ଚଳନ୍ତା ଚ୍ରେନରେ ଚଢୁ ଚଢୁ ତଳକୁ ଖସିପଡ଼ିଲେ ଯାତ୍ରୀ । ଦେବଦୂତ ସାଜି ଜୀବନ ବଞ୍ଚାଇଲେ ଆରପିଏଫ୍ ଯବାନ ।

224

କନକ ବ୍ୟୁରୋ : ମୁମ୍ବାଇର ବୋରିଭାଲି ଷ୍ଟେସନରେ ଜଣେ ଯାତ୍ରୀଙ୍କୁ ଆରପିଏଫ ଯବାନ ମୃତ୍ୟୁ ମୁଖରୁ ବଞ୍ଚାଇଥିବାର ଭିଡିଓ ସୋସିଆଲ ମିଡିଆରେ ଭାଇରାଲ ‌ହୋଇଛି । ୧୫ ସେକେଣ୍ଡର ଏହି ଭିଡିଓରେ ଯବାନଙ୍କ ସାହସିକତା ଦେଖିବାକୁ ମିଳିଛି ।

ଭାଇରାଲ ହୋଇଥିବା ଭିଡିଓରେ ଏହା ଦେଖିବାକୁ ମିଳୁଛି ଯେ, ଟ୍ରେନ୍ ଯେତେବେଳେ ପ୍ଲାଟଫର୍ମରେ ପହଞ୍ଚୁଛି ସେହି ସମୟରେ ଜଣେ ଯାତ୍ରୀ ‌ଚଳନ୍ତା ଟ୍ରେନରେ ଚଢ଼ିବାକୁ ଚେଷ୍ଟା କରୁଥିବା ବେଳେ ଖସି ପଡ଼ୁଛନ୍ତି । ଆଉ ସେ ଟ୍ରେନକୁ ଧରି ପ୍ଲାଟଫର୍ମରେ ଘୋଷାଡି ହୋଇଯାଉଛନ୍ତି । ଏତିକି ବେଳେ ଘଟଣାସ୍ଥଳରେ ଥିବା ଆରପିଏଫ ଯବାନ ଦୌଡ଼ି ଯାଇ ଯାତ୍ରୀଙ୍କୁ ମୃତ୍ୟୁମୁଖରୁ ଟାଣି ନେଇ ଆସୁଛନ୍ତି ।

ଭିଡିଓ ସାମ୍ନାକୁ ଆସିବା ପରେ ଆରପିଏଫ ଯବାନଙ୍କୁ ପ୍ରଶଂସା କରାଯାଉଛି । ଭିଡିଓରେ ଆରପିଏଫ୍ ଯବାନଙ୍କ ସହ ଅନ୍ୟ ଜଣେ ବ୍ୟକ୍ତି ସାହାଯ୍ୟ କରିବାକୁ ଆସିଥିବା ଦେଖିବାକୁ ମିଳିଛି ।

Comments are closed.