ଆମେରିକା ଓ ନାଟୋକୁ ରୁଷିଆର ଧମକ: ୟୁକ୍ରେନକୁ ଅସ୍ତ୍ରଶସ୍ତ୍ର ଯୋଗାଣ ବନ୍ଦ କରିବାକୁ ଭ୍ଲାଦିମିର ପୁଟିନଙ୍କ ଚେତାବନୀ
କନକ ବ୍ୟୁରୋ: ୟୁକ୍ରେନ ଉପରେ ରୁଷିଆର ଲଗାତର ଆକ୍ରମଣ ପରେ ବି ୟୁକ୍ରେନ ଏହାର କଡାକଡି ଜବାବ ଦେଉଛି । ମୁଖ୍ୟତଃ ଆମେରିକା ସମେତ ପାଶ୍ଚାତ୍ୟ ଦେଶଗୁଡିକୁ ୟୁକ୍ରେନକୁ ଅତ୍ୟାଧୁନିକ ଅସ୍ତ୍ରଶସ୍ତ୍ର ଯୋଗାଇ ଦେଉଛନ୍ତି । ଯାହାଫଳରେ ୟୁକ୍ରେନ ବିଜୟ ରୁଷିଆ ପାଇଁ କଷ୍ଟକର ହୋଇପଡୁଛି । ଏଥିରେ ଉତକ୍ଷିପ୍ତ ହୋଇ ଆମେରିକା ଓ ନାଟୋକୁ ଧମକ ଦେଇଛି ରୁଷିଆ । ୟୁକ୍ରେନକୁ ଅସ୍ତ୍ରଶସ୍ତ୍ର ଯୋଗାଣ ବନ୍ଦ ନକଲେ ଏହାର ପରିଣାମ ଭୋଗିବାକୁ ପଡିବ ବୋଲି ଚେତାଇ ଦେଇଛି ରୁଷିଆ । ପୂର୍ବରୁ ୟୁକ୍ରେନକୁ ୮ଶହ ମିଲିୟନ ଡଲାର ଯୋଗାଇ ଦେଇଥିଲା ଆମେରିକା । ଏହାସହ ଯୁଦ୍ଧାସ୍ତ୍ର ବାବଦରେ ୮ଶହ ମିଲିୟନ ଡଲାର ପୁଣି ଯୋଗାଇ ଦିଆଯିବ ବୋଲି ବୁଧବାର ଦିନ ଘୋଷଣା କରିଛି ପେଂଟାଗନ । ଏହାପରେ ପରେ ଆମେରିକାକୁ ଧମକ ଦେଇଛି ରୁଷିଆ । ଆମେରିକା, ବ୍ରିଟେନ୍, ସୁଜରଲ୍ୟାଣ୍ଡ ଭଳି ବିଭିନ୍ନ ପାଶ୍ଚାତ୍ୟ ଦେଶର ସାମରିକ ସହଯୋଗ ଫଳରେ ରୁଷ ସେନା ଆଗରେ ଚଟ୍ଟାଣ ଭଳି ଛିଡା ହୋଇ ପାରିଛି ଜେଲେନସ୍କି ସେନା ।
Kanak News is now on WhatsApp
Join and get latest news updates delivered to you via WhatsApp
୫୨ ଦିନ ଧରି ୟୁକ୍ରେନରେ ଯୁଦ୍ଧ ଚାଲିଥିବାବେଳେ ଏତେ ଛୋଟ ଦେଶ ଉପରେ ଦଖଲ କରିପାରୁନାହାଁନ୍ତି ଶକ୍ତିଶାଳୀ ରାଷ୍ଟ୍ରମୁଖ୍ୟ ଭ୍ଲାଦିମିର ପୁଟିନ । ବିପୁଳ ସେନାବଳ ଓ ଅତ୍ୟାଧୁନିକ ଅସ୍ତ୍ରଶସ୍ତ୍ର ଥିଲେ ବି ୟୁକ୍ରେନ ସେନା ଆଗରେ ରୁଷ ସେନା ହାର ମାନୁଥିବା ଦେଖିବାକୁ ମିଳିଛି । ଏହାପଛରେ ପାଶ୍ଚାତ୍ୟ ଦେଶର ସହଯୋଗ ମୁଖ୍ୟ କାରଣ ବୋଲି କୁହାଯାଉଛି ।
ସେପଟେ ବୁଧବାର ରାତିରେ ବ୍ଲାକ ସି’ରେ ରୁଷିଆର ଦୁର୍ଦ୍ଦର୍ଶ ଯୁଦ୍ଧ ଜାହାଜ ମସ୍କୋଭାକୁ ନୂଆ ନୂଆ ଖବର ସାମ୍ନାକୁ ଆସୁଛି । ସୂଚନା ଅନୁସାରେ ମସ୍କୋଭା ସହ ବୁଡି ଯାଇଛି ପ୍ରାୟ ୫୦ଟି ପରମାଣୁ ବୋମା । ରୁଷିଆର ଯୁଦ୍ଧ ଜାହାଜକୁ ଶିକାର କରିବା ପାଇଁ ଅତି ସତର୍କତାର ସହିତ ରଣନୀତି ପ୍ରସ୍ତୁତ କରିଥିଲା ୟୁକ୍ରେନ ସେନା । ପ୍ରଥମେ ବ୍ଲାକ ସିରେ ମସ୍କୋଭାର ନଜର ହଟାଇବାକୁ ଟିବି-ଟୁ ଡ୍ରୋନ ଉଡାଇଥିଲା ୟୁକ୍ରେନ ସେନା । ୟୁକ୍ରେନର ବନ୍ଦର ସହର ଓଡେଶା ଆଖାପାଖରେ ରୁଷିଆ ଯୁଦ୍ଧ ଜାହାଜ ମକ୍ସୋଭାର ଗତିବିଧି ଜାରି ରହିଥିବାବେଳେ ୟୁକ୍ରେନ ସେନା କେତେକ ଟିବି-ଟୁ ଡ୍ରୋନ ଉଡାଇ ଏହାର ନଜର ହଟାଇଥିଲା । ଫଳରେ ମସ୍କୋଭାରେ ମୁତୟନ ମିଜାଇ ସିଷ୍ଟମ ଏହି ଡ୍ରୋନଗୁଡିକୁ ଟାର୍ଗେଟ କରିଥିଲେ । ଆଉ ସେପଟେ ନଜର ହଟାଇ ୟୁକ୍ରେନ ଏହାର ନ୍ୟାପଚୁନ କ୍ରୁଜ ମିଜାଇଲରେ ମକ୍ସୋଭା ଉପରେ ଆକ୍ରମଣ କରିଦେଲା ।
‘ମସ୍କୋଭା’ ସହ ବୁଡିଗଲା ପରମାଣୁ ବୋମା
– ଯୁଦ୍ଧ ଜାହାଜ ‘ମସ୍କୋଭା’ ସହ ସମୁଦ୍ରରେ ୫୦ ପରମାଣୁ ବୋମା ବୁଡି ଯାଇଥିବା ରିପୋର୍ଟ
– ଜାହାଜରେ ଥିବା ୫୧୦ ଜଣଙ୍କ ଭିତରୁ କେବଳ ୫୮ ଜଣଙ୍କୁ ଉଦ୍ଧାର କରାଯାଇଥିବା ସୂଚନା
– ଅର୍ଥାତ ଜାହାଜରେ ଥିବା ରୁଷିଆର ପ୍ରାୟ ୪୫୦ ଲୋକଙ୍କ କୌଣସି ଖୋଜଖବର ମିଳୁନାହିଁ
– ସମୁଦ୍ରରେ ବୁଡିଗଲା ୧୨ ହଜାର ୫୦୦ ଟନ୍ ଓଜନ ଏବଂ ୬୦୦ ଫୁଟ ଲମ୍ବ ‘ମକ୍ସୋଭା’ ଜାହାଜ
– ସୋଭିଏତ ସଂଘ ସମୟରୁ ତିଆରି ହୋଇଥିବା ଯୁଦ୍ଧ ଜାହାଜ ‘ମସ୍କୋଭା’ ଥିଲା ରୁଷିଆର ଗୌରବ
– ରୁଷିଆର ବିଶାଳ ଯୁଦ୍ଧା ଜାହାଜକୁ ନଷ୍ଟ କରିଦେବା ପରେ ୟୁକ୍ରେନ ସେନାର ମନୋବଳ ବଢିଛି
– ନ୍ୟାପଚୁନ୍ କ୍ରୁଜ ମିଜାଇଲ ଓ ତୁର୍କୀ ନିର୍ମିତ ଟିବି-୨ ଡ୍ରୋନ ସହାୟତାରେ ନଷ୍ଟ କରିଛି ୟୁକ୍ରେନ
– ଟିବି-୨ ଡ୍ରୋନରୁ ଆକ୍ରମଣ ଫଳରେ ମସ୍କୋଭାର ରାଡାର କ୍ରୁଜ ମିଜାଇଲକୁ ଠାବ କରିପାରିଲାନି