୨୦ ବର୍ଷ ପରେ ଗାଦି ଛାଡିବେ ଋଷ ରାଷ୍ଟ୍ରପତି ଭ୍ଲାଦିମିର ପୁତିନ୍ । ଭୟାନକ ରୋଗରେ ସଂକ୍ରମିତ ହେବା ପରେ ଗାଦି ଛାଡିବାକୁ ନିଷ୍ପତ୍ତି
କନକ ବ୍ୟୁରୋ : ୨୦ ବର୍ଷରେ ଗାଦି ଛାଡିବେ ଋଷର ରାଷ୍ଟ୍ରପତି ଭ୍ଲାଦିମିର ପୁତିନ୍ । ଭୟାନକ ପେରିକସିନ ରୋଗରେ ପୀଡିତ ହେବା ପରେ ୬୮ ବର୍ଷିୟ ପୁତିନ ଗାଦି ଛାଡିବେ ବୋଲି ସୂଚନା ମିଳିଛି । ପୁତିନ୍ ୨୦ ବର୍ଷ କ୍ଷମତାରେ ରହିବା ପରେ ଜାନୁଆରୀ ୨୦୨୧ ରେ ପଦ ଛାଡିବେ ବୋଲି ଜଣାପଡିଛି । ପୁତିନଙ୍କୁ ଭୟାନକ ପେରିକସିନ ରୋଗର ଲକ୍ଷଣ ଦେଖା ଦେଇଛି । ଏହାକୁ ନେଇ ପୁତିନଙ୍କ ଗାର୍ଲଫ୍ରେଣ୍ଡ ଆଲିନା କେଭବା ପଦ ଛାଡିବାକୁ ପୁତିନଙ୍କୁ ମନାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଋଷର ବାମପନ୍ଥୀ ଶାସକ ଷ୍ଟାଲିନଙ୍କ ପରେ ସବୁଠାରୁ ଲମ୍ବା ସମୟ ପାଇଁ ଋଶର ରାଷ୍ଟ୍ରପତି ପଦରେ ପୁତିନ୍ ରହିଛନ୍ତି । ଏହାସହ ଜାପାନ ପ୍ରଧାନମନ୍ତ୍ରୀ ସିଞ୍ଜୋଆବେ ବି ସ୍ୱାସ୍ଥ୍ୟଗତ କାରଣ ପାଇଁ ପଦ ଛାଡି ସାରିଛନ୍ତି । ଏକ ଆନ୍ତର୍ଜାତୀୟ ଗଣମାଧ୍ୟମର ସୂଚନା ମୁତାବକ ଭ୍ଲାଦିମିର ପୁତିନ୍ ଆସନ୍ତା ବର୍ଷ ଆରମ୍ଭରୁ ରାଷ୍ଟ୍ରପତି ପଦ ଛାଡିବା ସହ ରାଜନୀତିରୁ ସନ୍ୟାସ ନେବାକୁ ପ୍ରସ୍ତୁତ ହେଉଥିବା କୁହାଯାଇଛି । ଋଷ ରାଷ୍ଟ୍ରପତିଙ୍କ କାର୍ଯ୍ୟାଳୟ ସୂତ୍ରରୁ ଖବର ମୁତାବକ ପୁତିନଙ୍କ ଠାରେ ଭୟାନକ ପେରିକସିନ ରୋଗର ଲକ୍ଷଣ ଦେଖା ଦେଇଛି । ଏନେଇ ତାଙ୍କର ଗାର୍ଲଫ୍ରେଣ୍ଡ ଅତ୍ୟାଧିକ ଚାପରେ ଥିବା ବେଳେ ପୁତିନଙ୍କୁ ପଦ ଓ ରାଜନୀତିରୁ ସନ୍ୟାସ ନେବାକୁ ପ୍ରବର୍ତ୍ତାଇଛନ୍ତି । ପୁତିନ ଯେତେବେଳେ ନିଜ ଚେୟାରରେ ବସୁଛନ୍ତି ସେତେବେଳେ ସେ ବାରମ୍ବାର ନିଜ ଶରୀରକୁ ହଲାଉଛନ୍ତି । ଏହା ସହ ଅଚାନକ ତାଙ୍କ ପାଦ ଓ ହାତର ଆଙ୍ଗୁଳି ଗୁଡିକ ଥରୁଛି ।
ପୁତିନ ରାଷ୍ଟପତି ପଦରୁ ଅବ୍ୟାହତ ନେଉଥିବା କଥା ଗତ ସପ୍ତାହରେ ପ୍ରଚାରିତ ହୋଇଥିଲା ଯେତେବେଳେ କି ଋଷ ସଂସଦରେ ଏକ ନୂତନ ଆଇନ ପାରିତ କରାଯାଇଥିଲା । ଯେଉଁ ଆଇନ ବଳରେ ପୁତିନ ଇସ୍ଥଫା ଦେବା ପରେ ବି ଆଜୀବନ ସିନେଟରେ ସଦସ୍ୟ ରହିବାକୁ ସ୍ଥିର କରାଯାଇଥିଲା । ଏହି ଆଇନ ବଳରେ ପୁତିନ୍ କୌଣସି ମାମଲାରୁ ବଂଚିତ ରହିବା ସହ ସେ ବଂଚିଥିବା ଯାଏ ରାଷ୍ଟ୍ରପତି ମାନେ ପାଉଥିବା ସମସ୍ତ ସୁବିଧା ସୁଯୋଗ ତାଙ୍କୁ ଯୋଗାଇ ଦିଆଯିବ ।