କନକ ବ୍ୟୁରୋ: ସଦ୍ୟ ପ୍ରକାଶିତ ଯୁକ୍ତ୨ ପରୀକ୍ଷାରେ ରୟାଲ କଲେଜର ଛାତ୍ରଛାତ୍ରୀ ଶତ ପ୍ରତିଶତ ଫଳାଫଳ ରଖି ସଫଳତା ହାସଲ କରିଛନ୍ତି । ବିଜ୍ଞାନରେ ମୋଟ ୯୨ ଛାତ୍ରଛାତ୍ରୀ ପରୀକ୍ଷା ଦେଇଥିବା ବେଳେ ପ୍ରଥମ ଶ୍ରେଣୀରେ ୪୮ ଜଣ, ଦ୍ବିତୀୟ ଶ୍ରେଣୀରେ ୪୦ ଜଣ ଏବଂ ତୃତୀୟ ଶ୍ରେଣୀରେ ୪ ଜଣ ଛାତ୍ରଛାତ୍ରୀ ପାସ କରି ଶତ ପ୍ରତିଶତ ପରୀକ୍ଷା ଫଳ ହାସଲ କରିଛନ୍ତି । ବିଜ୍ଞାନରେ ୫୦୬ ମାର୍କ ରଖି ନର୍ମଦା ମିଶ୍ର କଲେଜ ଟପ୍ପର ହୋଇଥିବା ବେଳେ ଦ୍ଵିତୀୟ ସ୍ଥାନରେ ହରପ୍ରିୟା କର ୫୦୫ ରଖିଛନ୍ତି ।

Advertisment

ସେହିପରି ୬୫ଜଣ ଛାତ୍ରଛାତ୍ରୀ ବାଣିଜ୍ୟରେ ପରୀକ୍ଷା ଦେଇଥିବା ବେଳେ ସେଥିମଧ୍ୟରୁ ୪୫ଜଣ ପ୍ରଥମ ଶ୍ରେଣୀରେ, ଦ୍ଵିତୀୟ ଶ୍ରେଣୀରେ ୧୫ଜଣ ଏବଂ ତୃତୀୟ ଶ୍ରେଣୀରେ ୫ଜଣ ଛାତ୍ରଛାତ୍ରୀ କୃତିତ୍ୱ ହାସଲ କରିଛନ୍ତି । ବାଣିଜ୍ୟରେ ଆଦିତ୍ୟ ସାମନ୍ତରାୟ ୫୩୪ ମାର୍କ ରଖି ପ୍ରଥମ ହୋଇଥିବା ବେଳେ ଦ୍ବିତୀୟ ସ୍ଥାନରେ ସୁବସ୍ମିତା ସାବତ ୫୨୦ମାର୍କ ରଖିଛନ୍ତି । ଏହି ଉପଲବ୍ଧି ପାଇଁ କଲେଜର ନିର୍ଦ୍ଦେଶକ ଅଜିତ କୁମାର ପାତ୍ର ଏବଂ ସନ୍ତୋଷ କୁମାର ମାଦଳା ସମସ୍ତ ଛାତ୍ରଛାତ୍ରୀ, ଅଭିଭାବକ ଏବଂ ସମସ୍ତ ଶିକ୍ଷକ/ଶିକ୍ଷୟତ୍ରୀଙ୍କୁ ଅଭିନନ୍ଦନ ଜଣାଇଛନ୍ତି।