କନକ ବ୍ୟୁରୋ: ପ୍ରଦୀପ ମହାରଥୀଙ୍କ ଦେହାନ୍ତ ହେବା ପରେ ପିପିଲିରେ ବିଜେଡିର ଦାୟିତ୍ୱ କିଏ ନେବ ତାକୁ ନେଇ ସବୁବେଳେ ଚର୍ଚ୍ଚା ହେଉଥିଲା । ଆଉ ଏହି ଚର୍ଚ୍ଚା ଭିତରେ ଯେଉଁ ଦୁଇଟି ଚେହେରା ସାମ୍ନାକୁ ଆସୁଥିିଲେ, ସେମାନେ ହେଲେ ମହାରଥୀଙ୍କ ପତ୍ନୀ ପ୍ରତିଭା ମହାରଥୀ ଏବଂ ପୁଅ ରୁଦ୍ର ପ୍ରତାପ ମହାରଥୀ । ପ୍ରଦୀପ ମହାରଥୀ ନେତୃତ୍ୱ ଦେଉଥିବା ବେଳେ ପ୍ରତିଭା, ପିପିଲି ସମସ୍ୟାର ସମାଧାନ ସହ ଜଡ଼ିତ ରହୁଥିଲେ, ତେଣୁ ପ୍ରତିଭା ବି ଟିକେଟ୍ ଦୌଡ଼ରେ ଥିଲେ । ବିଜେଡି କିନ୍ତୁ ଉପ ନିର୍ବାଚନ ପାଇଁ ଯୁବ ଚେହେରାକୁ ବାଛିଛି ।
Kanak News is now on WhatsApp
Join and get latest news updates delivered to you via WhatsApp
ପ୍ରଦୀପ ମହାରଥୀ ବିଧାୟକ ଥିବା ସମୟରେ ପୁଅ ରୁଦ୍ର ମହାରଥୀ, ବାପାଙ୍କ ସହ ଅନେକ କାର୍ଯ୍ୟକ୍ରମରେ ସାମିଲ ହେଉଥିଲେ । ରକ୍ତଦାନ ଶିବିର, ବୃ୍କ୍ଷରୋପଣ ଏବଂ ସାମାଜିକ କାର୍ଯ୍ୟକ୍ରମ ଆଦିରେ ସାମିଲ ହେଉଥିଲେ । ଏମିତି କି ବିଭିନ୍ନ ଯୁବ ସଂଗଠନ ଜରିଆରେ ପିପିଲି ଓ ଡେଙ୍ଗାଲ ଅଂଚଳର ବିକାଶମୁଳକ କାମରେ ସଂପୃକ୍ତ ଥିଲେ । ତେବେ ମହାରଥୀଙ୍କ ପତ୍ନୀ ଉଚ୍ଚଶିକ୍ଷିତ ହେବା ସହ କଲେଜ ଅଧ୍ୟକ୍ଷା ଥିବାରୁ ତାଙ୍କ ଉପରେ ବି ଦଳୀୟ କର୍ମୀଙ୍କ ଆସ୍ଥା ରଖିଥିଲେ । ସେଥିପାଇଁ ଉଭୟେ ଦଳୀୟ ସୁପ୍ରିମୋଙ୍କ ଉପରେ ନିଷ୍ପତି ଛାଡ଼ି ଦେଇଥିଲେ ।
ମା’ ନା ପୁଅ । କାହାକୁ ମିଳିବ ଟିକେଟ୍ । ତାକୁ ନେଇ ଯେଉଁ ଚର୍ଚ୍ଚା ଲାଗୁ ରହୁଥିଲା । ସେହି ଚର୍ଚ୍ଚା ଉପରେ ପୂର୍ଣ୍ଣଚ୍ଛେଦ ପଡ଼ିଛି । ଯେତେବେଳେ ବିଜେଡି ସୁପ୍ରିମୋ ନବୀନ ପଟ୍ଟନାୟକ ରୁଦ୍ର ମହାରଥୀଙ୍କ ନାଁ ଘୋଷଣା କରିଛନ୍ତି । ପିପିିଲି ଅଂଚଳରେ ପ୍ରଦୀପ ମହାରଥୀଙ୍କ ଥିବା ଲୋକପ୍ରିୟତା ଆଧାରରେ ହୁଏତ ରୁଦ୍ର ମହାରଥୀଙ୍କୁ ଦଳୀୟ ଟିକେଟ୍ ମିଳିଥାଇପାରେ । କିନ୍ତୁ ନିର୍ବାଚନ ଜିତି ନିଜର ସାମର୍ଥ୍ୟ ପ୍ରମାଣିତ କରିବା ରୁଦ୍ର ମହାରଥୀଙ୍କ ପାଇଁ ଏବେ ବଡ଼ ଆହ୍ୱାନ ।