ପଶୁଙ୍କ ପାଇଁ ରୁଷ ଆଣିଲା କରୋନା ଟିକା । ପରୀକ୍ଷଣରେ ସଫଳତା ପରେ ଚଳିତ ମାସରେ ଆରମ୍ଭ ହେବ ଟିକା ପ୍ରସ୍ତୁତି ନ୍ୟୁଜ୍ By Kanak News Bureau On Apr 1, 2021 - 8:17 AM 80 Share କନକ ବ୍ୟୁରୋ : ପଶୁଙ୍କ ପାଇଁ ପ୍ରଥମ କୋଭିଡ ଟିକା ଆଣିଲା ରୁଷିଆ । ଏଣିକି କରୋନା ମହାମାରୀରୁ ପଶୁଙ୍କୁ ମଧ୍ୟ ବଞ୍ଚାଇ ହେବ । ପଶୁଙ୍କ ପାଇଁ କାର୍ଣ୍ଣିଭାକ୍-କୋଭ ନାମକ କରୋନା ଟିକା ବିକଶିତ କରିଥିବା ରୁଷ ଦାବି କରିଛି । Kanak News is now on WhatsApp Join and get latest news updates delivered to you via WhatsApp Join Now ସୂଚନା ଅନୁସାରେ ଗତ ଅକ୍ଟୋବର ମାସରେ ବିଭିନ୍ନ ପଶୁଙ୍କ ଠାରେ ରୁଷିଆ ଚଳାଇଥିବା ନୈଦାନିକ ପରୀକ୍ଷଣରେ କୁକୁର, ବିରାଡି, କୋକିଶିଆଳି, ମିଙ୍କ ଭଳି ପ୍ରାଣୀଙ୍କ ଠାରେ କରୋନା ବିରୋଧୀ ଆଣ୍ଟିବଡି ବିକଶିତ ହୋଇଥିବା ସ୍ପଷ୍ଟ ହୋଇଛି । ଫଳରେ ଟିକାକରଣ ଦ୍ୱାରା ବିଭିନ୍ନ ପଶୁଙ୍କୁ କରୋନା ଭୁତାଣୁ ଦାଉରୁ ମୁକ୍ତ ରଖାଯାଇ ପାରିବ । ଏଥିସହ ପଶୁ ଠାରୁ ମଣିଷ ଦେହକୁ ଭୁତାଣୁର ରୁପାନ୍ତରୀକରଣକୁ ମଧ୍ୟ ରୋକିହେବ ବୋଲି ରୁଷୀୟ ବିଶେଷଜ୍ଞମାନେ ଆଶାବାଦୀ ଅଛନ୍ତି । ଏହି ଟିକାର ଗଣପ୍ରସ୍ତୁତି ଚଳିତ ମାସରେ ଆରମ୍ଭ ହେବ ବୋଲି ଘୋଷଣା କରିଛି ରୁଷ । କରୋନା ଭୂତାଣୁର ଉତ୍ପତ ସଂକ୍ରାନ୍ତକୁ ନେଇ ସଦ୍ୟ ପ୍ରକାଶିତ ରିପୋର୍ଟ ଅନୁସାରେ ପଶୁଙ୍କ ଦେହରୁ ମଣିଷ ଶରୀରକୁ ସଂକ୍ରମିତ ହୋଇଥିବା ସ୍ପଷ୍ଟ କରାଯାଇଛି । ଏଥିରେ କୁହାଯାଇଛି ପ୍ରଥମେ ବାଦୁଡି ଦେହରୁ ଅନ୍ୟ ପଶୁଙ୍କ କରୋନା ଭୂତାଣୁ ସଂକ୍ରମିତ ହେବା ପରେ ମଣିଷ ଦେହକୁ ଆସିଛି । ସିଧା ସଳଖ କରୋନା ଭୁତାଣୁ ବାଦୁଡି ଦେହରୁ ନଆସି ଖାଦ୍ୟ ଶୃଙ୍ଖଳା ଜରିଆରେ ଅନ୍ୟ ପଶୁଙ୍କ ସଂକ୍ରମଣ ପରେ ମଣିଷକୁ ଆକ୍ରାନ୍ତ କରିଥିବା ରିପୋର୍ଟରେ ଉଲ୍ଲେଖ ରହିଛି । ଏହି ରିପୋର୍ଟ ପରେ ପଶୁଙ୍କୁ କରୋନା ମୁକ୍ତ ରଖିବା ନେଇ ଚିନ୍ତା ପ୍ରକାଶ ପାଇଥିଲା । ଏପରି ସ୍ଥିତିରେ ରୁଷ ପଶୁଙ୍କ ପାଇଁ କରୋନା ଟିକା ବିକଶିତ କରିବା ବିଶ୍ୱବାସୀଙ୍କ ଭଲ ଖବର । 80 Share FacebookTwitterGoogle+WhatsAppTelegramEmailPrint