ଆରଟିଆଇ କର୍ମୀ ସର୍ବେଶ୍ୱର ବେହୁରାଙ୍କ ଆକ୍ରମଣ ଘଟଣାରେ ଲାଗିଲା ରାଜନୀତିର ରଙ୍ଗ । ପତ୍ନୀ ଆଣିଲେ ସାଂଘାତିକ ଅଭିଯୋଗ ।
ସ୍ଥାନୀୟ ବିଧାୟକ ଓ ଖଣି ମାଫିଆଙ୍କ ସଂପୃକ୍ତି ଥିବା ଅଭିଯୋଗ କରି ଥାନାରେ ଦେଲେ ଏତଲା
କନକ ବ୍ୟୁରୋ: ରକ୍ତ ଜୁଡୁବୁଡ ଅବସ୍ଥାରେ କଟକର ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଥିବା ସୂଚନା ଅଧିକାର କର୍ମୀ ସର୍ବେଶ୍ୱର ବେହୁରାଙ୍କ ଆକ୍ରମଣ ଉପରେ ସାଂଘାତିକ ଅଭିଯୋଗ ଆଣିଛନ୍ତି ତାଙ୍କ ପତ୍ନୀ । ଯାଜପୁର ଧର୍ମଶାଳା ଥାନାରେ ଲିଖିତ ଅଭିଯୋଗ କରି ଆକ୍ରମଣ ପଛର କାରଣ ଓ କେଉଁମାନେ ସଂପୃକ୍ତ ତାହା ଦର୍ଶାଇଛନ୍ତି ରିଲୁ ବେହୁରା । ଏଥିରେ ସେ ଅଭିଯୋଗ କରିଛନ୍ତି –
Kanak News is now on WhatsApp
Join and get latest news updates delivered to you via WhatsApp
ଧର୍ମଶାଳା ବ୍ଲକରେ ବିଭିନ୍ନ ସରକାରୀ ଯୋଜନାର ହୋଇଥିବା ଦୁର୍ନିତୀର ଖୁଲାସା ଏବଂ ପିଡିଏସ ଦୁର୍ନୀତିକୁ ଲୋକଲୋଚନକୁ ଆଣିବା ପାଇଁ ସର୍ବେଶ୍ୱର ଉଦ୍ୟମ କରିଥିଲେ । ଯାହାର ପରିଣାମ ସ୍ୱରୁପ ତାଙ୍କ ଉପରେ ମରଣାନ୍ତକ ଆକ୍ରମଣ କରାଯାଇଛି । ଲୋକାୟୁକ୍ତରେ ହୋଇଥିବା ମାମଲା ପ୍ରତ୍ୟାହାର କରିବା ପାଇଁ ଖଣି ମାଫିଆ ଓ ଶାସକ ଦଳର ବିଧାୟକମାନେ ଗୁଣ୍ଡା ଲଗାଇ ଧମକ ଚମକ ଦେଇ ଆସୁଥିଲେ ।
ଏହି ପୁରା ଘଟଣା ପଛରେ ସ୍ଥାନୀୟ ବିଧାୟକ ଓ ଖଣି ମାଫିଆଙ୍କ ସଂପୃକ୍ତି ଥିବା ଅଭିଯୋଗ କରିଛନ୍ତି, ସର୍ବେଶ୍ୱର ବେହୁରାଙ୍କ ପରିବାର । ସେପଟେ ଗୁରୁତର ଅବସ୍ଥାରେ କଟକର ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଛନ୍ତି ସର୍ବେଶ୍ୱର । ଅନ୍ୟପଟେ ଆରଟିଆଇ ଆକ୍ଟିଭିଷ୍ଟ ସର୍ବେଶ୍ୱର ବେହୁରାଙ୍କ ଆକ୍ରମଣ ଘଟଣାରେ ରାଜନୈତିକ ରଙ୍ଗ ଦେଇଛି ବିଜେପି । ଘଟଣା ପଛରେ ସ୍ଥାନୀୟ ଅଂଚଳର କ୍ଷମତାଶାଳୀ ନେତା ଓ ବ୍ୟକ୍ତିଙ୍କ ସଂପୃକ୍ତି ଥିବା ନେଇ ଅଭିଯୋଗ ଆଣିଛି ବିଜେପି । ସୂଚନା ଅଧିକାର କର୍ମୀଙ୍କ ଉପରେ ଆକ୍ରମଣ ପଛର ପ୍ରକୃତ କାରଣ ଖୋଜିବା ପାଇଁ ପୁଲିସ ଛାନଭିନ ଆରମ୍ଭ କରିଥିବା ବେଳେ ବର୍ତମାନ ଘଟଣାକୁ ନେଇ ସାରା ରାଜ୍ୟରେ ଆଲୋଡନ ସୃଷ୍ଟି କରିଛିା