ଟଙ୍କା ଖସୁଛି, ଡଲାର ବଢ଼ୁଛି ! ଡଲାର ତୁଳନାରେ ସର୍ବକାଳୀନ ନିମ୍ନସ୍ତରକୁ ଖସିଲା ଭାରତୀୟ ମୁଦ୍ରା, ଆହୁରି ମହଙ୍ଗା ହେବ ବିଦେଶରୁ ଜିନିଷ କିଣିବା ।
କନକ ବ୍ୟୁରୋ : ପୁଣି ଖସିଲା ଟଙ୍କାର ମୂଲ୍ୟ । ଡଲାର ତୁଳନାରେ ଭାରତୀୟ ମୁଦ୍ରାର ମୂଲ୍ୟରେ ହ୍ରାସ ଘଟିଛି । ସର୍ବନିମ୍ନ ସ୍ତରକୁ ଖସିଆସିଛି ଭାରତୀୟ ମୁଦ୍ରାର ମୂଲ୍ୟ । ବିଦେଶୀ ମୁଦ୍ରା ବିନିମୟ ବଜାରରେ ଡଲାର ତୁଳନାରେ ଟଙ୍କାର ବିନିମୟ ମୂଲ୍ୟ ୭୨ ଟଙ୍କାକୁ ଖସି ଆସିଛି । ଫଳରେ ଏବେ ବିନିମୟ ବେଳେ ଗୋଟିଏ ଡଲାର ପାଇଁ ଆଗ ଅପେକ୍ଷ ଆପଣଙ୍କୁ ଅଧିକ ଟଙ୍କା ଦେବାକୁ ପଡ଼ିବ ।
Kanak News is now on WhatsApp
Join and get latest news updates delivered to you via WhatsApp
ଅନ୍ତର୍ଜାତୀୟ ବଜାରରେ ଅଶୋଧିତ ତୈଳ ଦରର ମୂଲ୍ୟ ବୃଦ୍ଧି, ମୁଦ୍ରାସ୍ଫିତି, ବିଦେଶୀ ନିବେଶକମାନେ ନିବେଶ ଅର୍ଥ ପ୍ରତ୍ୟାହାର କରିବା ଏହାର କାରଣ ପାଲଟିଛି । ଟଂକାର ମୂଲ୍ୟ କମିବା ଫଳରେ ବିଦେଶୀ ଜିନିଷ ଆଗ ଅପେକ୍ଷା ଅଧିକ ଦରରେ କିଣିବାକୁ ହେବ । ସେହିପରି ବିଦେଶରୁ ତେଲ କିଣିବା ବେଳେ ସରକାରଂକୁ ଅଧିକ ଅର୍ଥ ଖର୍ଚ୍ଚ କରିବାକୁ ପଡ଼ିବ । ବିଦେଶରେ ଶିକ୍ଷାଲାଭ ଓ ବିଦେଶଯାତ୍ରା ଉପରେ ମଧ୍ୟ ଏହା ପ୍ରଭାବ ପକାଇବାର ଆଶଙ୍କା ରହିଛି ।