କନକ ବ୍ୟୁରୋ : ଅନ୍ତର୍ଜାତୀୟ ହକିରୁ ଅବସର ନେଲେ ଅଲିମ୍ପିକ ମେଡାଲ ବିଜେତା ରୂପିନ୍ଦର ପାଲ ସିଂ । ଭାରତୀୟ ହକି ଦଳର ଏହି ଖେଳାଳୀ ଆଜି ଅନ୍ତର୍ଜାତୀୟ ହକିରୁ ଅବସର ନେଇ ଘୋଷଣା କରିଛନ୍ତି । ଏନେଇ ଟ୍ୱିଟ୍ କରି ସୂଚନା ଦେଇଛନ୍ତି ରୂପିନ୍ଦର । ଭାରତୀୟ ହକି ଟିମର ଷ୍ଟାର ଖେଳାଳୀ ଭାବେ ଜଣାଶୁଣା ରୂପିନ୍ଦର ଅବସର ଘୋଷଣା ସହ ଭାବାତ୍ମକ ପୋଷ୍ଟ ସେୟାର କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରୂପିନ୍ଦର ଟ୍ୱିଟରରେ ପୋଷ୍ଟ ସେୟାର କରି ଲେଖିଛନ୍ତି, ଗତ କିଛି ମାସ ମୋ ପାଇଁ ବେଶ ଭଲ ଦିନ ଥିଲା । ଟୋକିଓରେ ଅଲିମ୍ପିକ୍ସ ପୋଡିୟମ ଉପରେ ଛିଡା ହେବା ମୋ ପାଇଁ ସବୁଠୁ ଖୁସିର ମୁହୂର୍ତ୍ତ ଥିଲା ଯାହାକୁ କେବେ ମୁଁ ଭୁଲି ପାରିବି ନାହିଁ । କିନ୍ତୁ ଏବେ ସମୟ ଆସିଛି ଯୁବ ଓ ପ୍ରତିଭାବାନ ଖେଳାଳୀଙ୍କୁ ସୁଯୋଗ ଦେବାର । ଗତ ୧୩ ବର୍ଷ ଧରି ଭାରତୀୟ ହକି ଦଳର ପ୍ରତିନିଧିତ୍ୱ କରି ମୁଁ ଯାହା ଅନୁଭବ କରୁଛି ସେମାନେ ମଧ୍ୟ ସେହିଭଳି ଅନୁଭବ କରନ୍ତୁ । ଏହାସହ ଭାରତ ପାଇଁ ୨୨୩ଟି ମ୍ୟାଚ୍ ଖେଳିବା ମୋ ପାଇଁ ଗର୍ବର ବିଷୟ । କ୍ରୀଡାକୁ ଭଲପାଉଥିବା ଭାରତ ଭଳି ଦେଶ ପାଇଁ ଖେଳିବାକୁ ସୁଯୋଗ ପାଇଥିବାରୁ ମୁଁ ବହୁତ ଖୁସି ଗର୍ବିତ ।
Hi everyone, wanted to share an important announcement with you all. pic.twitter.com/CwLFQ0ZVvj
— Rupinder Pal Singh (@rupinderbob3) September 30, 2021
ଏହାସହ ରୂପିନ୍ଦର କହିଛନ୍ତି, ମୋ କ୍ୟାରିୟରରେ ସାଥୀ ଖେଳାଳୀଙ୍କ ଭୂମିକା ଯଥେଷ୍ଟ ଅଧିକ । ସେମାନଙ୍କ ସହଯୋଗ ଓ ଭଲପାଇବା ବିନା ଏତେ ବାଟ ଆଗକୁ ଆସିବା ସମ୍ଭବପର ନଥିଲା । ଏହାସହ ପରିବାର, ସାଙ୍ଗସାଥୀ, କୋଚଙ୍କ ଅବଦାନ ମଧ୍ୟ କିଛି କମ ନୁହେଁ । ଏହାସହ ମୋତେ, ମୋ ଖେଳକୁ ଏବଂ ହକିକୁ ଭଲପାଇଥିବା ଲୋକଙ୍କୁ ଧନ୍ୟବାଦ ଜଣାଇଛନ୍ତି ରୂପିନ୍ଦର । ଭାରତ ହକି ଦଳର ସଫଳ ଡ୍ରାଗ ଫ୍ଲିକର ଭାବେ ଜଣାଣୁଣା ରୂପିନ୍ଦର ୨୦୦୮ରେ ଡେବ୍ୟୁ କରିଥିଲେ । ଆଉ ଏହାପରେ ପଛକୁ ଫେରି ଚାହିଁନଥିଲେ ରୂପିନ୍ଦର । ଭାରତ ପାଇଁ ୨୨୩ଟି ଅନ୍ତର୍ଜାତୀୟ ମ୍ୟାଚ୍ ଖେଳି ୧୧୯ଟି ଗୋଲ ଦେବାରେ ସକ୍ଷମ ହୋଇଥିଲେ ରୂପିନ୍ଦର । ଏହାସହ ଚଳିତ ଅଲିମ୍ପିକ୍ସରେ ଟିମ୍ ଇଣ୍ଡିଆ ପାଇଁ ଗୋଲ କରିବା ସହ ମେଡାଲ ବିଜୟ ପଛର ବଡ ନାୟକ ସାଜିଥିଲେ ରୂପିନ୍ଦର । ଯାହାଦ୍ୱାରା ଦୀର୍ଘ ୪୧ ବର୍ଷ ପରେ ଭାରତ ଅଲିମ୍ପିକ୍ସରେ ମେଡାଲ ବିଜୟୀ ହୋଇଥିଲା ।