ବିମାନବନ୍ଦରରେ ବିକ୍ରି ହେଉଥିବା ଖାଦ୍ୟରେ ଯାତ୍ରୀଙ୍କୁ ଲୁଟ୍ ଅଭିଯୋଗ : ସିଙ୍ଗଡ଼ା ଗୋଟାକୁ ୧୫୦ ଦୋଷା ଗୋଟାକୁ ୩୦୦ ଟଙ୍କା
ଟ୍ୱିଟ୍ କରି ପ୍ରଧାନମନ୍ତ୍ରୀ ମୋଦୀଙ୍କୁ ଜଣାଇଲେ କଟକର ସମାଜସେବୀ
କନକ ବ୍ୟୁରୋ : ବିମାନବନ୍ଦରରେ ବିକ୍ରି ହେଉଥିବା ଖାଦ୍ୟରେ ଯାତ୍ରୀଙ୍କୁ ଲୁଟ୍ କରାଯାଉଛି । ସିଙ୍ଗଡ଼ା ଗୋଟାକୁ ୧୫୦ ଟଙ୍କା ଓ ଦୋସା ୩୦୦ ଟଙ୍କାରେ ବିକ୍ରି କରାଯାଉଛି । ଏଭଳି ମାତ୍ରାଧିକ ଦର କାହିଁକି ନିଆଯାଉଛି ବୋଲି କଟକର ସମାଜସେବୀ ଡକ୍ଟର ଅଭୟ ରଂଜନ ପଟ୍ଟନାୟକ ଟୁଇଟ୍ ଯୋଗେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଜଣାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
#Foodcosts more,but not clothes or books,shoes.why?
Rs150 for a samosa and Rs300 for a dosa! Why does airport food cost so much? #Modi ji haiin to mumkin hai. #140crIndian‘s have firm faith over Hon’ble PM,that only #Modi ji can resolve this pricing issue.@narendramodi @PMOIndia pic.twitter.com/dSblncQyK2— Dr ABHAYA RANJAN PATTANAYAK (@DrABHAYARANJAN1) November 25, 2021
ଟୁଇଟ୍ରେ ଡକ୍ଟର୍ ପଟ୍ଟନାୟକ ଲେଖିଛନ୍ତି ଯେ, ୧୪୦ କୋଟି ଭାରତୀୟଙ୍କ ପ୍ରଧାନମନ୍ତ୍ରୀଙ୍କ ଉପରେ ଭରସା ଅଛି, ସେ ହିଁ ଏହି ପ୍ରସଙ୍ଗରେ କିଛି କରିପାରିବେ । ତେଣୁ ପ୍ରଧାନମନ୍ତ୍ରୀ ଏହା ଉପରେ ପଦକ୍ଷେପ ନେବାକୁ ସେ ଅନୁରୋଧ କରିଛନ୍ତି । ଏ ପ୍ରସଙ୍ଗରେ ଡକ୍ଟର ପଟ୍ଟନାୟକ କହିଛନ୍ତି ଯେ, ଏକଦା ପ୍ରଧାନମନ୍ତ୍ରୀ ମୋଦୀ କହିଥିଲେ, ହାୱାଇ ଚପଲ ପିନ୍ଧୁଥିବା ଲୋକକୁ ହାୱାଇ ଜାହାଜରେ ଉଡ଼ି ପାରିବା ଭଳି ବ୍ୟବସ୍ଥା କରାଇବେ । ହେଲେ, ଯେଉଁ ବିମାନବନ୍ଦରରେ ସିଙ୍ଗଡ଼ା ଗୋଟା ୧୫୦ ଟଙ୍କା ଓ ଦୋସା ଗୋଟା ୩୦୦ ଟଙ୍କାରେ ମିଳୁଥିବ ସେଠାରେ ହାୱାଇ ଚପଲ ପିନ୍ଧୁଥିବା ସାଧାରଣ ଲୋକ କେମିତି ଖର୍ଚ୍ଚ ଦେଇ ଯାଇପାରିବ ? ପ୍ରଧାନମନ୍ତ୍ରୀ ଏ ଦିଗରେ ପଦକ୍ଷେପ ନେବାକୁ ସେ ଅନୁରୋଧ କରିଥିବା କହିଛନ୍ତି ।