ଗମନାଗମନା ପାଇଁ ନାହିଁ ରାସ୍ତା ! ସ୍ୱାଧୀନତାର ୭ ଦଶନ୍ଧି ପରେ ବି ଛୁଇଁନି ବିକାଶ
କନକ ବ୍ୟୁରୋ : କେନ୍ଦ୍ରାପଡା ଜିଲ୍ଲାର ଲୁଣା–କରାଣ୍ଡିଆ ଦ୍ୱିପାଂଚଳର ମୁଖ୍ୟ ସମସ୍ୟା ହେଉଛି ଗମନାଗମନ । ଦ୍ୱିପାଂଚଳରେ ରହୁଥିବା ମର୍ଶାଘାଈ, ଡେରାବିଶ ଏବଂ ଗରଦପୁର ବ୍ଲକ ୫ ପଂଚାୟତର ୧୩ଟି ଗାଁର ଲୋକ ରାସ୍ତାଘାଟ ନଥିବାରୁ ବର୍ଷା ଦିନେ ଘରୁ ବାହାରିପାରୁନଥିବା କହିଛନ୍ତି । ଲୁଣା କରାଣ୍ଡିଆ ନଦୀର ଦ୍ୱିପାଂଚଳରୁ ବସପୁର ସେତୁ ଯାଏଁ ୬ କିଲୋମିଟର ନଦୀ ବନ୍ଧର ଅବସ୍ଥା ଅତିଦୟନିୟ । ଦିର୍ଘଦିନ ହେବ ରାସ୍ତା ପ୍ରଶସ୍ତିକରଣ କାମ ଚାଲୁଥିବାରୁ ଯାତାୟତରେ ସମସ୍ୟା ସୃଷ୍ଟି ହୋଇଛି । ବସପୁରରେ ଗୋଟିଏ ସେତୁ ଥିବା ବେଳେ ଶଠିଲୋ–କୁଳୁସାହି ଗାଁର କରାଣ୍ଡିଆ ନଦୀ ଉପରେ ଆଉ ଏକ ନୁତନ ସେତୁ ନିର୍ମାଣ ପାଇଁ ୨୫ ବର୍ଷ ହେବ ଦାବି ହେଉଛି । ହେଲେ ପ୍ରଶାସନକି ରାଜନେତା ଶୁଣୁନଥିବା ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଦ୍ୱିପାଂଚଳ ବାସୀଙ୍କ ଦାବି ବାବଦରେ ଉପରିସ୍ଥ ଅଧିକାରୀଙ୍କ ଜଣାଇବେ ବୋଲି କହିଛନ୍ତି ମହାନଦୀ ନର୍ଥ ଡିଭିଜନର ସହକାରୀ ଯନ୍ତ୍ରୀ । ସରକାର ଲୁଣା-କରାଣ୍ଡିଆ ଦ୍ୱିପାଂଚଳର ଶଠିଲୋ– କୁଳସାହି କରାଣ୍ଡିଆ ନଦୀ ଉପରେ ଗୋପବନ୍ଧୁ ସେତୁ ନିର୍ମାଣ କରିବାର ଆବଶ୍ୟକତା ରହିଛି ।