇଥିବା ଚ୍ୟାଲେଞ୍ଚ ପରେ ବି ଭାରତ-ଋଷ ମଧ୍ୟରେ ଥିବା ସଂପର୍କରେ କୌଣସି ପରିବର୍ତ୍ତନ ହୋଇନାହିଁ, ଆମର ସ୍ୱତନ୍ତ୍ର ଓ ସୁବିଧାଜନକ ରଣନୈତିକ ଭାଗିଦାରୀ କ୍ରମାଗତ ଭାବେ ସୁଦୃଢ ହେଉଛି” ଉଭୟଙ୍କ ମଧ୍ୟରେ ଏହି ସାକ୍ଷାତ ନୂଆଦିଲ୍ଲୀ ସ୍ଥିତ ହାଇଦ୍ରାବାଦ ଭବନରେ ହୋଇଛି । ନିଜେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରାଷ୍ଟ୍ରପତି ପୁତିନଙ୍କୁ ସ୍ୱାଗତ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଉଭୟଙ୍କ ମଧ୍ୟରେ ହୋଇଥିବା ଶୀର୍ଷ ସ୍ତରୀୟ ଆଲୋଚନାରେ ରାକ୍ଷା, ବାଣିଜ୍ୟ, ନିବେଶ,ଟେକ୍ନୋଲୋଜୀ ଭଳି ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ଆଲୋଚନା ହୋଇଥିବା ବେଳେ କିଛି ଚୁକ୍ତିରେ ଉଭୟ ପ୍ରଧାନମନ୍ତ୍ରୀ ଓ ରାଷ୍ଟ୍ରପତି ସ୍ୱାକ୍ଷର କରିପାରନ୍ତି ବୋଲି ଅନୁମାନ କରାଯାଉଛି ।
Currently, mutual investments stand at about 38 billion with a bit more investment coming from the Russian side. We cooperate greatly in military & technical sphere like no other country. We develop high technologies together as well as produce in India: Russian President pic.twitter.com/04PerL7U8T
— ANI (@ANI) December 6, 2021
ଆଫଗାନିସ୍ତାନ ସହ ଉଭୟ ଦେଶର ସଂପର୍କରେ ଶିତଳତା, ସୀମାରେ ଭାରତ-ଚୀନ ମଧ୍ୟରେ ସଂଘର୍ଷ ମଧ୍ୟରେ ପୁତିନଙ୍କର ଏହି ଭାରତ ଯାତ୍ରାକୁ ଗୁରୁତ୍ୱପୂର୍ଣ୍ଣ ମନେ କରାଯାଉଛି । ଏହା ପୂର୍ବରୁ ଉଭୟ ଦେଶର ରକ୍ଷା ଓ ବିଦେଶ ମନ୍ତ୍ରୀଙ୍କୁ ମଧ୍ୟରେ ଟୁ+ଟୁ ଆଲୋଚନା ହୋଇଛି । ଯେଉଁଥିରେ ରକ୍ଷା ବୁଝାମଣା ନେଇ ୪ ଟି ଚୁକ୍ତିରେ ଉଭୟ ଦେଶ ସ୍ୱାକ୍ଷର କରିଥିବା ଜଣାପଡିଛି ।