କନକ ବ୍ୟୁରୋ: କର୍ଣ୍ଣାଟକରେ ପରାଜୟର ସ୍ୱାଦ ଚାଖିବା ପରେ ବିଜେପିକୁ ରାଷ୍ଟ୍ରୀୟ ସ୍ୱୟଂସେବକ ସଂଘ ଆତ୍ମମନ୍ଥଥ କରିବା ପାଇଁ ପରାମର୍ଶ ଦେଇଛି । ସଂଘ ନିଜର ମୁଖପତ୍ରରେ କହିଛି ଯେ, ବିଜୟ ପାଇଁ ପ୍ରତ୍ୟେକ ସ୍ଥାନରେ ପ୍ରଧାନମନ୍ତ୍ରୀ ଏବଂ ହିନ୍ଦୁତ୍ୱ ଯଥେଷ୍ଟ ନୁହେଁ । ଆରଏସଏସ ବିଜେପିକୁ ମିଶନ ୨୦୨୪ ପାଇଁ ଏହି ପରାମର୍ଶ ଦେଇଛି । ଆରଏସଏସ ଏହି ସମୟରେ ସ୍ପଷ୍ଟ କରିଛି ଯେ ଜନାଧାର ଏବଂ କ୍ଷେତ୍ରୀୟ ନେତୃତ୍ୱ ବିନା ନିର୍ବାଚନ ଜିତିବା ସମ୍ଭବ ନୁହେଁ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ବିଜେପି କର୍ଣ୍ଣାଟକରେ ନିର୍ବାଚନ ପ୍ରଚାର ବେଳେ ଷ୍ଟାର ପ୍ରଚାର ତାଲିକାରେ ପ୍ରଧାନମନ୍ତ୍ରୀ ଏବଂ ହିନ୍ଦୁତ୍ୱ ଉପରେ ଗୁରୁତ୍ୱ ଦେଇଥିଲା । ଏଭଳି ଅନେକ ପ୍ରସଙ୍ଗ ଦଳ ଉଠାଇଥିଲା ଯାହା ହିନ୍ଦୁତ୍ୱ ସହ ଜଡିତ ଥିଲା । ଦଳ ଏହି ପ୍ରସଙ୍ଗ ନେଇ ଏକତରଫା ବିଜୟ ହାସଲ କରିବ ବୋଲି ଦୃଢ ଆଶା ରଖିଥିଲା । ତେବେ ଜନତା ଦଳ ଜୋରଦାର ଝଟକା ଦେଇଥିଲା ଏବଂ କଂଗ୍ରେସ ଏଠି ବଡ ବିଜୟ ହାସଲ କରିପାରିଥିଲା । କଂଗ୍ରେସର ଏହି ବିଜୟ ବିଜେପି ପାଇଁ ସବୁଠାରୁ ବଡ ଝଟକା ଥିଲା ।
ରାଷ୍ଟ୍ରୀୟ ସ୍ୱୟଂସେବକ ସଂଘ ନିଜର ଆଲେଖ୍ୟରେ ଉଲ୍ଲେଖ କରିଛି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ହିନ୍ଦୁତ୍ୱରେ ବିଚାର ପ୍ରତ୍ୟେକ ସ୍ଥାନରେ ନିର୍ବାଚନ ଜିତିବା ସମ୍ଭବ ନୁହେଁ ।