୧୯୬୫ରେ ରିଲିଜ୍ ହୋଇଥିଲା ଫିଲ୍ମ ସହିଦ୍। ଏହି ଫିଲ୍ମରେ ଥିବା ଗୀତ ‘ୟେ ବତନ’ ସେ ସମୟରେ ଲୋକପ୍ରିୟ ହୋଇଥିବା ବେଳେ ଏବେ ମଧ୍ୟ ଲୋକଙ୍କ ମନରେ ଗୀତଟି ସ୍ୱତନ୍ତ୍ର ଘର କରି ରହିଛି। ଭାରତରେ ଏହି ଗୀତର ଅର୍ଥକୁ ଦେଶବାସୀ ବୁଝିଥିବା ବେଳେ ରୁଷିଆର ଯବାନମାନେ ମଧ୍ୟ ଗୀତର ଗଭୀରତାକୁ ବୁଝି ଏହାକୁ ଗାଇଥିବାର ଦେଖାଯାଇଛି। ଟୁଇଟରରେ ଏକ ଭିଡିଓ ଏବେ ଭାଇରାଲ ହେଉଛି, ଯେଉଁଥିରେ ରୁଷିଆର ଯବାନମାନେ ଠିଆ ହୋଇ ‘ୟେ ବତନ’ ଗୀତ ଗାଉଥିବାର ଦେଖାଯାଇଛି।
Kanak News is now on WhatsApp
Join and get latest news updates delivered to you via WhatsApp
#WATCH Russian military cadets sing- “Ae watan, Humko Teri Kasam,” song at an event in #Moscow (Source: Indian Army) pic.twitter.com/cjNGZblLeg
— ANI (@ANI) November 30, 2019
ସୂଚନା ମୁତାବକ, ମସ୍କୋରେ ଆୟୋଜିତ କରାଯାଇଥିବା ଏକ ଇଭେଣ୍ଟରେ ରୁଷିଆର ଯବାନମାନଙ୍କୁ ଏହି ଗୀତ ଗାଉଥିବାର ଦେଖାଯାଇଥିଲା। ମସ୍କୋର ଭାରତୀୟ ଦୂତାବାସରେ ସାମରିକ ପରାମର୍ଶଦାତା ଥିବା ବ୍ରିଗେଡିୟର ରଜେଶ ପୁଷ୍କର ମଧ୍ୟ ଏହି ଇଭେଣ୍ଟରେ ସାମିଲ ହୋଇଥିବାର ଦେଖାଯାଇଥିଲା। ତେବେ ଟୁଇଟରରେ ଭିଡିଓଟି ଭାଇରାଲ ହେବା ପରେ ଲୋକେ ଏହି ଦୃଶ୍ୟ ଦେଖି ଭାବବିହ୍ବଳ ହୋଇଯାଇଥିବା ଦେଖାଯାଇଛି। ଭିଡିଓକୁ ଦେଖିବା ପରେ ଲୋକଙ୍କ ଭିନ୍ନ ଭିନ୍ନ ପ୍ରତିକ୍ରିୟା ସାମ୍ନାକୁ ଆସିଛି।