କନକ ବ୍ୟୁରୋ : କନ୍ନଡ ସିନେମା ଅଭିନେତା ପୁନୀଥ ରାଜକୁମାର ଗତ ଶୁକ୍ରବାର ଦିନ ହୃଦଘାତରେ ମୃତ୍ୟୁବରଣ କରିଛନ୍ତି । ତାଙ୍କ ମୃତ୍ୟୁପରେ ବେଙ୍ଗାଲୋରରେ ଲୋକମାନଙ୍କ ମଧ୍ୟରେ କୋକୁଆ ଭୟ ଖେଳି ଯାଇଛି । ନିଜ ନିଜର ହାର୍ଟ ଚେକଅପ୍ କରିବାକୁ ଶହ ଶହ ଲୋକ ମେଡିକାଲରେ ଭିଡ ଲଗାଇଛନ୍ତି । ଗଣମାଧ୍ୟମର ରିପୋର୍ଟ ମୁତାବକ ‘ଜୟଦେବ ଇନଷ୍ଟିଚ୍ୟୁଟ ଅଫ କାଡିଓଭାସ୍କୁଲାର ସାଇନ୍ସ ଆଣ୍ଡ ରିସର୍ଚ୍ଚ’ ର ଓପିଡିରେ ହାର୍ଟ ରୋଗୀମାନେ ବହୁ ସଂଖ୍ୟାରେ ପହଂଚି ସେମାନଙ୍କ ହାର୍ଟ ଚେକଅପ୍ କରିବାରେ ଲାଗିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏନେଇ ଉକ୍ତ ମେଡିକାଲର ଡାକ୍ତରମାନେ କହିଛନ୍ତି କି ପୁନୀଥଙ୍କ ମୃତ୍ୟୁ ପରେ ମେଡିକାଲରେ ହାର୍ଟ ରୋଗୀଙ୍କ ଭିଡ ବଢିବାରେ ଲାଗିଛି । ଲୋକମାନେ ଏଠାକୁ ହାର୍ଟ ଚେକଅପ୍ କରିବାକୁ ଆସୁଛନ୍ତି । ‘ଜୟଦେବ ଇନଷ୍ଟିଚ୍ୟୁଟ ଅଫ କାଡିଓଭାସ୍କୁଲାର ସାଇନ୍ସ ଆଣ୍ଡ ରିସର୍ଚ୍ଚ’ ର ନିର୍ଦ୍ଦେଶକ ସିଏନ ମଞ୍ଜୁନାଥ କହିଛନ୍ତି କି ପୂର୍ବ ୩ ଦିନ ଭିତରେ ହସ୍ପିଟାଲକୁ ବହୁ ସଂଖ୍ୟାରେ ଲୋକ ହାର୍ଟ ଚେକଅପ୍ କରିବାକୁ ଆସୁଛନ୍ତି । ଦୈନିକ ପାଖାପାଖି ୧୦୦୦ ରୋଗୀ ଆସୁଥିବା କଥା ମଞ୍ଜୁନାଥ କହିଛନ୍ତି । ଏହା ଫଳରେ ଡାକ୍ତର, ନର୍ସ ଓ ମେଡିକାଲ କର୍ମଚାରୀଙ୍କ ଉପରେ କାର୍ଯ୍ୟଭାର ବଢୁଥିବା ଦେଖିବାକୁ ମିଳିଛି ।
କେବଳ ବେଙ୍ଗାଲୋର ନୁହେଁ ପୁରା କର୍ଣ୍ଣାଟକର ସମସ୍ତ ହସ୍ପିଟାଲରେ ଏଭଳି ଭିଡ ବଢିବାରେ ଲାଗିଛି । ଲୋକମାନେ ଭୟଭିତ ହୋଇ ନିଜ ନିଜର ହାର୍ଟ ଚେକଅପ୍ କରାଇବାକୁ ମେଡକାଲ ଆଗରେ ଭିଡ ଜମାଉଛନ୍ତି ।
ଏନେଇ ଡାକ୍ତରମାନେ ଆସୁଥିବା ରୋଗୀମାନଙ୍କୁ ପରାମର୍ଶ ଦେଇ କହୁଛନ୍ତି ଯାହାର ପରିବାର ଲୋକଙ୍କର ଏଭଳି ସମସ୍ୟା ଥିବ ସେମାନଙ୍କ ପାଇଁ ଏହା ଚେକଅପ୍ କରିବା ଜରୁରୀ । ଏହାସହ ଉକ୍ତ ରକ୍ତଚାପ, ମଧୁମେହ, ଧୁମ୍ରପାନ ଓ ମାନସିକ ଚିନ୍ତାରେ ଥିବା ଲୋକମାନେ ହାର୍ଟ ଚେକଅପ୍ କରାଇ ନେବା ନିହାତି ଜରୁରୀ ।