ଋଷ-ୟୁକ୍ରେନ ଯୁଦ୍ଧ ମଧ୍ୟରେ ଋଷକୁ ଆଂଶିକ ସଫଳତା, ୟୁକ୍ରେନର ୪ ଟି ସହରକୁ ଋଷ ସହ ସାମିଲ କଲେ ପୁଟିନ୍
କନକ ବ୍ୟୁରୋ : ଋଷ ଓ ୟୁକ୍ରେନ ମଧ୍ୟରେ ଲାଗିଥିବା ଯୁଦ୍ଧ ଭିତରେ ୟୁକ୍ରେନର ୪ ଟି ସହରକୁ ଋଷ ଦଖଲ କରି ନିଜ ନିୟନ୍ତ୍ରଣକୁ ଆଣିଥିଲା । ଏହାପରେ ଦଖଲ କରିଥିବା ୪ ଟି ସହରର ଲୋକଙ୍କ ଜନମତ ସଂଗ୍ରହ କରିଥିଲା ଋଷ । ଏହାପରେ ଏବେ ସ୍ପଷ୍ଟ ହୋଇଛି କି ଶୁକ୍ରବାର ଅର୍ଥାତ ଆସନ୍ତାକାଲି ଠାରୁ ଏହି ୪ ଟି ସହର ଅଧିକାରୀ ସ୍ତରରେ ଋଷର ଅଂଶ ହେବାକୁ ଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଋଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ କାର୍ଯ୍ୟାଳୟ କ୍ରେମଲିନ ତରଫରୁ ଜାରି କରାଯାଇଥିବା ବୟାନ ମୁତାବକ ଋଷ ତରଫରୁ ଦଖଲ କରାଯାଇଥିବା ୟୁକ୍ରେନର ୪ ଟି ସହରରକୁ ଶୁକ୍ରବାର ଠାରୁ ଋଷର ଏକ ଅଂଶ ବୋଲି ଘୋଷଣା କରାଯିବ । ଏନେଇ ଋଷ ପକ୍ଷରୁ ଏକ କାର୍ଯ୍ୟକ୍ରମର ଆୟୋଜିତ କରାଯାଇ ଏହାକୁ ଋଷର ଏକ ଅଂଶ ବୋଲି ଘୋଷଣା କରାଯିବ ।
ୟୁକ୍ରେନର ଯେଉଁ ୪ ଟି ସହରକୁ ଋଷ ତାର ଭୌଗଳିକ ସୀମାରେ ସାମିଲ କରିବାକୁ ଯାଉଛି ତା ମଧ୍ୟରେ ରହିଛି ଲୁହାନସ୍କ, ଜାପୋଶିଜ୍ଜେୟା, ଖେରସନ ଓ ଡୋନାସ୍କୋ । ଏହି ଅଞ୍ଚଳରେ ଋଷ ତରଫରୁ କିଛିଦିନ ହେବ ଜନମତ ସଂଗ୍ରହ କରାଯାଉଥିଲା । ଯାହାକି ମଙ୍ଗଳବାର ଦିନ ସମାପ୍ତ ହୋଇଛି ।
ସୂଚନା ଥାଉକି ଋଷ ରାଷ୍ଟ୍ରପତି ପୁଟିନଙ୍କ ନେତୃତ୍ୱରେ ଋଷ ସେନା ୭ ମାସରୁ ଉର୍ଦ୍ଧ ହେବ ୟୁକ୍ରେନ ଉପରେ ଆକ୍ରମଣ ଜାରି ରଖିଛନ୍ତି । ଏହି ଆକ୍ରମଣ ସମୟରେ ଋଷ ସେନା ୟୁକ୍ରେନର କିଛି ଅଞ୍ଚଳକୁ ଦଖଲ କରିନେଇଥିଲା । ଏବେ ସେହିସବୁ ଅଞ୍ଚଳକୁ ଆଇନଗତ ଭାବେ ଋଷର ବୋଲି ଆସନ୍ତା କାଲି ଘୋଷଣା କରାଯିବ ।