ୟୁକ୍ରେନ ଆପାର୍ଟମେଣ୍ଟ ଉପରେ ଋଷିଆର ମିଜାଇଲ ମାଡ । ଲଗାତାର ୩୩ଟି କ୍ଷେପଣାସ୍ତ୍ର ମାଡ କରିଛି ପୁଟିନ ବାହିନୀ

କନକ ବ୍ୟୁରୋ: ପୁଣି ୟୁକ୍ରେନ ସାଧାରଣ ଲୋକଙ୍କୁ ଟାର୍ଗେଟ କରି ମିଜାଇଲ ମାଡ କରିଛି ଋଷିଆ । ଶନିବାର ଲଗାତାର ଭାବେ କ୍ଷେପଣାସ୍ତ୍ର ମାଡ କରିଛି ଋଷ ସେନା । ୟୁକ୍ରେନର ଅନେକ ସ୍ଥାନରେ ୩୩ଟି କ୍ଷେପଣାସ୍ତ୍ର ମାଡ କରିଛିୠଷିଆ । ଏପରିକି ଆପାର୍ଟମେଣ୍ଟକୁ ବି ଛାଡିନି । ଲୋକ ରହୁଥିବା ଆପାର୍ଟମେଣ୍ଟ ଘର ଉପରେ ମିଜାଇଲ ମାଡ କରିଛି ଋଷ । ଏଥିରେ ନେପ୍ରୋ ସହରରେ ୩୦ ଅଧିକ ସାଧାରଣ ଲୋକଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ସେହିପରି ୪୪ଜଣ ନିଖୋଜ ଥିବା ଜଣାପଡିଛି । ରବିବାର ଦେଶବାସୀଙ୍କୁ ସମ୍ବୋଧନ କରି ରାଷ୍ଟ୍ରପତି ଜେଲେନସ୍କି କହିଛନ୍ତି, ଏଭଳି ଘଟଣା ଅତ୍ୟନ୍ତ ନିନ୍ଦନୀୟ । ଋଷ ବାରମ୍ବାର ଆମ ସାଧାରଣ ନାଗରିକଙ୍କୁ ଟାର୍ଗେଟ କରି ନିଜ ଭୀରୁତାର ପରିଚୟ ଦେଉଛି । ମିଜାଇଲ ଆକ୍ରମଣ ହୋଇଥିବା ଅଞ୍ଚଳରେ ଉଦ୍ଧାର କାର୍ଯ୍ୟ ଜାରି ରହିଛି । ଘଟଣାକୁ ନେଇ ୟୁକ୍ରେନ ସେନା ଉଚିତ୍ ଜବାବ ଦେବ ବୋଲି କହିଛନ୍ତି ରାଷ୍ଟ୍ରପତି ଜେଲେନସ୍କି ।

Advertisment

ୠଷିଆ ସେନାର ମିଜାଇଲ ଆକ୍ରମଣ

ୟୁକ୍ରେନ ୩୩ଟି ସ୍ଥାନରେ ଋଷିଆର ମିଜାଇଲ ଆକ୍ରମଣ
ଆପାର୍ଟମେଣ୍ଟ ଉପରେ ପଡିଲା କ୍ଷେପଣାସ୍ତ୍ର
ମିଜାଇଲ ମାଡରେ ଧ୍ୱସ୍ତ, ବିଧ୍ୱସ୍ତ ନେପ୍ରୋ ସହରର
କିବ୍, ଖାରକିବ ଓ ଓଡେଶାରେ ବି ମିଜାଇଲ ମାଡ
ୟୁକ୍ରେନର ପାୱାର ଗ୍ରିଡ୍ ଉପରେ କ୍ଷେପଣାସ୍ତ୍ର ଆକ୍ରମଣ
ବଡ ବଡ ସହରରେ ବିଦ୍ୟୁତ ସେବା ପ୍ରଭାବିତ
ସାଧାରଣ ନାଗାରିକଙ୍କୁ ଟାର୍ଗେଟ କରୁଛି ମସ୍କୋ
ନେପ୍ରୋରେ ମିଜାଇଲ ଆକ୍ରମଣରେ ୩୦ ମୃତ, ୪୪ ନିଖୋଜ

ଋଷିଆ ଓ ୟୁକ୍ରେନ ଭିତରେ ଗତ ୧୧ ମାସ ଧରି ଯୁଦ୍ଧ ଜାରି ରହିଛି । ଆଉ ଏପର୍ଯ୍ୟନ୍ତ ୠଷିଆକୁ ସେଭଳି କିଛି ସଫଳତା ମିଳିନାହିଁ । କିଛି ଦିନରେ ୟୁକ୍ରେନକୁ ଦଖଲ କରିବାକୁ ଯୋଜନା କରିଥିବା ରାଷ୍ଟ୍ରପତି ପୁଟିନଙ୍କୁ ଏବେ ସୁଦ୍ଧା ଆଶାନୁରୂପ ଫଳ ମିଳିନାହିଁ । ଏପରିକି ୟୁକ୍ରେନର ଯେଉଁ ଅଞ୍ଚଳକୁ ଋଷିଆ ସେନା ଦଖଲ କରିଥିଲା ତାହାକୁ ଧିରେ ଧିରେ ମୁକୁଳାଇବାରେ ସଫଳ ହେଉଛି ୟୁକ୍ରେନ ସେନା । ଏହାରି ଭିତରେ ଯୁଦ୍ଧର ରଣନୀତି ବଦଳାଇବାକୁ ଜଣେ ନୂଆ କମାଣ୍ଡରଙ୍କୁ ନିୟୋଜିତ କରିଛନ୍ତି ରାଷ୍ଟ୍ରପତି ପୁଟିନ୍ । ଏଣିକି ୠଷିଆ ସିଡିଏସ ଅର୍ଥାତ୍ ଚିଫ୍ ଅଫ ଡିଫେନ୍ସ ଷ୍ଟାଫ୍ ଜେନେରାଲ ୱାଲେରୀ ଗେରାସିମୋବ ଯୁଦ୍ଧର ସବୁ ରଣନୀତି କରିବେ ।

ଯୁଦ୍ଧ ଜିତିବାକୁ କମାଣ୍ଡର ବଦଳି

ଯୁଦ୍ଧ ଜିତିବାକୁ ଋଷିଆ ବଦଳାଇଳା କମାଣ୍ଡର
ସିଡିଏସ ଜେନେରାଲ ୱାଲେରୀ ଗେରାସିମୋବ ନୂଆ କମାଣ୍ଡର
ୟୁକ୍ରେନ ସେନା ବିରୋଧରେ କରିବେ ରଣନୀତି
ପୁଟିନ୍ ସେନାର ସବୁଠାରୁ ବଡ ଅଧିକାରୀ
ଏବେ ଆହୁରି ଭୟଙ୍କର ହେବ ଯୁଦ୍ଧ
ୟୁକ୍ରେନ ଉପରେ ଆକ୍ରମଣକୁ ବଢାଇ ପାରନ୍ତି ନୂଆ କମାଣ୍ଡର
ୠଷିଆ ସେନାର ସବୁଠାରୁ ବିଚକ୍ଷଣ ସେନା ଅଧିକାରୀ
ସୋଭିଏତ- ଆଫଗାନ ଯୁଦ୍ଧରେ ନେତୃତ୍ୱ ନେଇଥିଲେ ଜେନେରାଲ ୱାଲେରୀ
ସିରିଆ ସିବିଲ ୱାରରେ ବି ଗୁରୁତ୍ୱପୂର୍ଣ୍ଣ ଭୂମିକା
ନିଜ କାମ ପାଇଁ ହିରୋ ଅଫ ରଷିଆନ ଫେଡରେସନ୍ ପୁରସ୍କାର
ଅଡର ଅଫ କରେଜ୍ ସମ୍ମାନ ମଧ୍ୟ ହାତେଇଛନ୍ତି ଜେନେରାଲ ୱାଲେରୀ

ଋଷିଆ –ୟୁକ୍ରେନ ଯୁଦ୍ଧ ଭିତରେ ସାରା ବିଶ୍ୱରେ ଚର୍ଚ୍ଚାରେ ରହିଛନ୍ତି ରାଷ୍ଟ୍ରପତି ଭ୍ଲାଦିମିର ପୁଟିନ୍ । ଶକ୍ତିଶାଳୀ ରାଷ୍ଟ୍ରପତି ପୁଟିନଙ୍କ ସୁରକ୍ଷାକୁ ନେଇ ଅନେକ ଖବର ସାମ୍ନାକୁ ଆସେ । ଦେଶର ସୁପ୍ରିମ ଲିଡରଙ୍କ ସୁରକ୍ଷା ପାଇଁ ଅନେକ ସ୍ତରର ସୁରକ୍ଷା ବ୍ୟବସ୍ଥା କରାଯାଇଥାଏ । ତେବେ ଆପଣ ଜାଣି ଆଶ୍ଚର୍ଯ୍ୟ ହେଲେ ପୁଟିନଙ୍କ ସୁରକ୍ଷାକର୍ମୀଙ୍କ ତାଲିକାରେ ରହିଛନ୍ତି ଚିଲ । ଏହାକୁ ନେଇ ଶିକାରୀ ଚଢେଇଙ୍କ ବାଟାଲିଅନ ମଧ୍ୟ ରହିଛି । ଯେଉଁମାନେ ଦିନରାତି ପୁଟିନଙ୍କ ସୁରକ୍ଷାରେ ନିୟୋଜିତ ଥାନ୍ତି । ଚିଲ ସମେତ ପେଚାଙ୍କୁ ବି ଏଥିରେ ନିୟୋଜିତ କରାଯାଇଛି ।

ପୁଟିନଙ୍କ ସୁରକ୍ଷା ଟିମରେ ଚିଲ!

ରାଷ୍ଟ୍ରପତି ପୁଟିନଙ୍କ ବଳିଷ୍ଠ ସୁରକ୍ଷା ବ୍ୟବସ୍ଥା
ବଡି ଡବଲ, କମାଣ୍ଡୋଙ୍କ ସମେତ ଚିଲ ବି ସାମିଲ
ପୁଟିନଙ୍କ ସୁରକ୍ଷା ବ୍ୟବସ୍ଥାରେ ଚିଲ ଓ ପେଚା
ଋଷିଆ ପାଖରେ ଅଛି ଚିଲ ଓ ପେଚାଙ୍କ ବାଟାଲିଅନ୍
ଚିଲ କରୁଛନ୍ତି ପୁଟିନଙ୍କ ସୁରକ୍ଷା
କ୍ରେମ୍ଲିନ୍ ଫେଡରାଲ ଗାର୍ଡସର ଅଂଶ ଚିଲ ଓ ପେଚା
ଆକାଶ ମାର୍ଗରୁ ବିଭିନ୍ନ ତଥ୍ୟ ସଂଗ୍ରହ କରନ୍ତି ଚିଲ
ଚିଲ ଓ ପେଚାଙ୍କୁ ସ୍ୱତନ୍ତ୍ର ତାଲିମ୍
ଡ୍ରୋନ୍ ଉପରେ ବି ନଜର ରଖନ୍ତି ଚିଲ
ଡ୍ରୋନ ପରଖିବାର ତାଲିମ୍ ମଧ୍ୟ ମିଳିଥାଏ ଚିଲ ଓ ପେଚାଙ୍କୁ
ଅନ୍ୟ ପକ୍ଷୀଙ୍କୁ ରାଷ୍ଟ୍ରପତି ଭବନଠାରୁ ଦୂରରେ ରଖିବା ଏମାନଙ୍କ ପ୍ରମୁଖ କାମ