ସଡକ ଦୁର୍ଘଟଣାରେ ଦିବଂଗତ ଅଭିନେତା ସୁଶାନ୍ତ ସିଂ ରାଜପୁତଙ୍କ ୫ ସଂପର୍କୀୟ ମୃତ,ଅନ୍ତିମ ସଂସ୍କାର କରି ଫେରୁଥିଲେ ସଂପର୍କୀୟ
କନକ ବ୍ୟୁରୋ : ଗୋଟିଏ ସମୟରେ ଅଭିନେତା ସୁଶାନ୍ତସିଂ ରାଜପୁତଙ୍କ ମୃତ୍ୟୁରେ ପୁରା ପରିବାର ଭିତରେ ଶୋକର ଛାୟା ଖେଳିଯାଇଥିବା ବେଳେ ଏବେ ତାଙ୍କ ସଂପର୍କୀୟ ୫ ଜଣଙ୍କର ସଡକ ଦୁର୍ଘଟଣାରେ ମୃତ୍ୟୁ ହୋଇଛି । ସୂଚନା ମୁତାବକ ବିହାର ଲଖିସରାଇ ଠାରେ ଏହି ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଏଥିରେ ଜମୁଇ ଜିଲ୍ଲା ଖେରା ଥାନା ଭଣ୍ଡରା ଗ୍ରାମର ଗୋଟିଏ ପରିବାରର ୫ ଜଣଙ୍କର ମୃତ୍ୟୁ ହୋଇଛି । ମୃତକମାନେ ସୁଶାନ୍ତସିଂ ରାଜପୁତଙ୍କ ଭିଣୋଇ ତଥା ହରିଆଣା କ୍ୟାଡରର ଆଇପିଏସ ଓମ୍ ପ୍ରକାଶ ସିଂଙ୍କ ପରିବାର ଲୋକ ହୋଇଥିବା ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଓମପ୍ରକାଶ ସିଂଙ୍କ ଭଉଣୀର ଅନ୍ତିମ ସଂସ୍କାର କରି ମୋଟ ୧୦ ଜଣ ଲୋକ ଏକ ସୁମୋ ଗାଡିରେ ଫେରୁଥିବା ବେଳେ ଲଖିସରାଇ ଠାରେ ତାଙ୍କ ଗାଡି ଦୁର୍ଘଟଣାରେ ଶିକାର ହୋଇଥିଲା । ଏଥିରେ ଘଟଣା ସ୍ଥଳରେ ମୋଟ ୬ ଜଣଙ୍କର ମୃତ୍ୟୁ ହୋଇଥିବା ବେଳେ ୫ ଜଣ ସୁଶାନ୍ତସିଂଙ୍କ ସଂପର୍କୀୟ ଓ ଜଣେ ଡ୍ରାଇଭର ରହିଛନ୍ତି । ଏହାସହ ଅନ୍ୟ ୪ ଜଣ ଗୁରୁତର ହୋଇ ମେଡିକାଲରେ ଚିକିତ୍ସିତ ହେଉଛନ୍ତି ।
ଏହି ଦୁର୍ଘଟଣା ଲଖିସରାଇ ଜିଲ୍ଲାର ହଲସୀ ଥାନା ଅନ୍ତର୍ଗତ ଶେଖପୁରା ରୋଡର ପିପରା ଠାରେ ହୋଇଛି । ସୁମୋ ଭିକ୍ଟା ଗାଡିରେ ପରିବାର ଲୋକେ ଫେରୁଥିବା ବେଳେ ଏକ ଟ୍ରକସହ ମୁହାଁ ମୁହିଁ ଧକ୍କା ହୋଇଥିଲା । ଏହି ଦୁର୍ଘଟଣାରେ ମୃତ୍ୟୁବରଣ କରିଥିବା ୫ ଜଣ ଲୋକ ସୁଶାନ୍ତଙ୍କ ଭିଣୋଇଙ୍କ ପରିବାରର ହୋଇଥିବା ବେଳେ ଅନ୍ୟ ଜଣେ ଡ୍ରାଇଭର ବି ଅଛନ୍ତି ।
କହିରଖୁ କି ବଲିଉଡର ଚର୍ଚ୍ଚିତ ଅଭିନେତା ସୁଶାନ୍ତ ସିଂ ରାଜପୁତଙ୍କର ଗତବର୍ଷ ସନ୍ଦେହ ଜନକ ଭାବେ ମୃତ୍ୟୁ ହୋଇଥିଲା । ତାଙ୍କ ମୃତଦେହ ମୁମ୍ବାଇସ୍ଥିତ ବାସଭବନରୁ ଉଦ୍ଧାର କରାଯାଇଥିଲା । ଏହାପରେ ସୁଶାନ୍ତଙ୍କ ମୃତ୍ୟୁକୁ ନେଇ ପୁରାଦେଶରେ ରାଜନୀତି ବି ସରଗରମ ହୋଇଥିଲା । ମହାରାଷ୍ଟ୍ର ସରକାର ଓ ବିହାର ସରକାର ବି ଏହାକୁ ନେଇ ମୁହାଁ ମୁହିଁ ହୋଇଥିଲେ ।