ଉତରାଖଣ୍ଡ ଉଦ୍ଧାର ଅଭିଯାନରେ ସାମିଲ ହେବ ରୋବଟ । ଟନେଲରେ ଫସିଥିବା ଶ୍ରମିକଙ୍କୁ ଖୋଜିବ ଡିଆରଡିଓ ପ୍ରସ୍ତୁତ କରିଥିବା ରୋବଟ ‘ଦକ୍ଷ’
କନକ ବ୍ୟୁରୋ : ସୁଡ଼ଙ୍ଗ ଭିତରେ ଫଶି ରହିଥିବା ଶ୍ରମିକଙ୍କୁ ସନ୍ଧାନ କରିବ ଡିଆରଡିଓ ଦ୍ୱାରା ପ୍ରସ୍ତୁତ ରୋବର୍ଟ । ଯାହାର ନାଁ ହେଉଛି- ଦକ୍ଷ । ନାଁ ଯେମିତି ଦକ୍ଷ, ରୋବର୍ଟା କାମ ସେମିତି ଦକ୍ଷ । ଯେଉଁଠି ମଣିଷ ପହଂଚିବା କଷ୍ଟକର ହୋଇପଡ଼େ, ସେଠି ପହଂଚିଯାଏ ଏହି ଯନ୍ତ୍ର । ଡିଆରଡିଓ ନିର୍ମାଣ କରିଥିବା ଏହି ରୋବର୍ଟ-
– ବିଜୁଳି ଦ୍ୱାରା ପରିଚାଳିତ ହୋଇଥାଏ
– ବହୁ ଦୂରରୁ ଥାଇ ଏହାକୁ ନିୟନ୍ତ୍ରଣ କରିହୁଏ
– ଦୁର୍ଗମ ସ୍ଥାନରେ ବସ୍ତୁ ଓ ଜୀବନ ସନ୍ଧାନ କରିପାରେ
– ସ୍କାନର ଜରିଆରେ ଟନେଲ ଭିତରର ଚିତ୍ର ଦେଖିପାରିବ
– ବାହାରେ ଥାଇ ସୁଡ଼ଙ୍ଗର ଚିତ୍ର ଦେଖି ହେବ
– ଫଳରେ ଶ୍ରମିକଙ୍କ ଅବସ୍ଥିତି ସହଜ ଓ ସଠିକ୍ ଭାବେ ଜାଣି ହେବ
Kanak News is now on WhatsApp
Join and get latest news updates delivered to you via WhatsApp
ପ୍ରାୟ ୯୦ ପ୍ରତିଶତ ସ୍ୱଦେଶୀ ଜ୍ଞାନ କୌଶଳରେ ନିର୍ମାଣ ହୋଇଥିବା ଏହି ରିବୋର୍ଟକୁ ଉତରାଖଣ୍ଡର ସୁଡ଼ଙ୍ଗ ଅଘଟଣରେ ଉଦ୍ଧାର କାର୍ଯ୍ୟ ପାଇଁ ନିୟୋଜିତ କରାଯିବ । ବିଗତ ୯ ଦିନ ହେଲାଣୀ, ସୁଡ଼ଙ୍ଗ ଭିତରେ ଫଶୀ ରହିଛନ୍ତି ୪୧ ଜଣ ଶ୍ରମିକ । ୯ ଦିନ ବିତିଯାଇଥିଲେ ବି ଉଦ୍ଧାରକାରୀ ଦଳଙ୍କୁ ମିଳିନି କୌଣସି ସଫଳତା । ଏଭଳି ସ୍ଥିତିରେ ଉଦ୍ଧାର କାର୍ଯ୍ୟରେ ରୋବର୍ଟ ଦକ୍ଷକୁ ନିୟୋଜିତ କରାଯିବ । ଏପଟେ ଅଷ୍ଟ୍ରେଲିଆର ଅର୍ନ୍ତଜାତୀୟ ଟନେଲ ଅଣ୍ଡରଗ୍ରାଉଣ୍ଡ ସ୍ପେଶ ମୁଖ୍ୟ- ପହଁଚି ସ୍ଥିତିର ସମୀକ୍ଷା କରିଛନ୍ତି ।
ତେବେ ଶ୍ରମିକଙ୍କ ଜୀବନ ରକ୍ଷା ପାଇଁ ସବୁଠୁ ଅଧିକ ଗୁରୁତ୍ୱ ଦିଆଯାଉଛି । ଖାଦ୍ୟ,ପାଣି. ଔଷଧ ଓ ଅକ୍ସିଜେନ ପଠାଯାଉଛି । ସେପଟେ ଉଦ୍ଧାରକାର୍ଯ୍ୟରେ ବ୍ୟବହାର ପାଇଁ ବିଦେଶରୁ ଓ ରାଜ୍ୟବାହାରୁ ଆସୁଥିବା ସମସ୍ତ ମେସିନ ଆଣିବା ପାଇଁ ସ୍ୱତନ୍ତ୍ର ରାସ୍ତା ନିର୍ମାଣ କରୁଛି ବିଆରଓ ।