କାର୍ କୁ ୮ ଫୁଟ୍ ଉଚ୍ଚରେ ଝୁଲାଇ ସଫା କରୁଥିଲେ ମେକାନିକ୍, ହଠାତ୍ ଖସିପଡିଲା ଗାଡି । ଆଉ ତା’ପରେ…
ସୋସିଆଲ ମିଡିଆରେ ଏକ ହୃଦୟ ଥରାଇବା ଭଳି ଭିଡିଓ ଭାଇରାଲ ହେଉଛି । ଭିଡିଓରେ ଦୁଇ ମେକାନିକ୍ ଦୁନିଆର ସବୁଠାରୁ ମହଙ୍ଗା କାର୍ ମଧ୍ୟରେ ଆସୁଥିବା ରୋଲ୍ସ ରଏସର ସଫେଇ କରୁଛନ୍ତି । ଭଲ ଭାବରେ ସଫା କରିବା ପାଇଁ କାରକୁ ତଳୁ ୮ଫୁଟ ଉଚ୍ଚରେ ଝୁଲାଇ ରଖାଯାଇଛି । ଦୁହେଁ ସଫେଇ କାମରେ ବ୍ୟସ୍ତ ଥିବା ବେଳେ ହଠାତ୍ କାର୍ ର ନିୟନ୍ତ୍ରଣ ବିଗିଡ଼ିବା ସହ କାରଟି ଉପରକୁ ଉଠିବାକୁ ଲଗୁଛି । ଦୁଇ ମେକାନିକଙ୍କ ମଧ୍ୟରେ ଜଣେ ବାହାରକୁ ଆସିଯାଇଥିବା ବେଳେ ଆଉ ଜଣେ ଉପରକୁ ଉଠୁଥିବା କାରକୁ ତଳକୁ ଟାଣୁଥିବା ଦେଖାଯାଇଛି । ଠିକ୍ ସେତିକି ବେଳେ କାରଟି ହଠାତ୍ ତଳକୁ ଖସି ପଡ଼ିବା ସହ ତଳେ ଥିବା ମେକାନିକ୍ ଜଣଙ୍କ ତଳେ ଚାପି ହୋଇ ଯାଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ଘଟଣାଟି ଘଟିବା ପରେ ପାଖରେ ଥିବା ଲୋକ ତୁରନ୍ତ ଆସି ତଳେ ଫସି ରହିଥିବା ମେକାନିକଙ୍କୁ ବାହାର କରୁଥିବା ଭିଡିଓରେ ଦେଖିବାକୁ ମିଳିଛି । ଭିଡିଓଟି ଚୀନର ବୋଲି ଜଣା ପଡ଼ିଥିବା ବେଳେ ମେକାନିକଙ୍କ ପରର ଅବସ୍ଥା କ’ଣ ତାହା ଜଣା ପଡ଼ିନି ।