କନକ ବ୍ୟୁରୋ : 

ଚୀନ ବୈଦେଶିକ ମନ୍ତ୍ରାଳୟର ବଡ ବୟାନ

Advertisment

publive-image

ଋଷକୁ ଆଲୋଚନା ପାଇଁ ପ୍ରସ୍ତାବ ଦେଲା ୟୁକ୍ରେନ୍ । ଋଷ ରାଷ୍ଟ୍ରପତିଙ୍କୁ ଆଲୋଚନା ପାଇଁ ପ୍ରସ୍ତାବ ଦେଲେ ୟୁକ୍ରେନ୍ ରାଷ୍ଟ୍ରପତି

ୟୁକ୍ରେନର ରାଜଧାନୀ କିବରେ ପ୍ରବେଶ କଲା ଋଷ ସେନା । ଋଷିଆ ସେନାର ପ୍ରବେଶ ନେଇ ସୂଚନା ଦେଲେ ୟୁକ୍ରେନ୍ ରାଷ୍ଟ୍ରପତି । ଅନୁପ୍ରବେଶକାରୀଙ୍କ ସହ ଋଷିଆ ସେନା ସାମିଲ୍ । ୯୬ ଘଣ୍ଟାରେ ପୂରା ରାଜଧାନୀକୁ ଦଖଲ କରିନେବ ଋଷିଆ । ୟୁକ୍ରେନ୍ ନାଗରିକଙ୍କୁ କର୍ଫ୍ୟୁ ନିୟମ ପାଳନ ପାଇଁ କଲେ ଅନୁରୋଧ । 

ଋଷର ପ୍ରଥମ ଦିନ ଆକ୍ରମଣରେ ୟୁକ୍ରେନର ୧୩୭ ଜଣଙ୍କର ମୃତ୍ୟୁ ଘଟିଛି । ଯେଉଁଥିରେ ୧୦ ଜଣ ସେନା ଅଧିକାରୀ ରହିଛନ୍ତି । ସେହିପରି ୩୧୬ ଜଣ ସାଧାରଣ ଲୋକ ଆହତ ହୋଇଛନ୍ତି । ୟୁକ୍ରେନ ରାଷ୍ଟ୍ରପତି ଭ୍ଲାଦିମିର ଜଲେନସ୍କି ଟ୍ୱିଟ୍ କରି ଏହି ସୂଚନା ଦେଇଛନ୍ତି । ଆମ ସହିତ ଏକାଠି ହୋଇ ଲଢେଇ କରିବାକୁ କେହି ନାହାନ୍ତି । ଋଷକୁ ୟୁକ୍ରେନ ସହ ଲଢେଇ କରିବାକୁ ଏକୁଟିଆ ଛଡା ଯାଇଛି ।

ir="ltr" lang="or">‘#ଭାରତ_ଚାହୁଁଛି_ଶାନ୍ତି’
ଭାରତୀୟଙ୍କୁ ସୁରକ୍ଷିତ ଆଣିବା ପାଇଁ ଆମ ସରକାର ଚେଷ୍ଟା ଚଳାଇଛି । ଯେମିତି ବି ହେଉ ସମସ୍ତଙ୍କୁ ସୁରକ୍ଷିତ ଭାରତ ଅଣାଯିବ । ଆମେ ଚାହୁଁଛୁ ଶାନ୍ତି, ଭୟଙ୍କର ଯୁଦ୍ଧ ପରିସ୍ଥିତି ନସୃଷ୍ଟି ହେଉ: ରାଜନାଥ ସିଂହ #RussiaUkraineWar@rajnathsinghpic.twitter.com/RkBdCI7Y9x

— Kanak News (@kanak_news) February 24, 2022

ୟୁକ୍ରେନ୍-ଋଷ ଯୁଦ୍ଧ । ଭାରତୀୟ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ କହିଲେ, ୟୁକ୍ରେନରେ ଏବେ ସ୍ଥିତି ଗମ୍ଭୀର ଅଛି । ୟୁକ୍ରେନ ସ୍ଥିତି ଉପରେ ଆମର ନଜର ରହିଛି । ଫସି ରହିଥିବା ଭାରତୀୟଙ୍କୁ ଉଦ୍ଧାର ପାଇଁ ପ୍ରୟାସ ଚାଲିଛି । ଭାରତ ଚାହୁଁଛି ଶାନ୍ତି ବଜାୟ ରହୁ, ଯୁଦ୍ଧ ଭଳି ସ୍ଥିତି ଉପୁଜିବାର ଆବଶ୍ୟକତା ନଥିଲା । 

ଆମେରିକାରେ ଜରୁରୀକାଳୀନ ବୈଠକ ଡାକିଲେ ରାଷ୍ଟ୍ରପତି ଜୋ ବାଇଡେନ । ୱାଂସିଟନରେ ଚାଲିଛି ଗୁରୁତ୍ୱପୂର୍ଣ୍ଣ ବୈଠକ । ଉପରାଷ୍ଟ୍ରପତି, ବୈଦଶିକ ମନ୍ତ୍ରୀ ଓ ଜାତୀୟ ସୁରକ୍ଷା ପରାମର୍ଶଦାତା ବୈଠକରେ ସାମିଲ । ୟୁକେନ୍ ଉପରେ ଆକ୍ରମଣକୁ ନେଇ ଚୁପ୍ ବସିବୁ ନାହିଁ : ଜୋ ବାଇଡେନ

ଋଷ-ୟୁକ୍ରେନ ଯୁଦ୍ଧ ଭିତରେ ୟୁକ୍ରେନ ରାଷ୍ଟ୍ରପତିଙ୍କ ବଡ ବୟାନ । କହିଲେ, ୟୁକ୍ରେନ ପଛକୁ ହଟିବ ନାହିଁ, ଋଷ ଆଗରେ ମୁଣ୍ଡ ନୁଆଇଁବ ନାହିଁ ।

ୟୁକ୍ରେନ ଆକ୍ରମଣ ନେଇ ଋଷ ଗଣମାଧ୍ୟମର ବଡ ଦାବି । ଏବେ ଖାଲି ଅସ୍ତ୍ରଶସ୍ତ୍ରରେ ନୁହେଁ ବରଂ ୟୁକ୍ରେନ ଭିରତକୁ ଧସେଇ ପଶିଛି ଋଷ ସେନା । ୟୁକ୍ରେନର ୬ଟି ଏୟାରଫିଲ୍ଡକୁ ଟାର୍ଗେଟ କରିଛି ଋଷ ସେନା । ଏହା ମଧ୍ୟରେ ଫ୍ରାଙ୍କକ୍ୱିସ୍କ ଏୟାରପୋର୍ଟରେ ମିସାଇଲ ଆକ୍ରମଣ କରିଛି ଋଷ । 

ୠଷ-ୟୁକ୍ରେନ ଯୁଦ୍ଧ ଭିତରେ ଭାରତର ସହାୟତା ଲୋଡିଲା ୟୁକ୍ରେନ୍ । ପ୍ରଧାନମନ୍ତ୍ରୀ ମୋଦୀଙ୍କୁ ଭେଟିବା ସହ ଏହି ମାମଲାରେ ହସ୍ତକ୍ଷେପ କରିବାକୁ ଅନୁରୋଧ କରିଛନ୍ତି ଭାରତରେ ଅବସ୍ଥାପିତ ୟୁକ୍ରେନ ରାଷ୍ଟ୍ରଦୂତ । ଭାରତ ଓ ଋଷର ସମ୍ପର୍କ ଅତି ଭଲ, ତେଣୁ ଏହି ବିବାଦକୁ ନିୟନ୍ତ୍ରଣ କରିବାରେ ଭାରତ ଗୁରୁତ୍ୱପୂର୍ଣ୍ଣ ଭୂମିକା ନେଇପାରିବ । ତେଣୁ ଭାରତର ପ୍ରଧାନମନ୍ତ୍ରୀ ତୁରନ୍ତ ଋଷ ରାଷ୍ଟ୍ରପତି ଓ ୟୁକ୍ରେନ ରାଷ୍ଟ୍ରପତିଙ୍କ ସହ ଆଲୋଚନା କରନ୍ତୁ ।

ଋଷିଆର ଆକ୍ରମଣ ; ବିଶ୍ୱ ନେତାଙ୍କ ନିନ୍ଦା । ଜରୁରୀ ବୈଠକ ଡକାଇଲେ ବ୍ରିଟେନ୍ ପ୍ରଧାନମନ୍ତ୍ରୀ । ୟୁକ୍ରେନ୍ ରାଷ୍ଟ୍ରପତି ଜେଲେନକ୍ସିଙ୍କ ସହ କଥା ହେଲେ ବୋରିସ୍ ଜନସନ୍ ।ବ୍ରିଟେନ୍ ଓ ସହ ଯୋଗୀ ଦେଶ ଏକାଠି ଋଷକୁ ଜବାବ ଦେବୁ । ଋଷିଆର ଆକ୍ରମଣକୁ ଜର୍ମାନ ଚାନସେଲରଙ୍କ ନିନ୍ଦା । ୟୁରୋପ ପାଇଁ କଳା ଦିନ କହିଲେ ଚାନସେଲର ଓଲାଫ ସ୍କଲଜ୍ । ୟୁକ୍ରେନରୁ ଋଷିଆ ସେନା ପ୍ରତ୍ୟାହାର ପାଇଁ ଦାବି କଲା କାନାଡା । ସେପଟେ,ଆମେରିକା ରାଷ୍ଟ୍ରପତିଙ୍କ ସହ କଥା ହେଲେ ଜେଲେନକ୍ସି ।

ୟୁକ୍ରେନରେ ଫସିଥିବା ଭାରତୀୟଙ୍କ ପାଇଁ ଆଡଭାଇଜରି ଜାରି । ୟୁକ୍ରେନ୍ ପରିସ୍ଥିତି ଚିନ୍ତାଜନକ ରହିଛି । ଭାରତୀୟମାନଙ୍କୁ ଘରେ ରହିବାକୁ ପରାମର୍ଶ । ଯେଉଁଠି ଅଛ ସେଠି ସୁରକ୍ଷିତ ଓ ଶାନ୍ତ ଭାବେ ରୁହ ।

ଯୁଦ୍ଧ ମଧ୍ୟରେ ୟୁକ୍ରେନ ନାଗରିକଙ୍କ ସୁରକ୍ଷା ଦାୟିତ୍ୱକୁ ଗୁରୁତ୍ୱ ଦେଇଛନ୍ତି ଋଷ ରାଷ୍ଟ୍ରପତି ପୁଟିନ୍ । ତାଙ୍କର ଯୁଦ୍ଧ ୟୁକ୍ରେନ୍ ସରକାର ସହ ୟୁକ୍ରେନବାସୀଙ୍କ ସହ ନୁହେଁ । ତେଣୁ ୟୁକ୍ରେନ ନାଗରିକଙ୍କ ଯେପରି କିଛି କ୍ଷତି ନହୁଏ ସେଥିପାଇଁ ଋଷ ସଜାଗ ବୋଲି ପୁଟିନ୍ କହିଛନ୍ତି ।

ଋଷ ବିରୋଧରେ ଲଢିବେ ନାଟୋ ଦେଶ । ନାଟୋରେ ଅଛନ୍ତି ଆମେରିକା, ଫ୍ରାନ୍ସ, କାନାଡା, ବିଟ୍ରେନ ସମେତ ୩୦ ଦେଶ ।

ଋଷ ଉପରେ ଆକ୍ରମଣ ପାଇଁ ଆମେରିକାର ପ୍ରସ୍ତୁତି । ବ୍ରିଟେନ୍ ଏୟାରଫୋର୍ସ ବେସରୁ ବାହାରିଲା ଆମେରିକା ବିମାନ । ଆମେରିକାର ୨ଟି ବୋମା ବର୍ଷଣକାରୀ ବିମାନ ଉଡିଲା । ଯେକୌଣସି ମୂର୍ହୂତ୍ତରେ ଆମେରିକା ଆକ୍ରମଣ କରିପାରେ ବୋଲି ସୂତ୍ରରୁ ଜଣାପଡିଛି ।

ଆମେରିକାକୁ ପୁଟିନଙ୍କ ନାଲି ଆଖି । ୟୁକ୍ରେନ ମାମଲାରେ ହସ୍ତକ୍ଷେପ କଲେ ଛାଡିବୁ ନାହିଁ । ରେଡ ଲାଇନ ପାର କରିଛି ଆମେରିକା ।

ଋଷ-ୟୁକ୍ରେନ ମଧ୍ୟରେ ଆରମ୍ଭ ହୋଇଛି ଯୁଦ୍ଧ । ପ୍ରଥମେ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ୍ ୟୁକ୍ରେନ ବିରୁଦ୍ଧରେ ଯୁଦ୍ଧ ଘୋଷଣା କରିଛନ୍ତି । ଆଉ ଏହାସହ ୟୁକ୍ରେନର ବିଭିନ୍ନ ସ୍ଥାନରେ ଆରମ୍ଭ ହୋଇଛି ବାଲାଷ୍ଟିକ ମିସାଇଲ ଆକ୍ରମଣ । କେବଳ ଆକ୍ରମଣ ନୁହେଁ ଋଷ ରାଷ୍ଟ୍ରପତି ବିଶ୍ୱର ଅନ୍ୟ ରାଷ୍ଟ୍ରକୁ ଚେତାବନୀ ଦେଇ କହିଛନ୍ତି, ଏହି ମାମଲାରେ ମୁଣ୍ଡ ନ ଖେଳାଇବା ପାଇଁ । ଯେଉଁ ଦେଶ ମୁଣ୍ଡ ଖେଳାଇବ ସିଏ ଭୟାବହ ପରିଣାମ ଭୋଗିବ । ଏମିତି ପରିଣାମ ଭୋଗିବ ଯାହା ପୂର୍ବରୁ ଇତିହାସରେ ମଧ୍ୟ ଭୋଗିନଥିବେ । ସେହିଭଳି ୟୁକ୍ରେନ ମଧ୍ୟ ଋଷ ବିରୋଧରେ ଯୁଦ୍ଧ ଘୋଷଣା କରିଛି । ୟୁକ୍ରେନ ଆକାଶରେ ଏବେ ଫାଇଟର ଜେଟ ଉଡିବା ଆରମ୍ଭ କରିଛି । ଏହାସହ ତୁର୍କୀ ଠାରୁ ସୈନ୍ୟ ସହାୟତା ମଧ୍ୟ ମାଗିଛି ୟୁକ୍ରେନ । ବିପଦ ସମୟରେ ସୈନ୍ୟ ସହାୟତା କରିବାକୁ ତୁର୍କୀକୁ ଅପିଲ କରିଛି ୟୁକ୍ରେନ ।

ଅନ୍ୟପଟେ ୟୁକ୍ରେନର ବୈଦଶିକ ମନ୍ତ୍ରୀ ଆମେରିକା ରାଷ୍ଟ୍ରପତିଙ୍କୁ ଭେଟିବା ସହ ପୂରା ସ୍ଥିତି ବାବଦରେ ଅବଗତ କରିଛନ୍ତି । ଆମେରିକା ରାଷ୍ଟ୍ରପତି ଜୋ ବାଇଡେନ କହିଛନ୍ତି ଯେ, ଏହି ଯୁଦ୍ଧରେ ଯେଉଁ ଭୟଙ୍କର ପରିସ୍ଥିତି ସୃଷ୍ଟି ହେବ ସେଥିପାଇଁ ଋଷ ସମ୍ପୂର୍ଣ୍ଣ ଭାବେ ଦାୟୀ ରହିବ । ଆମେରିକା ଓ ଏହାର ସହଯୋଗୀ ଏକାଠି ହୋଇ ଏହାର ଜବାବ ଦେବେ । ଆଉ ପୂରା ବିଶ୍ୱ ଏଥିପାଇଁ ଋଷକୁ ଦାୟୀ କରିବ ।

ୟୁକ୍ରେନ-ଋଷ ସଙ୍କଟକୁ ନେଇ ‘ନାଟୋ’ର ପ୍ରେସମିଟ୍ । ନାଟୋ କହିଛି ଅନ୍ତରାଷ୍ଟ୍ରୀୟ ଆଇନ୍ ଉଲ୍ଲଂଘନ ନକରୁ ଋଷ । ଋଷର କାର୍ଯ୍ୟକଳାପ ବିଶ୍ୱ ସମୁଦାୟ ଦେଖୁଛି, ଆକ୍ରମଣ ପାଇଁ ଋଷକୁ ପରିଣାମ ଭୋଗିବାକୁ ପଡିବ । ସୈନ୍ୟଙ୍କୁ ଆଗକୁ ବଢ଼ାଇବାରୁ ନିବୃର୍ତ୍ତ ରହୁ ଋଷ ।

ୟୁକ୍ରେନ ଓ ଋଷ ଭିତରେ ଯୁଦ୍ଧ ଧିରେ ଧିରେ ବଢିବାରେ ଲାଗିଛି । ଆଉ ଏହାରି ଭିତରେ ସେଠାରେ ଫଶିଥିବା ଭାରତୀୟ ନାଗରିକ ଓ ଛାତ୍ରଙ୍କୁ ନେଇ ଏବେ ଭାରତ ସରକାର ଗମ୍ଭୀରତା ପ୍ରକାଶ କରିଛନ୍ତି । ୟୁକ୍ରେନର ରାଜଧାନୀରେ ଅବସ୍ଥିତ ଭାରତୀୟ ଦୂତାବାସ ଏବେ ପୁଣି ତୃତୀୟ ଥର ପାଇଁ ଆଡଭାଇଜରୀ ଜାରି କରିଛନ୍ତି । ଆଉ କହିଛନ୍ତି ୟୁକ୍ରେନ ରାଜଧାନୀ କିଭରେ ଫଶିଥିବା ସମସ୍ତ ଭାରତୀୟ ନାଗରିକ ଜରୁରୀ ପରିସ୍ଥିତିରେ ପାଖରେ ଥିବା ବମ ସଲ୍ଟେର୍ସରେ ଆଶ୍ରୟ ନିଅନ୍ତୁ । ଏହି ବମ ସେଲ୍ଟର କିଭର ମେଟ୍ରୋ ଷ୍ଟେସନର ଅଣ୍ଡର ଗ୍ରାଉଣ୍ଡରେ ତିଆରି ହୋଇଛି ।