ପାକିସ୍ତାନ ବିପକ୍ଷ ମ୍ୟାଚରେ ଚାପରେ ରୁହେ କି ଟିମ୍ ଇଣ୍ଡିଆ? ଟି-୨୦ ବିଶ୍ୱକପ ଅଭିଯାନ ଆରମ୍ଭ ପୂର୍ବରୁ ବଡ ବୟାନ ଦେଲେ ଅଧିନାୟକ ରୋହିତ ଶର୍ମା ।
କନକ ବ୍ୟୁରୋ : ସୁପର ସଣ୍ଡେରେ ବିଶ୍ୱ ଦେଖିବ ସୁପର ସୋ’ । ମୁହାଁମୁହିଁ ଦୁଇ ଚିର ପାରମ୍ପରିକ ପ୍ରତିଦ୍ୱନ୍ଦ୍ୱୀ ଭାରତ-ପାକିସ୍ତାନ । ଏହି ହାଇଭୋଲଟେଜ ମ୍ୟାଚ୍ ଉପରେ ପୂରା ବିଶ୍ୱ କ୍ରିକେଟପ୍ରେମୀଙ୍କ ନଜର ରହିଛି । କିଏ ବିଜୟୀ ହେବ ଓ କିଏ ପରାଜୟ ସହ ଅଭିଯାନ ଆରମ୍ଭ କରିବ ତାହାକୁ ନେଇ ଆରମ୍ଭ ହୋଇଛି ବୟାନବାଜି । ତେବେ ଏହି ବଡ ମ୍ୟାଚ୍ ପୂର୍ବରୁ ମୁହଁ ଖୋଲିଛନ୍ତି ଟିମ୍ ଇଣ୍ଡିଆର ଅଧିନାୟକ ରୋହିତ ଶର୍ମା । ଟି-୨୦ ବିଶ୍ୱକପ ଅଭିଯାନ ଆରମ୍ଭ ପୂର୍ବରୁ ସାମ୍ବାଦିକ ସମ୍ମିଳନୀ କରି ରୋହିତ କହିଛନ୍ତି, ଦୀର୍ଘ ୯ ବର୍ଷ ହେବ ଆମେ କୌଣସି ଆଇସିସି ଟ୍ରଫି ଜିତିପାରିନାହୁଁ । ଏହା ଆମ ଟିମ୍ ପାଇଁ ନିରାଶଜନକ କଥା ନିଶ୍ଚୟ । ଟି-୨୦ ବିଶ୍ୱକପରେ କିଭଳି ଭଲ ପ୍ରଦର୍ଶନ କରିବୁ ତାହା ହିଁ ଆମ ପାଇଁ ସବୁଠୁ ବଡ ଚ୍ୟାଲେଞ୍ଜ । ଆମକୁ ସୁଯୋଗ ମିଳିବ, ଏହାର ସଦୁପଯୋଗ କରିବାର ଆବଶ୍ୟକତା ରହିଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ପାକିସ୍ତାନ ବିପକ୍ଷ ମ୍ୟାଚକୁ ନେଇ ଟିମ୍ ଇଣ୍ଡିଆ ଚାପରେ ରହିଛି କି ଏହି ପ୍ରଶ୍ନର ଅତି ସରଳ ଉତ୍ତର ରୋହିତ ରଖିଛନ୍ତି । ରୋହିତ କହିଛନ୍ତି, ଚାପ ଶବ୍ଦର ବ୍ୟବହାର କରିବାକୁ ମୁଁ ଚାହୁଁନାହିଁ । ପାକିସ୍ତାନ ଶକ୍ତିଶାଳୀ ଟିମ । କିନ୍ତୁ ଯିଏ ଭଲ ଖେଳିବ ସିଏ ହିଁ ଜିତିବ । ଏଭଳି କହି ଅତି ଚତୁରତାର ସହ ଏହି ପ୍ରଶ୍ନକୁ ଏଡାଇ ଯାଇଥିଲେ ରୋହିତ । ଗତ ଟି-୨୦ ବିଶ୍ୱକପ ଓ ଏସିଆ କପରେ ପାକିସ୍ତାନ ଠାରୁ ଭାରତ ପରାଜିତ ହେବା ପରେ କିଛି ଏଭଳି ପ୍ରଶ୍ନ କ୍ରିକେଟପ୍ରେମୀଙ୍କ ମନରେ ଉଠିଥିଲା ଯାହାର ଜବାବ ଅତି ସରଳ ଢଙ୍ଗରେ ରଖିଛନ୍ତି ରୋହିତ ।
🗓️ Mark Your Calendars
Here’s the #T20WorldCup schedule 🔽#TeamIndia pic.twitter.com/ETPwcP3CvB
— BCCI (@BCCI) October 21, 2022
ଅନ୍ୟପଟେ ୨୦୨୩ରେ ପାକିସ୍ତାନରେ ହେବାକୁ ଥିବା ଏସିଆ କପକୁ ନେଇ ଯେଉଁ ବିବାଦ ଦେଖାଦେଇଛି ତାହାକୁ ନେଇ ରୋହିତ କହିଛନ୍ତି, ଆମର ଫୋକସ କେବଳ ଟି-୨୦ ବିଶ୍ୱକପ ଉପରେ ରହିଛି । କାରଣ ଏହା ହିଁ ଆମ ଜରୁରୀ । ପରେ କଣ ହେବ ସେବାବଦରେ ଆମେ ଅଧିକ ଭାବୁନାହୁଁ । କାରଣ ଏହା ବାବଦରେ କଣ ଭାବିଲେ କିଛି ଲାଭ ନାହିଁ । ଏହାଛଡା ଏସିଆ କପକୁ ନେଇ ବିସିସିଆଇ ନିଷ୍ପତ୍ତି ନେବ । ତେଣୁ ପାକିସ୍ତାନ ବିପକ୍ଷ ମ୍ୟାଚକୁ ନେଇ ରଣନୀତି ପ୍ରସ୍ତୁତ କରୁଛୁ । ଏହାପୂର୍ବରୁ ବିସିସିଆଇ ସମ୍ପାଦକ ଜୟ ଶାହା ଏକ ବୟାନରେ କହିଥିଲେ ଯେ, ୨୦୨୩ରେ ହେବାକୁ ଥିବା ଏସିଆ କପ୍ ପାଇଁ ପାକିସ୍ତାନ ଗସ୍ତ କରିବନି ଟିମ୍ ଇଣ୍ଡିଆ । ଆଉ ଜୟ ଶାହାଙ୍କ ଏହି ବୟାନକୁ ନେଇ ଚିହିଁକି ଉଠିଥିଲା ପାକିସ୍ତାନ ।
ଏସବୁ ବ୍ୟତୀତ ରୋହିତ କହିଛନ୍ତି ମେଲବୋର୍ଣ୍ଣରେ ଟସ୍ ବେଶ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ । କାରଣ ମେଲବୋର୍ଣ୍ଣରେ ପ୍ରତି କ୍ଷଣରେ ପାଣିପାଗ ବଦଳିଥାଏ । ମ୍ୟାଚରେ ଆଗକୁ କଣ ହେବ ସେ ବାବଦରେ ଅନ୍ଦାଜ ଲଗାଇବା କଷ୍ଟକର । କିନ୍ତୁ ପୂରା ୪୦ ଓଭର ପାଇଁ ଆମେ ରଣନୀତି ପ୍ରସ୍ତୁତ କରି ମୈଦାନକୁ ଓହ୍ଲାଇବୁ ବୋଲି ରୋହିତ କହିଛନ୍ତି । କିନ୍ତୁ ବର୍ଷା କାରଣରୁ ଯଦି କମ ଓଭରର ମ୍ୟାଚ୍ ହୁଏ ତେବେ ଏଥିପାଇଁ ମଧ୍ୟ ଆମେ ପ୍ରସ୍ତୁତ ବୋଲି କହିଛନ୍ତି ରୋହିତ । ୨୦୦୭ ଟି-୨୦ ବିଶ୍ୱକପ ଫାଇନାଲରେ ପାକିସ୍ତାନ ବିପକ୍ଷରେ ଖେଳିଥିଲି । ଏହା ଭିତରେ ସମୟ ବଦଳିଛି । ଟିମ୍ ଇଣ୍ଡିଆର ଅଧିନାୟକ ଦାୟିତ୍ୱ ମିଳିଛି । ଭାରତ ପାଇଁ ଖେଳିବା ହିଁ ମୋ ପାଇଁ ସବୁଠୁ ବଡ ଉପଲବ୍ଧି ଓ ସମ୍ମାନ ।