ରୋହିତଙ୍କ ଆଉ ଏକ ରେକର୍ଡ ! ଦିନିକିଆ କ୍ରିକେଟରେ ପୂରଣ କଲେ ୮ ହଜାର ରନ୍ ।
କନକ ବ୍ୟୁରୋ : ଦିନିକିଆ କ୍ରିକେଟରେ ଆଉ ଏକ କୀର୍ତିମାନ୍ ହାସଲ କରିଛନ୍ତି ଭାରତର ଭାଇସ କ୍ୟାପଟେନ୍ ରୋହିତ ଶର୍ମା । ଦିନିକିଆ କ୍ରିକେଟରେ ୮ ହଜାର ରନ୍ କ୍ଲବରେ ସାମିଲ୍ ହୋଇଛନ୍ତି ରୋହିତ । ସେ ୨୦୬ ଟି ଦିନିକିଆରୁ ଏହି ସଫଳତା ହାସଲ କରିଛନ୍ତି । ଫଳରେ ତୃତୀୟ ଦ୍ରୁତତମ ବ୍ୟାଟ୍ସମ୍ୟାନ୍ ଭାବେ ରୋହିତ ଶର୍ମା ଏହି ସଫଳତା ହାସଲ କରିଛନ୍ତି । ତେବେ ପୂର୍ବତନ ଭାରତୀୟ କ୍ୟାପଟେନ୍ ସୌରଭ ଗାଙ୍ଗୁଲି ଓ ରୋହିତଶର୍ମା ସମାନ ୨୦୬ ଟି ଦିନିକିଆ ଖେଳି ଏହି ସଫଳତା ହାସଲ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରୋହିତଙ୍କ ପୂର୍ବରୁ ଭାରତୀୟ କ୍ରିକେଟ୍ ଦଳର ଅଧିନାୟକ ବିରାଟ କୋହଲି ୧୭୫ ଟି ଇନିଂସ ଖେଳି ଏହି ସଫଳତା ହାସଲ କରିଛନ୍ତି । ସେହିପରି ଦକ୍ଷିଣ ଆଫ୍ରିକାର ଏବି ଡିଭିଲିୟର୍ସ ୧୮୨ ଇନିଂସରୁ ଦିନିକିଆରେ ୮୦୦୦ ରନ୍ ପୂରଣ କରି ଏହି କ୍ଲବର ସଦସ୍ୟ ହୋଇସାରିଛନ୍ତି । ରୋହିତ ଶର୍ମା ନିଜର ୨୦୬ ଦିନିକିଆରୁ ୨୨ଟି ଶତକ, ୪୧ଟି ଅର୍ଧଶତକ ସହାୟତାରେ ୮ ହଜାର ୧୦ ରନ୍ ସ୍କୋର କରିଛନ୍ତି । ତେବେ ଗତକାଲି ଅଷ୍ଟ୍ରେଲିଆ ବିପକ୍ଷରେ ଦିଲ୍ଲୀରେ ଖେଳାଯାଇଥିବା ଦିନିକିଆ ମ୍ୟାଚରେ ଏହି ସଫଳତା ହାସଲ କରିଛନ୍ତି ରୋହିତ ଶର୍ମା ।