ବିଶ୍ୱକପ ପରେ ବିରାଟଙ୍କ ପାଇଁ ବଢୁଛି ଅଡୁଆ ! ରୋହିତ ଧରିପାରନ୍ତି ଟିମ୍ ଇଣ୍ଡିଆର ମଙ୍ଗ ।
କନକ ବ୍ୟୁରୋ : ଶେଷ ହୋଇଛି ବିଶ୍ୱକପ ଆଉ ଲର୍ଡସରେ ଲେଖା ହୋଇସାରିଛି ନୂଆ ଇତିହାସ । କିନ୍ତୁ ସେମିଫାଇନାଲରେ ଭାରତର ପରାଜୟକୁ ଏପର୍ଯ୍ୟନ୍ତ ଭୁଲିପାରିନାହାନ୍ତି କୋଟି କୋଟି ଭାରତବାସୀ । ଅନ୍ୟପଟେ ବିଶ୍ୱକପ ସେମିଫାଇନାଲରେ ଭାରତର ପରାଜୟ ପରେ ଏବେ ଆକ୍ସନ ମୋଡରେ ରହିଛି ବିସିସିଆଇ । ଆଉ କୁହାଯାଉଛି, ଭାରତୀୟ କ୍ରିକେଟ୍ ଦଳର ଅଧିନାୟକ ପଦରେ ପରିବର୍ତ୍ତନ କରିପାରେ ବିସିସିଆଇ ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁଯାୟୀ, ବିଶ୍ୱକପରେ ଭାରତର ପରାଜୟ ପରେ ହିଟ୍ ମ୍ୟାନ୍ ରୋହିତ ଶର୍ମା ଦିନିକିଆ ଏବଂ ଟି-ଟେଣ୍ଟି ଦଳର ଅଧିନାୟକ ହୋଇପାରନ୍ତି । ବିରାଟ କୋହଲିଙ୍କୁ କେବଳ ଟେଷ୍ଟ ଟିମର ଅଧିନାୟକ ପଦ ଦେଇପାରେ ବିସିସିଆଇ । ଆଉ ଯଦି ଏପରି ହୁଏ, ତେବେ ଭାରତୀୟ କ୍ରିକେଟରେ ବଡ ପରିବର୍ତ୍ତନ ଦେଖିବାକୁ ମିଳିପାରେ । ଏହା ସହ ବିରାଟ କୋହଲିଙ୍କ ପାଇଁ ଏହା ସବୁଠୁ ବଡ ଝଟକା ହୋଇପାରେ ।