ବଡବଡିଆ ମାଲାମାଲ୍-କଂପାନୀ ବେହାଲ୍ ! ରାଉରକେଲା ଷ୍ଟିଲ ପ୍ଲାଂଟରୁ ଆସିଲା ଦୁର୍ନିତିର ଗନ୍ଧ
କନକ ବ୍ୟୁରୋ: ରାଉରକେଲା ଷ୍ଟିଲ ପ୍ଲାଂଟ-ଆରଏସପିର ଏକ ବଡ ଦୁର୍ନିତି ସାମ୍ନାକୁ ଆସିଛି । କମ୍ପଟ୍ରୋଲର ଅଡିଟର ଜେନେରାଲ-ସିଏଜି ତାଙ୍କ ରିପୋର୍ଟରେ ଏହି ଦୁର୍ନିତିର ପର୍ଦ୍ଦାଫାଶ କରିଛନ୍ତି । ରିପୋର୍ଟ ମୁତାବକ କିଛି କଂପାନୀକୁ ଅନୁଗ୍ରହ ଦେଖାଇଥିବାରୁ ଏହି ରାଷ୍ଟ୍ରାୟତ କଂପାନୀକୁ ପାଖାପାଖି ୨୨ କୋଟି ଟଙ୍କା କ୍ଷତି ସହିବାକୁ ପଡିଛି । ଆଉ କନକ ନ୍ୟୁଜ ହାତରେ ଲାଗିଛି ଏହି ଏକ୍ସକ୍ଲୁସିଭ ତଥ୍ୟ ।
Kanak News is now on WhatsApp
Join and get latest news updates delivered to you via WhatsApp
ଇଏ ହେଉଛି ସେହି ସିଏଜି ରିପୋର୍ଟ । ଇସ୍ପାତ କାରଖାନାର ଅକ୍ସିଜେନ ପ୍ଲାଂଟ ନିର୍ମାଣ କରିବାକୁ ଆରଏସପି କତ୍ତୃପକ୍ଷ ଲିଣ୍ଡେ ଇଣ୍ଡିଆ ନାମକ କଂପାନୀକୁ ଦାୟିତ୍ୱ ଦେଇଥିଲେ । ତେବେ ଏହି କଂପାନୀକୁ ଅନୁଗ୍ରହ ଦେଖାଇବାକୁ କଂପାନୀର ବଡବଡିଆ ବାବୁମାନେ ଓଇଆରସି ଅଧିନିୟମକୁ ଉଲଂଘନ କରିଥିଲେ ।
ୱେସ୍କୋଠାରୁ ଆରଏସପି କେବଳ ବିଦ୍ୟୁତ ନେବାକୁ ବୁଝାମଣା ହୋଇଥିବା ସତ୍ୱେ ଆରଏସପି ଏହି ବିଦ୍ୟୁତକୁ ଲିଣ୍ଡେ ଇଣ୍ଡିଆକୁ ଦେଇଥିଲେ । ଏହା ଓଇଆରସି ଅଧିନିୟମକୁ ଉଲଂଘନ କରୁଥିବାରୁ ଆରଏସପିକୁ ୱେସ୍କୋ ୨୨ କୋଟି ୮୩ ଲକ୍ଷ ଟଙ୍କାର ଜରିମାନା ଆଦାୟ କରିଥିଲେ ।